الصديق والا الفنيطيس؟؟

[فرحان جداً]

بسم الله الرحمن الرحيم

جماعه انا بعرف شنو هالجنون اللي بعقول التجار والجشع والطمع

الحين الصديق حتى عيال بطنها مو قادرين يشترون فيها و اسعارها تبتدأ ب210 لل500 متر

والفنيطيس تبتدي على 170


الفرق 50.....يعني اشتري بالصديق واسكن بطابقين والا اشتري في الفنيطيس وابني ثلاث طوابق؟؟؟


وشتان ما بين الصديق والفنيطيس

 

[q8-speed]

فنيطيس

 

[قطار الشرقي]

اشتر قسيمة مبنية وجاهزة للسكن بعموم القرين ب210،000 بس

 

[haddaq8]

الصديق أكيد

 

[دروب الخير]

الصديق تشتري وتبني

لكن الفنيطيس متى تبني؟؟؟

 

[bu sale7]

الفنيطيس ولا تشاور

 

[hayawi13]

كله دورت سنه و تصاريح البنا تطلع لفنيطيس و تشوف الاسعار فوووووق الفرق اللي بينهم هو اسم المحافظه فانا من سكان ج السره و هي حلوه بس هذا لا يعني ان الفنيطيس كلش بالعكس من ناحيه القرب للبحر هي اقرب من ناحيه ثانيه وهذه اخبار مؤكده ان شارع الغوص راح يطورونه و يصير خط سريع مما يعني ان المنطقه بطن و ظهر خط سريع و بالنهايه الامر لك فالصديق تبي حاليا اما الفنيطيس فبعد سنه ان شالله

 

[الدينار]

أخوى أنا قلتها فى هالمنتدى العزيز من شهرين فقط
وكانت الفنيطيس تتراوح من 120 ألى 135 ألف يا جماعه هذه فرص صدقونى وبحسبه بسيطه المسيله ارتفعت بأسعارها وشئ طبيعى راح ترتفع أسعار جارتها الفنيطيس وخاصه قطعه 1 المقابله لها وخاصه بعد ما يتم استخراج رخص البناء فيها

أخوى تبى نصيحه اذا تقدر تأخذ موقع فى الفنيطيس وخاصه قطعه 1 زاويه أو بطن وظهر فأنصحك فيها
وطبعا المسيله أفضل مع أنهم بالقرب من بعض

وكلامى لا يعنى بأن الصديق ليست رائعه بل بالعكس ممتازه وعموم جنوب السره من المناطق الراقيه والهادئه وأيضا سعرها فيها وغاليه فى الأخير أستخير الله وتوكل عليه سبحانه عسى ربى يوفقك

 

[q8_king1]

انصحك بالصديق اكيد من غير ماتشاور دام قادر علي سعرها ولو فكرت تاجر ا?يجار في الصديق اكثر اكيد وموقعها اكيد احسن وفنيطيس ماتنعاب بس ا?فضل الصديق

 

[zidantheking]

مافي ولا منطقة يديدة زينة للاسف

كله شوارع ضيقة و مؤجرين و ارتدادات قليلة للشارع الواحد

استثني غرب مشرف لانه سكانها شوية و مو مزدحمة لاكن تضل ضيقه

 

[مستثمر73]

مافي ولا منطقة يديدة زينة للاسف

كله شوارع ضيقة و مؤجرين و ارتدادات قليلة للشارع الواحد

استثني غرب مشرف لانه سكانها شوية و مو مزدحمة لاكن تضل ضيقه

المنقف أٍتدادات أكبر وشوارع أوسع من باجي المناطق المسيله -الفنيطيس-ابو فطيره

 

[فرحان جداً]

المشكله في ناس اقرى من ردودها لو الود ودها جان خلو الفنيطيس بنفس مستوى عبدالله السالم ولا يمكن بعد يخلونها احلى:> والا يقولون الفنيطيس احلى من الصديق ههههههههههه والله فرق بين الموقع وبين الاوادم وبين كل شي

عيب عليكم يالتجار والله رافعين الصديق فوق السحاب بالاسعار والفرق بينها وبين الفنيطيس والمسيله وابو فطيره بس 50 الف...لا وبعض المواقع انا شايف سعرها اعلى من الصديق بعد!!!!!!! المشكله بوزارة التجاره اللي ساحمه لهم والا المفروض تصادر الاراضي منهم على ههالتلاعب اللي قاعد يصير

 

[bu sale7]

السلام عليكم. صاحب الموضوع الشرهه مي عليك الشرهه على اللي شارك بموضوعك

 

[فرحان جداً]

السلام عليكم. صاحب الموضوع الشرهه مي عليك الشرهه على اللي شارك بموضوعك

نحترم وجهة نظرك انزين ايهو احسن 400 متر الفنيطيس والا بسنتر طوكيو والا سويسرا؟؟

 

[bu sale7]

انت ما احترمتنا لما فرقت بين الاوادم

 

[بــوعبدالله]

هدي يابوصالح
الريال يمكن مايقصد اللي في بالك

 

[المنظور الشامل]

من راي أسكن بكوكب بلوتو بعيد عن الشمس وباراااد وأهناك ما في أحد وأنت راح تنقي السكان

( ناس غير )

على قولتك

 

[تسويق نت]

المشكله في ناس اقرى من ردودها لو الود ودها جان خلو الفنيطيس بنفس مستوى عبدالله السالم ولا يمكن بعد يخلونها احلى:> والا يقولون الفنيطيس احلى من الصديق ههههههههههه والله فرق بين الموقع وبين الاوادم وبين كل شي
عيب عليكم يالتجار والله رافعين الصديق فوق السحاب بالاسعار والفرق بينها وبين الفنيطيس والمسيله وابو فطيره بس 50 الف...لا وبعض المواقع انا شايف سعرها اعلى من الصديق بعد!!!!!!! المشكله بوزارة التجاره اللي ساحمه لهم والا المفروض تصادر الاراضي منهم على ههالتلاعب اللي قاعد يصير

بصراحه خووش مستوى( مستواك ) ياراعي الموضوع
صدق المثل الي يقول كل إناء بما فيه ينضح

 

[فرحان جداً]

بصراحه خووش مستوى( مستواك ) ياراعي الموضوع
صدق المثل الي يقول كل إناء بما فيه ينضح

وانا صاج ياخوك الاوادم هناك غير عن الاوادم اللي عن اللي اهني...والا انت شايف انهم نفس الشي؟؟

 

[hayawi13]

انت ما احترمتنا لما فرقت بين الاوادم

بو صالح خله عنك الله يسامحه سأل و عطيناه جواب و ما قصرنا معاه و بكل ادب الحوار جاوبنا فلا تطير اجرك يا بو صالح كفايه مصداقيتك عندنا يالعمده