((((** من يعترف معاي **))))

[العاشق]

ماخسبقني احد غيره

تصدق يقولي انه متعشي مع لميس ​

اشكره عشااااااااااااه هني وعافيه ​

 

[العاشق]

لا مايحتاج العاشق كافي :rolleyes:

انا حاضر ومن عيوني للي يبي الفزعه

بس فيني نوم خلوها باجر ​

 

[العاشق]

حشر عينك حاااااااااااااره هااااااااااااااااااااااااااااااه​

 

[إبن الوليد]

تصبحون على خير & واخاف بعد بوسلمان يزعل علي

بس لاتلومني خلني اروح اوضي وصلي ركعتين يمكن انسى

يارب ارحمنا برحمتك من هذا العذاب يعني مافيه غيري بس انا اللي اتعذب​

 

[إبن الوليد]

حشر عينك حاااااااااااااره هااااااااااااااااااااااااااااااه​

ياليت عيني حاره جان ذبحتها وريحت الناس منها​

 

[الهمس الخجول]

والله والله ياهيفا السالفه صج

والحين انا احتضر من سهمها الذي انطلق من عيونها وجاء

اهنيه اهنيه في فؤادي ياهيفا بغى يذبحني وانا ضعيف امام الجمال الفتاك

بس وغلاتك ماتركتها الا لمى اعطيتها نظره حاده مثل عين القصر الموحش​

التأثير قوي

 

[العاشق]

ياليت عيني حاره جان ذبحتها وريحت الناس منها​

مرجانه خفي على ولدنا شوي ​

 

[زهره]

اعترف

شقول شحجي ؟؟

اعترف انني تغيرت وايد حتي قمت اتفاجأ من نفسي

اعترف انني صرت واقعيه جدا

اعترف انني غير قادره علي الحب الجارف ( القلب حب بس مره)

اعترف انه قلم احس انه اخ حنون احن من اخواني

اعترف انني صرت صبووووره اعترف انني مدمنه علي الفيتامينات والمسكنات

اعترف انه لو هيفا تموت راح اموت وراها

اعترف انه هيفا عندي اهم من زوجي ولها مكانه ما اقدر اوصفها

 

[زهره]

اعترف انني ما كنت احب نيفيجيتور ومره من كثر ما عصبني ارتفع ضغطي وكنت مقرره اترك المنتدي

بس اعترف انني الحين عادي استلطفه

اعترف انه حشور مهما قال ما اعرف ازعل منه ....واضحكني

 

[هيفا]

أعترف اني اليوم بطيحله بجي

 

[Navigator]

ابشركم اعلنت التوبه

 

[العاشق]

أعترف اني اليوم بطيحله بجي

اشربي زقاير ارحم من البجي ​

 

[زهره]

اشربي زقاير ارحم من البجي ​

هههههههههه ...... زقاير عاد؟ وع

 

[Navigator]

وصلنا للاعتراف


اعترف اني ما احب اجامل

ولا افرق بين عضو وعضو

اعترف اني ادري ان الكثير ما يستلطفني ولا يحب اسلوبي

اعترف اني صريح وصراحتي مسببه لي احراج في زمن ما تنفع وياه الصراحه

اعترف اني احب الاعضاء كلهم من دون تفرقه

اعترف اني بالغت بالحرص على راحة اعضاء الاستراحه

اعترف انه قليل من كان يفهمني

اعترف بأني حققت الشيء الكثير لمحبة الاعضاء فيما بينهم وزيادة الاحترام واختفاء الكراهية بينهم

أعترف بتقديري لمجهود الاعضاء وخصوصاً المشرفين بو عبدالله وابو علي

 

[الذيبة]

اعـتـــررف انـــي آحـــب هــ الــمــنــتــدى وآحـــب اللي فــيه اكـثــررر ...


اعــتــررف عــمـــرري مــــآتــخـــذت قـــرار ونــدمــت عــلــيه ...


اعــتــررف واقــولهاا دووم اللي مــالــه حــظ لا يــتــعــب ...​

 

[الهمس الخجول]

اعترف انو اخوي اللحين سمعني مقطع صوت اول ماسمعته قلت له سبحان الله نفس صوت اخوي المتوفي وبعدها خلاني اشوف مقاطع بالموبايل لاخوي الله يرحمه والله تفاجأت اول مره يخبروني عنها بصراحه تأثرت وتعبت نفسيتي شوي الله يرحم شبابك يااخوي ضحكك ومزحك وحكيك وشكلك اللحين اشوفه صوت وصوره وانت تحت التراب صدق الدنيا متعبه كأني اشوفك قدامي

 

[العاشق]

اعترف انو اخوي اللحين سمعني مقطع صوت اول ماسمعته قلت له سبحان الله نفس صوت اخوي المتوفي وبعدها خلاني اشوف مقاطع بالموبايل لاخوي الله يرحمه والله تفاجأت اول مره يخبروني عنها بصراحه تأثرت وتعبت نفسيتي شوي الله يرحم شبابك يااخوي ضحكك ومزحك وحكيك وشكلك اللحين اشوفه صوت وصوره وانت تحت التراب صدق الدنيا متعبه كأني اشوفك قدامي

الله يرحمه ويغفرله ويسكنه فسيح جناته​

 

[هيفا]

اعترف ان موت اخوي أثر بحياتي بشكل كبير وقلبي ليلحين فيه جمره

الله يرحم اخوج واخوي يا همس ويرحم جميع موتانا المسلمين امين

 

[العاشق]

بسكم بليييييييييييييييز والله تعومست


هاااكم شوفو هالخبل غيرو مودكم


[YOUTUBE]V2UskLS44MU[/YOUTUBE]​

 

[Navigator]

يا جماعه الله انعم علينا بنعمة النسيان

لازم تقلبون المواجع يعني ::verymad::

الله يرحمهم ويغفر لهم

شهر 3 اللي فات دفنت ولدي عمره 7 شهور

وقبله بشهر 7 السنه اللي طافت بنتي وعمرها 9 شهور

والله يرحم جميع موتى المسلمين