((((** من يعترف معاي **))))

[نجوم777]

اعترف انه هذا الموضوع ....كشف اسرار كثيره . وموضوع كسب اكثر مشاهده واكثر تعليقات فى فتره قياسيه ...شكرا هيفا

 

[away1979]

اعترف واكتشفت ان الحكومه كانت تتبع تحركاتي بهالمنتدى وشكلي رحت بطيخ ​

 

[النايفه]

أعترف أن إعترافات زهره هزتني بقوه وأثرت فيني ولما شفت البلاوي اللي مرت عليها هانت علي مصيبتي،،

أعترف إني زعلت داشه عرض ودزيت رساله لها بالخاص اقول لها إني دشيت معاها بقوه بالبدايه لأني ظنيتها نواره1
وإني ليقبل إسبوعين أظنها رجل!!
عشان جذيه قلت كلام بالصميم
وأنا أعتذر منها وأتمنى تقبل عذري وما تشيل بخاطرها علي ورمضان عالأبواب وإهيا طيبه وأنا أستاهل إن شاء الله

أعترف أن بوعبدالله قلم هو أقرب عضو لقلبي وأعتبره أخ كبييير وما أنسى مواقفه معاي مع إني شكثر غثيته بحياته بس أهوا من الناس الذهب اللي ما تتغير على طول الأزمان وياما عطاني نصائح إستفدت منها الله يجزاه خير،، فتحيه مني لأرقى إنسان والله يقدرني إني أكون عند حسن ظنه فيني،،،

أعترف إني أنا اللي صممت شعار المؤشر هديه مني للمنتدى الغالي،،،وهالكلام 2008

أعترف إني توني بديت أحس بالدنيا من بعد وفاة زوجي ومازلت أحس بفجوة بقلبي لكن ربي عطاني نعم أستحي أحزن وأنا فيها،، فلله الحمد والفضل والمنه،،

أعترف إني تركت المنتدى قبل فترة يوم طلبت وقف عضويتي من المؤشر والسبب تعرضي لمضايقات عالخاص من كذا شخص ورفض المؤشر طلبي بالبدايه وبعدها بعد ما إستحلفته وافق،، وبوعبدالله خلاني أرجع غصبن عني،،، والمؤشر هو اللي منحني التميز،،،بناء على كلام بوعبدالله.
وكرمهم أثنينهم غمرني وخجلني.

أعترف أن شخصيتي قويه ومتكلمه وإجتماعيه وأحب الحياه وغشمريه بس مزاجيه وقلبتي قشرااا
وأن صراحتي ماتعجب بعض الناس رغم إني لبقه ومو وقحه لكن الصراحه غير مرغوبه ومالها سوق،،

أعترف إني مبذره لدرجة أشتري وما أشوف الأسعار وأحرم نفسي من الروحه للمولات عشان لا أضعف وأشتري..
أعترف أكره المتن حيييل وأخاف منه وأخاف من الشيخوخه

 

[هيفا]

أعترف انه هيفا ... طول فترة مشاكلي وصدماتي كانت سندي وعوني ... ولا مره اخذلتني ولا مره ومن دون مصلحه ولا مقابل.

عشان جذي افضالها كثيره علي واتمني اردلها لو ربع محبتها وعطائها

اعترف ان افضال زهره علي اكثر من افضالي عليها من حيث لا تعلم

 

[هيفا]

اعـــتـــررف اني لماا ارووح مكان او زواره واشووف محبه الناس بعيونهم لي و الكل يحرص على انه يقعد

معاي ويستأمني على سره ويثق فيني وبتفكيري هالشي يسعدني

ويفرحني كثيرر واعتبره راسي مالي ​

اعترف ان كلام الذيبه ينطبق علي

دايما اشوف محبة الناس لي بعيونهم والكل يستأمني على سره ويثق فيني والحمدلله

 

[away1979]

اعترف واكتشفت ان الحكومه كانت تتبع تحركاتي بهالمنتدى وشكلي رحت بطيخ ​

واعترف ان اعترافي هذا بيحولني للتحقيق والظاهر بيكون تحقيق عسير ​

 

[هيفا]

حلو الانسان لما يذكر اصدقاه بالخير ويذكر فضلهم عليه

الله لايفرقكم

امين يارب مشكوره داشه 

اعترف بتقصيري تجاه المنتدى خلال الايام السابقة
ولكن يكفيني تصفح المنتدى حتى ولو لم ادخل كعضو مشترك

شكراا لج هيفا خوش فككرة وموضوع حلو واكثر من رائــع

شكرا فيصل ولا تطول الغيبات 

اعترف انه هذا الموضوع ....كشف اسرار كثيره . وموضوع كسب اكثر مشاهده واكثر تعليقات فى فتره قياسيه ...شكرا هيفا

العفو نجوم الانسان اذا فضفض وتكلم عن نفسه للناس اللي يحبهم يرتاح وايد 

 

[B-A-1983-A-B]

يالله ياكثر اعترافاتكم >>>>>>>>>> قلبة متروسة

 

[نجوم777]

اعترف انه عقب اعترافاتكم هذى ...الكل يستحق سجن عشر سنوات ...

 

[هيفا]

اعترف اني ادمنت عالمؤشرنت ولحين انا بالزواره وهم متواصله معاكم ومتابعتكم

اللي زايرين طايحين فيني زف يقولون منو اللي ماااااخذ قلبج

 

[نجوم777]

دام الاعترافات خارجيه

بعترف اعتراف ما علمت اي بشر بقصته

في اواخر السبعينات كنت صغير ومعاي 120 فلس

وكنت بكراج البيت والعب كره وطرت علي لعبه ارمي

الكره عالطوفه وترجع لي واضرربها براسي عالطوفه

المهم حطيت الفلوس بحلجي ولعبت جان اقص بالفلوس

العشرين فلس بلعته والاميه اشوا طلعت ومن يومها

ما علمت احد ولا ادري عن مصير ال 20 فلس

السالفه صج والله

واللي يلقى العشرين فلس ترى حلال عليه


​

لقيت عشرين فلس مصديه ...... مادرى اذا مالتك والا لا ....سنه جم اصدار العشرين فلس اذا تذكر

 

[النايفه]

لقيت عشرين فلس مصديه ...... مادرى اذا مالتك والا لا ....سنه جم اصدار العشرين فلس اذا تذكر

لوووووووول
أعترف إني ماكنت أستلطف ولا أهضم نجوم عشانه كان يهاجم المرأة وزعلت عليه لما زعل زهره بس المشكله يوم وقفوه كسر خاطري وفرحت لما رجع مع إنه loding.. ساعات
بس الحين عرف لنا وعرفنا له

 

[الهمس الخجول]

اعترف أنو أسوء سنه مرت علي سنه وفاه أخوي الله يرحمه دخلت بعدها بحاله أكتئاب وابتعدت كثير عن ناس أعزهم وأقدرهم ووفاته أثرت في نفسيتي وشخصيتي كثير
اعترف أنو قبل أربعه شهور أصبت بحاله يأس وأحباط واكتئاب قويه وفكرت انهي حياتي لكن الله سبحانه لطف بحالي وتعرفت على قروب بنات صإلحات بالصدفه والتزمت ورجعت لحيإتي الطبيعيه بس عاد مو الالتزام القوي
اعترف أسكن في بيت كبير ولوحدي وكل اللي أبيه متوفر لي وطلباتي أوامر لكن أحس بالوحده
اعترف أنو علاقتي مع بآبيتو وماماتي جدا رسميه وبحكم الظروف ماأشوفهم إلا بالسنه حسنه ومرات تمر سنين وماأشوفهم
اعترف أنو سجلت هالاعترافات وأنا بسياره ومستعجله

 

[قلم حر]

أعترف أن إعترافات زهره هزتني بقوه وأثرت فيني ولما شفت البلاوي اللي مرت عليها هانت علي مصيبتي،،

أعترف إني زعلت داشه عرض ودزيت رساله لها بالخاص اقول لها إني دشيت معاها بقوه بالبدايه لأني ظنيتها نواره1
وإني ليقبل إسبوعين أظنها رجل!!
عشان جذيه قلت كلام بالصميم
وأنا أعتذر منها وأتمنى تقبل عذري وما تشيل بخاطرها علي ورمضان عالأبواب وإهيا طيبه وأنا أستاهل إن شاء الله

أعترف أن بوعبدالله قلم هو أقرب عضو لقلبي وأعتبره أخ كبييير وما أنسى مواقفه معاي مع إني شكثر غثيته بحياته بس أهوا من الناس الذهب اللي ما تتغير على طول الأزمان وياما عطاني نصائح إستفدت منها الله يجزاه خير،، فتحيه مني لأرقى إنسان والله يقدرني إني أكون عند حسن ظنه فيني،،،

أعترف إني أنا اللي صممت شعار المؤشر هديه مني للمنتدى الغالي،،،وهالكلام 2008

أعترف إني توني بديت أحس بالدنيا من بعد وفاة زوجي ومازلت أحس بفجوة بقلبي لكن ربي عطاني نعم أستحي أحزن وأنا فيها،، فلله الحمد والفضل والمنه،،

أعترف إني تركت المنتدى قبل فترة يوم طلبت وقف عضويتي من المؤشر والسبب تعرضي لمضايقات عالخاص من كذا شخص ورفض المؤشر طلبي بالبدايه وبعدها بعد ما إستحلفته وافق،، وبوعبدالله خلاني أرجع غصبن عني،،، والمؤشر هو اللي منحني التميز،،،بناء على كلام بوعبدالله.
وكرمهم أثنينهم غمرني وخجلني.

أعترف أن شخصيتي قويه ومتكلمه وإجتماعيه وأحب الحياه وغشمريه بس مزاجيه وقلبتي قشرااا
وأن صراحتي ماتعجب بعض الناس رغم إني لبقه ومو وقحه لكن الصراحه غير مرغوبه ومالها سوق،،

أعترف إني مبذره لدرجة أشتري وما أشوف الأسعار وأحرم نفسي من الروحه للمولات عشان لا أضعف وأشتري..
أعترف أكره المتن حيييل وأخاف منه وأخاف من الشيخوخه

من فتره حاشني خمول وشوية تملل من الاستراحه وبعد

مشاركة زهره وبعدها النايفه وكلامهم الطيب بحقي

تجدد نشاطي فالف شكر والف تحيه لكم

والله يقدرني ان اكون عند حسن ظنكم فيني

​

 

[نجوم777]

اعترف يوم كنت شباب كنت مستلم فى الدوام فى الوزاره الى انا فيها ..وكانت تحيط بنا العماير من كل جانب ...وكنت مستلم نوبتى في مكان مكشوف فى خارج الوزاره .. وكنت انظر الى المبانى الى حولى والا بنت شعرها (كاريه ) اتطالع على من الجام هى بالدور الخامس وانا تحت مستلم نوبتى ...وكل مااطالع فيها الا عينها بعينى وماتحرك ...يعنى لفت نظرها وكل مايجى صاحبى علشان يبدلنى اقوله رووح مابيك اتبدلنى ..كان المكان الى استلم فيه مكان محد يرغب فيه والنقطه المركزيه هى الراحه وكنت ارفض اروح النقطه المركزيه والشباب مستغربه ...وقعدت ثلاث ايام وانا على هالحال اطالع واتطالع وتركيز بينا ...يعنى اطلع للبيت كأنهأ تودعنى مو راضيه تشيل عينها من على ...آخر شى قلت بخربها برووح اقرب بشوفها عدل او انى اصعدلها العماره ..البنت خلاص تحطمت فينى ...ويوم قربت بسيارتى ناحيه العماره واطالع فيها عن قرب تعرفون شنو شفت شفت نفس هذى بس بالملقوب مركونه على الجام ...

 

[هيفا]

ههههههههههههههههههه نجوم قويه :d

 

[نجوم777]

ههههههههههههههههههه نجوم قويه :d

السالفه صج والله ..... انطرى الاقوى منها

 

[بوالعيس بيك]

أعترف انه الربع ناطريني وآنا كاشت فيهم

وأعترف انهم أذوني بكثرة اتصالاتهم

أعترف إني بصلي المغرب وبروح لهم

وأعترف إني قاعد أطالع التلفزيون خوش خوش

الله يستر من اعترافاتي الخطيره​

 

[هيفا]

بصراحه بوالعيس اخاف يتسكر موضوعي بسبتك شهالاعترافات الله يهديك بعتها

 

[بوالعيس بيك]

بصراحه بوالعيس اخاف يتسكر موضوعي بسبتك شهالاعترافات الله يهديك بعتها

شسوي ياهيفا هذا كل ما أملك من اعتراف حاليا