شغله محيرتني مادري وين اكتبها ..
خل نتحاور معاكم فيها هني
![Smile :) :)](/community/styles/default/xenforo/smilies_vb/smile.png)
_______________________
في شي غريب بالتحليل الفني محيرني .. اتمنى توصل الفكره عدل للقراء..
مثال
السوق لمه يعطيني نموذج فني مثل مثلث صاعد
والمقاومه تكون مثلا 1200
والدعم يتغير .. مره 1000 .. وبعدين 1070 وبعدين1150
وبكل مره يصعد للمقاومه 1200 وينزل .. لانه تعودو المضاربين البيع عند هالرقم
ويرد ينزل ويشترون .. ويبيعون مره ثانيه وثالثه بسعر 1200
بس لمه السوق يكسر هالرقم1200 .. يصير تداول عالي .. لان المتعودين على البيع بهالسعر راح يردون يشترون مره ثانيه بعد ما باعو لان صار تغيير بالاسعار
وخالف توقعاتهم .. وراح يصعد اكثر ويطلع من المرحله السابقه
للحين حلو الكلام ؟
انزيييييييين
لمه السوق يكون باتجاه هابط ويكسر الترند بكمية تداول عاليه ... ليششششششش شالسبب ؟ ليش يكسر بتداول عالي معنى مافي مقاومه سعريه سابقه بهالمنطقه !!!!! ليش ما يكسر بتداول بسيط ويصعد بقوة!!
ساعات اقول ان هذه الاشاره كأنها رساله من المحافظ والصناديق لباقي التجار سواء داخل الكويت او بره الكويت ممن يعرفون التحليل الفني
(
كأنها اشارة WELCOME TO OUR MARKET ..WE ARE GOING TO NEW HIGH)
كأن العملية قبل (بدايات البورصة) كانت عشوائيه وحركتها غير مدروسها .. وبعدها اظهرو شي اسمه التحليل الفني وتم نشره للناس لكي يستخدمونه ... وبعد استخدامه ممكن التوجه به الى السوق الجيد .. يعني كأن صارت ثقافة او لازم السوق يمشي على اسس لجذب الناس للاستثمار .. ما تصير خبط لزق
وكثير من الناس تقول التحليل الفني ما يمشي مع الاسهم المملوكه بكميات كبيره من الملاك ويتدخلون بتحريك السهم .. ممكن هذا الشي صحيح ..
وممكن قياساها على سوق صغير .. ايضا ممكن ان صعب تحليله فنيا
بس لمه السوق يكون كبير وعدد الاسهم المباحه للاستثمار كثيره .. ممكن يكون التحليل الفني فيه جيد ومشجع لاصحاب الاموال الكبيره الدخول به
من ناحية اخرى:
الغرب معروض عنهم الجعاصه والنحاسه .. يعني .. شغلهم كله سكاتي وما يعلمك لو تنقز(بشكل عام) ..
ليش تم نشر هذا العلم !!!!!!! ليش مااحتفظو فيه لكي يحققو مكاسب خيالية ويخلون القرعه ترعه
هل كيف يعني هل كيف خخخخخخ
هل تم نشره لنفس السبب الي فوق ؟ لكي تتحرك الاسواق على اسس ومعرفة السوق الجاذب للأستثمار ؟؟؟