((((** من يعترف معاي **))))

[ورد و هيل]

خطاج السوء حبيبتي صج في ناس غريبين

بس الحمدالله ان التأمين ذهبي





خطااج اللاش


غاليتي هيوووفة




الله يساامحه

 

[نجوم777]

اعترف انى حبيت وحده من شارعنا حب عذرى ..واعترف انى تولعت كان عمرى 18 سنه .. مااكنت لانى موظف ولا شى ...قلت لمى السالفه قالت اشلون اخطبها وانت مو موضف ..واقرأ بأحد الصحف طلب وضيفه... مانى قايل شنو الوظيفه ...علشان اتوضف وتوافق امى على خطبتها ...الوظيفه هذى كنت مااطلع للبيت الا كل 3 اسابيع مره خميس وجمعه بس ...وكل مااطلع من الوضيفه اسأل امى عنها اقولها خلاص ان شاء الله اعتبرينى توضفت اخطبيها لى ...قالت خلاص طلعتك الجايه راح تسمع منى الخبر الى يسرك ...ورحت بعد كم اسبوع واطلع واول سؤال لها هااا اشسويتى كلمتيهم ...قالت كلمت الوالده مااعندها مانع ..قلت اهم شى البنت قالت البنت ان شاء الله لما اتخلص الاسبوع الجاى راح تجى تلقانى مكلمتها ...وينتهى الاسبوع واجى لامى واقولها اسويتى هاا وافقت البنت ..قالت موافقه البنت ...ياانى استانست ...قلتلها وليه مااخطبتيها رسمى ..قالت بقى ابوها ...ارجع الكليه ..وتلقى ان شاء الخبر الاكيد عندى وارجع الكليه ...ومتحمل التعب والدق والظيم كله فى سبيل حبيبتى ...وارجع بعد اسبوع

والا تقولى كلمت الام الابو ..والابو مو موافق ...ماايعطى غير قبيلته ...انا صكت فينى الدنيا ...قلت لامى والحل شنو ..قالت تصبر يمكن يلين رااس الابو ....واصبر واصبر ...وجاء الخبر الاكيد ماافيه زواج ماانعطى بنتا الا لولد عمها .....ااااااااااااااااااخ صدمه ...ودشيت الوضيفه هذى كله علشان اتوضف واخطبها ....وانتهت بالنسبه لى وكملت الدوره ...لانه خلاص ماابقى منها شى ...مرت السنين وصار عمرى 26 ويخطبولى ...وردينا لسوالف الماضى مع امى قلتلها تذكرين يوم خطبتيلى البنت جيرانا وابوها الحجرى الى رفضنى .....جان تقول لاوالله تفكيرك الى مو مضبوط ...قلت شقصدج قالت انت من صجك انى كلمت امها والا البنت والا حتى قربت بيتهم ....يبه كلها جذب فى جذب ... لانك مراهق وماتعرف تختار تمشى وتحب ...

 

[نجوم777]

مشكله الجهراويه

أخ زحل تصدق

واحد جهراوي من الربع عزمته على سباقيتي قبل أكثر من 10 سنوات من بيتزا هت

ثاني يوم قالي أنا مشتهي ( سباقيلا )

وسببلي عقدة تطورت لل شوارب الخضره الحين

فا تكفه دش قوقل وثقف نفسك

قاعد اضحك مع داشه عرض اخ نبهان ....وانت دايما نقرا كلامك ...ونظحك لاننا مانصدق شى فيه ....فخلك مثلنا لاتصدق اى كلمه تنقال

 

[B-A-1983-A-B]

اعترف ان سالفة الدوسري اعفست مخي موليه وكملها الاخ زحل بسالفة حبة العذري

ماقول الا يازين العزوبية عيش حياتك حر يالحبيب

 

[داشه عرض!!]

بنات الدماء الزرقاء ...الناس تفكر بشوربه ..تشريبه وهم على مولتين كيك ومادرى شطلع

دماء وزرقاء يعني انا من سلالة اخطبوط البحر

وبعد ماتدري شيطلع المولتن كيك نجوم انت باي عصر ومغرب عايش!!@@

المولتن عباره عن كيكه وداخلها ككاو سايح عجيييييييييييييييييب هالسنه هابه فيه هبه

خو انا كل سنه اتنسى علي اكله وادمنها

 

[داشه عرض!!]

مشكله الجهراويه

أخ زحل تصدق

واحد جهراوي من الربع عزمته على سباقيتي قبل أكثر من 10 سنوات من بيتزا هت

ثاني يوم قالي أنا مشتهي ( سباقيلا )

وسببلي عقدة تطورت لل شوارب الخضره الحين

فا تكفه دش قوقل وثقف نفسك

طاعو منو يعلم منو عنبر خو بلال خضيري وذاك معتصم الايفون هههههههه

شوارب الخضره يالخضيري هاااا سباقيلا اخاف انت اللي معزوم وقطيت هالقطه اللي تفشل

علي طاري البدليات ذكرتوني ايام المتوسطه كانت معاي وحده ماتقول همبرجر تقول هامنغر والمصيبه ان كان عندنا باجر يوم مفتوح وتقول ابله نبي هامنغر هامنغر الصف كله طالعه عيونه وميتين من الضحك حتي انا تفشلت انها رفيجتي ::verymad:: هههههههههههههههههههههه والله ايام

 

[نجوم777]

دماء وزرقاء يعني انا من سلالة اخطبوط البحر

وبعد ماتدري شيطلع المولتن كيك نجوم انت باي عصر ومغرب عايش!!@@

المولتن عباره عن كيكه وداخلها ككاو سايح عجيييييييييييييييييب هالسنه هابه فيه هبه

خو انا كل سنه اتنسى علي اكله وادمنها

ليش اتشمتين فينى العذال .... معقوله مااعرف الى تقولين عنه ....ليه بااى عصر انا ...انا قاعد اضحك معاج ....الحين قوليلى اى اكله تااكلونه يالاغنياء وانا راح اقولج شنو هى

 

[B-A-1983-A-B]

ابي انام وراي دوام الساعة 7 ونص ومافيني النوم !@!

 

[ورد و هيل]

ابي انام وراي دوام الساعة 7 ونص ومافيني النوم !@!

اي

اهنيييييه تبين قيمة الاجااازة ب رمضاااان

 

[B-A-1983-A-B]

^^^^
شسوي رصيدي كلة 60 يوم اخاف يصير طارء او شي ضروري الله لايقول وتوهق ماعندي رصيد حزتها مشكلة فمتحمل الدوام مبجر مدير الادارة الله يسامحة لعوزنا اول عطونا تعميم الدوام من 9 لين 1ونص تالي قلب علينا وصار من 8 لازم مرتز بالمكتب لين 1 الظهر قهر
عاد عندي مدير الدوام يخلص واهو قاعد شتسوي فية بالله تطردة !!!

 

[Low Fat]

... أعترف أيام المراهقه أني بقت سيارة أبوي ودعمت عليها سيارة ولد عمي بالبر (والله العظيم بالبر)
وتكسر الصطاب وتسلفت فلوس عشان بس مايدري عني أبوي وركبت صطاب تجاري وبعدها بيومين رحت وتسلفت وشريت صطاب أصلي لأن قالوا يقلب لون التجاري ...

..... أعترف أني شريت سياره على أبو أبيع وأشتري بالسيارات وخسرت 500 دينار
بعدها قررت ما أكرر العمليه الفاشله ...

.... أعترف أني نجحت بمجال وتركته لقلة مردوده .. مع أنه جيد
وذهبت لمجال آخر وصفيت على 10% من الوفره الماليه اللتي كانت متوفره لدي .. وللحين نعابل هـ الدنيا ,,​

 

[nabhaan79]

ليش اتشمتين فينى العذال .... معقوله مااعرف الى تقولين عنه ....ليه بااى عصر انا ...انا قاعد اضحك معاج ....الحين قوليلى اى اكله تااكلونه يالاغنياء وانا راح اقولج شنو هى

ترا إنت اللي ورطت نفسك

أذكر قبل أكثر من 10 سنوات طبعا أيام المراهقه وأيام يبا عطني دينار بصب بانزين

رحت ورا الكنيسه في مجموعة قهاوي ويبيعون سندويشات

دشيت وكنت كاشخ بلوزه من محلات نكست وصافط الموتر بره

المهم

طلبت ديك رومي ساندويتش

ورحت للسياره وعطيت رفيجي أبو سباقيلا

المهم

قالي شنوووووووو هذاااااااااا الصمونه بااااااااااااارده

وطبعا لأول مره بحياتي أشوف صمونه بارده (مثل سابوي)

وقلتله يا حبيبي الصمونه سعرها دينارين ونص وشكله كشخه مستحيل يكون في شي غلط

الظاهر أنا وياك اللي غلط هههههههههههههههههه

وطلع صج أنا وياه غلط هههههههههههههههه

الحين السؤال الصعب يا خبير أكلات الأغنياء

شنو سباقيلا (إذا جاوبت لك بيبسي تفتح الغطا يمكن يطلعلك سياره)

أقول لا تتفخها ترا أفخم مطعم دشته بحياتها كان بوفيه بعرس ومو معزومه بعد كانت داشه تشوف الطقاقه تبي تحجزها لعرس ولد خالتها

لا تصدق ترا نكها فقري

 

[TAHOE]

وآنا أعترف انك صبرت عليه ومادق

والحل انك تصبر عليه لين يدق

اعترف ان هيفا كلها ذوق ​

آعترف انو موضوع هيفـــآ حلــو كصآحبته


:


آعترف آني آحب المنتدى والاعضاء اللي فيهـ
:


اعترف اني فقدت عضوهـ عزيزهـ وغآلية وله مكآن بالمنتدى >نوآرهـ


:

آعترف اني مــآآحب خدمتنـــــآ الســآحرة ..


.​

آعتــــــــــــــــرف آنو زواج بنت خالتي يوم الخميس بإذن الله
أعتــــــــــــــــــــــــرف انو الجميع معزومين ههههههههههههههههههههههههههههههههاي

اعترف اني ما باركت لكم على التميز
وهيفا بنيه كلها ذوق
مبرووووووووكييييين

 

[دنياء غريبه]

اعترف اني ما باركت لكم على التميز

مبرووووووووكييييين

يـــــــــآإآهــلا تـــــآهــــو .!

الله يبـــــــــــآرك فيك ويخليك ـ ومبآرك عليك الشهر وكل عام وانت الى اقرب

وينعـــــــــآد عليك بصحه وسلامة يـآرب ـ دمتُ بهدوء وسعآدهـ ​

 

[نجوم777]

تااااهو حمدالله على السلامه ...ومبروك عليك الشهر ....اشلون عيونك عقب العمليه ....

 

[away1979]

اعترف اني ما باركت لكم على التميز
وهيفا بنيه كلها ذوق
مبرووووووووكييييين

واعترف انك من الغالين والمحترمين في هذا المنتدى الله يبارك بأيامك

ومبارك عليك الشهر وعساك من عواده ​

 

[TAHOE]

يـــــــــآإآهــلا تـــــآهــــو .!

الله يبـــــــــــآرك فيك ويخليك ـ ومبآرك عليك الشهر وكل عام وانت الى اقرب

وينعـــــــــآد عليك بصحه وسلامة يـآرب ـ دمتُ بهدوء وسعآدهـ ​

ويبارك عليكي الشهر يا اوخيتي دنياء والله يسلمك من كل شر

تااااهو حمدالله على السلامه ...ومبروك عليك الشهر ....اشلون عيونك عقب العمليه ....

هلا وغلا اخوي نجوم
الحمدلله لعيون تمام التمام ,, شخطوها بالليزك وقطينا وافتكينا من العدسات

مشكور على السؤال يا الغالي

 

[Navigator]

حي الله بو داود

الحمدلله على السلامه

منور

 

[TAHOE]

حي الله بو داود

الحمدلله على السلامه

منور

الله يسلمك يا بوسلمان الغالي

ترى احنا موجودين ونحوس بمنتدى السوق الكويتي بس هالايام السوق ردي ومحد يسأل عن التحليل قلنا انيي نتحرش اشويه بشباب وشابات الاستراحه الحلوين يمكن احد يخطب لنا عروسه ونفتك من حياة لعزوبيه ولفراره ::verymad::

سلم لنا على بوخالد العود

 

[TAHOE]

واعترف انك من الغالين والمحترمين في هذا المنتدى الله يبارك بأيامك

ومبارك عليك الشهر وعساك من عواده ​

كلك ذوق وادب واخلاق يا خوي away1979

ومشكور على هذا الاطراء من اخ غالي