حظوظ الأزرق الكويتي في تصفيات كأس العالم 2014

[Low Fat]

الله العالم بأن المتأهل عن كل مجموعه

المجموعه الاولى .... العراق + والصين

المجموعه الثانيه ....الإمارات + كوريا الجنوبيه

المجموعه الثالثه ... اوزباكستان + اليابان

المجموعه الرابعه ... السعوديه + استراليا

المجموعه الخامسه .... البحرين + ايران​

​

 

[Navigator]

بدل الامارات بالكويت

والبحرين بقطر

وخل حبنا يستمر

 

[Low Fat]

هلا فيك يابوسلمان .. إن شاء الله نتأهل للنهائيات ..

ولن نلقي اللوم على أي لاعب من لاعبي المنتخب في حال عدم تأهلنا ..
والأسباب كثيره..! منها على سبيل المثال وأولها الدعم المادي
الذي لايتجاوز ربع مايتلقاه أي لاعب في أي دوله ناميه ....!

.... الجدول ممكن يخدمنا في حال عدت أول مباراه مع الإمارات
على خير ... على أقل تقدير نطلع تعادل معاهم ,,

... بعدين عندك كوريا لعبتنا معاهم بالكويت خل نطلع هم تعادل بعد

ومن ثم نستغل ضعف الفريق اللبناني ونتجاوزه بكميه كبيره من الأهداف
في لعبتين ورا بعض قبل مواجهة الإمارات على أرضنا ....
يعني نجمع 8 نقاط قبل لعبتنا مع الإمارات .. ولتصبح هي مبارات التأهل بإذن الله
هني أقدر أقولك مبروك ... شرط لا نخسر أول مبارتين ,,​

 

[away1979]

انا اشجع الكويت ​

 

[Low Fat]

انا اشجع الكويت :d​

أنا أشجع نادي التضامن


​

 

[Navigator]

هلا فيك يابوسلمان .. إن شاء الله نتأهل للنهائيات ..

ولن نلقي اللوم على أي لاعب من لاعبي المنتخب في حال عدم تأهلنا ..
والأسباب كثيره..! منها على سبيل المثال وأولها الدعم المادي
الذي لايتجاوز ربع مايتلقاه أي لاعب في أي دوله ناميه ....!

.... الجدول ممكن يخدمنا في حال عدت أول مباراه مع الإمارات
على خير ... على أقل تقدير نطلع تعادل معاهم ,,

... بعدين عندك كوريا لعبتنا معاهم بالكويت خل نطلع هم تعادل بعد

ومن ثم نستغل ضعف الفريق اللبناني ونتجاوزه بكميه كبيره من الأهداف
في لعبتين ورا بعض قبل مواجهة الإمارات على أرضنا ....
يعني نجمع 8 نقاط قبل لعبتنا مع الإمارات .. ولتصبح هي مبارات التأهل بإذن الله
هني أقدر أقولك مبروك ... شرط لا نخسر أول مبارتين ,,​

الامير عسى الله يطول بعمره تبرع لهم بمليونين دينار

يعني عذر الدعم انتهى والمفروض محد يتكلم فيه

الاعداد اكثر من ممتاز

الجدول يخدمنا بصورة كبيرة ولازم نستغله عدل

اذا حصلنا 4 نقاط من الامارات بقولك مبروك من الحين

اليوم كوريا خسرت من اليابان 3 - 0

ومستواها يختلف عن كاس العالم ولا تنسى عامل الجو راح يخدمنا في مباراتنا معاهم ولازم نستغل هالشيء

نقطة ضعف فريقنا عدم وجود البديل خصوصاً في الدفاع

ولا يرد اللي في بالي

 

[B-A-1983-A-B]

^^^
يايلك يعقوب الطاهر يايلك حبيب قلبك هههههههههههههههههههههههههههههه

 

[B-A-1983-A-B]

يلا شباب مبروكين التعادل مع منتخب كوريا الشمالية 0/0 >>> وتبون توصلون كاس العالم هاا

اقول حمدو ربكم اذا خلصنا التصفيات بثلث خساير و مثلهم تعادل و واثنين فوز

 

[Navigator]

يلا شباب مبروكين التعادل مع منتخب كوريا الشمالية 0/0 >>> وتبون توصلون كاس العالم هاا

اقول حمدو ربكم اذا خلصنا التصفيات بثلث خساير و مثلهم تعادل و واثنين فوز

شفت تشكيلة الشوط الاول ؟

بس طلال العامر اساسي

وفيه لاعبين اثبتوا انهم لا يستحقون الانضمام للازرق

منهم محمد راشد وعبدالله الشمالي وعلي الكندري وحمد العنزي


والمدرب ملعب خالد القحطاني قلب دفاع

قلنا نبي نستفيد من التجربه وتثبيت الاساسيين لزيادة الانسجام مو تجربه البدلاء

 

[Navigator]

اليوم تبدأ التصفيات

المباراة مع الامارات بمدينة العين الاماراتية

الساعه 6.30

تشكيلة اليوم

نواف الخالدي في حراسة المرمى وعامر المعتوق وحسين فاضل ومحمد راشد وفهد عوض في الدفاع وطلال العامر وجراح العتيقي وعبدالعزيز المشعان وفهد العنزي في الوسط وبدر المطوع ويوسف ناصر في المقدمة.


يغيب فهد الانصاري للايقاف ومساعد ندا للاصابه

بالتوفيق للازرق

 

[B-A-1983-A-B]

مبروك فوز المنتخب الوطني على شقيقة الامارات بنتيجة 3/2 بعد ماكانت 3/0 حتى اللحظات الاخيرة من المباراة ولكن الدفاع والخالدي صراحة لاتعليق !!!!!

جنى توقعات النفيجيشن بتصير واقع ويوصل الازرق للبرازيل 2014 .............

 

[بوالعيس بيك]

مبروك فوز المنتخب الوطني على شقيقة الامارات بنتيجة 3/2 بعد ماكانت 3/0 حتى اللحظات الاخيرة من المباراة ولكن الدفاع والخالدي صراحة لاتعليق !!!!!

جنى توقعات النفيجيشن بتصير واقع ويوصل الازرق للبرازيل 2014 .............

يامعود زين صفر الحكم بقوا يقلبونا

منتخبنا مومال البرازيل حده الخليج

 

[ليث متواضع]

مبروك فوز منتخب الكويت اليوم وإن شاء الله يكمل المسيره

 

[B-A-1983-A-B]

يامعود زين صفر الحكم بقوا يقلبونا

منتخبنا مومال البرازيل حده الخليج

شدعوه ياخوي خل عندك شوية امل مايصير من اولها تغلدم اهو صحيح الدفاع خوارة والحارس الله بالخير ولكن الواحد شيقول بعد ترى هوات مو محترفين فيزاهم الله خير ماقصرو ​

 

[Low Fat]

.​

مبروك الفوز على الإمارات

اللي بصراحه مسوين لنا عقده فـ السنوات المااضيه ...


وإن شاء الله يكملون الفرحه بالفوز ع المنتخب الكوري الجنوبي القوي ...


بـــدران يــضرب بـــالمليان


[YOUTUBE]NaqyfBo3AfA[/YOUTUBE]​

.​

 

[قلم حر]

مدرب فاشل

وله فريق فايز 3 / صفر ومضيع جم هجمه والمنتخب الاماراتي

مستسلم تروح تغير وتدافع !!!

​

 

[Navigator]

ولله الحمد ابتدينا بالتصفيات على اكمل وجه

لحد يلوم اللاعبين على الهدفين والسبب عدم وجود قلبي الدفاع الاساسيين ومحمد راشد والقحطاني مو متعودين يلعبون بالمركز هذا ولا بتصفيات كأس العالم ومباراة صعبه وخارج القواعد

المنتخب قدم احدى اجمل مبارياته بالفتره الاخيره وضيعنا اكثر من 3 اهداف محققه

حصلنا المهم وهو الثلاث نقاط خارج البلاد

المباراة القادمة يوم الثلاثاء مع الشمشون الكوري في الكويت وهو يفوقنا مستوى واعداد ومهاره

لكن لا يوجد مستحيل في كرة القدم حتى وان خسرنا المباراة

اهم عامل يجب استغلاله قبل الارض والجمهور هو الجو او حالة الطقس الحارة على المنتخب الكوري


ما ادري اذا الانصاري راح يلعب المباراة الجاية او لا وما ادري كم مباراة موقوف ؟

وشبابنا فيهم الخير والبركه ويملكون العزيمة والاصرار

باذن الله نقدم مباراة افضل من الاولى ونحصل على نتيجة ايجابية

بالتوفيق للازرق

 

[B-A-1983-A-B]

^^^^
يقولك احتمال يعقوب الطاهر + العتيجي بيكونون بالتشكيلة الاساسية بالمباراة الياية >>>> ابي أيس فيك يابو سلمان ههههههههههههههه

 

[Navigator]

العتيجي مو مقصر والله يعطيه العافية يعطي من قلبه ويتألق رغم تواضع مستواه

اللي باط جبدي ربعنا ليش ما يبلشون بالدوري ؟

هذا اهم وقت تصفيات كأس العالم المفروض يكون الدوري مبلش يمكن نحصل لاعبين يبرزون

مشكلة فريقنا عدم وجود احتياط بمستوى الاساسيين

شفت وليد علي وصالح الشيخ امس ؟ !!!

 

[B-A-1983-A-B]

^^^
انا من شفت وليد علي حاشني احباط انا بالنادي لايعة جبدي منه هالدور لاحقني المنتخب مادري متى يعزل ..... امس استانست على المشعان فهيدان صراحة احسهم مباراة بروحهم متعى لدرجة اني حسيت فهد العنزي نازل بس عشان يمصخر الدفاعات ويشرشحهم هههههههههههه

بالنسبة حق الاحتياط للفريق خلك واقعي ترى ماكو احسن من الموجودين من وين بتييب لاعبين على مستوى في لاعب اسمة سعود باني على ماعتقد عمرة بحدود 17 يقولون لاعب فلتة مع منتخب الشباب ويمكن يفيد الفريق لو يضمونة بس المشكلة قطر لاعبة براسة ومعشمينة بالجنسية وعقد احترافي فاللاعب شكلة متردد يدش الفريق الاول