الشركة الوطنية للميادين ( ميادين ) ...2

[مليون دينار]

اوامر ولا فالخيال
مجموع العرض 31.480.000
مجموع الطلبات 81.560.000

 

[adel1968]

شالي قاعد يحصل بالسهم يا ريت احد يفهمنا

 

[nabhaan79]

هذا حال السهم

يقط وياخذ

يعني الوضع طبيعي

 

[ناطر الفرصة]

اللي قاعد يصير ان صناع السوق قاعدين يلعبون باعصابنا ٫ ما يدرون ان للحين نص فلوسنا ما طلعت انا شاري السهم من على ايام ٣٩ فلس
الله يصبرنا

يعني السوق مرتفع والاسهم ماشيه عال العال الا هالسهم ميت تكه تكه ما ادري احنا بعصر السلاحف

الحمد الله على كل حال

 

[adel1968]

بس العروض مو طبيعيه نحشنا من السهم

 

[nabhaan79]

المفروض تزيد الكميه مو تنحاش

 

[سهم الغرام]

فرصه

 

[wal3li 2]

العرض يزيد والشرا بالملايين ؟؟
جنه يبي يجمع على هالاسعار

 

[Q8_POOS]

مساكم الله بالخير​

شلونكم ياشباب​

ميادين وماأدراك ماميادين ​

تكلمت لى شاب راسى بهالسهم وفلوسى كلها فية من اسعار 60 فلس وليما الحين املك السهم ولا بعت ​

قلت لكم قبل ان السهم مشكلتة كانت مع البنك التجارى وكانوو ضاغطين على الملاك لدرجة انهم اخذو احكام ضدهم المهم ؟؟​

قلت لكم ان الشركة راح اتعدل من وضعها لانها عندها اصول كثيرة منها حصتها فى مزايا وارض ابو ظبى وارض دبى فوق هذا عندها نسبة غير مؤثرة بالتجارية العقارية وعندها اسهم بشركة بريطانية بما يعادل مليون و200 الف كويتى فوق هذا عندها اسهم خزينة 59 مليون سهم ​

ميادين يوم زادو راس المال لى 100 مليون دينار اخذت الفلوس ووزعتها على النحو التالى ​

اشترو 22 بالمئة من مزايا على سعر 600 فلس ​

دفعت 75 بالمئة من ارض الريم بأبو ظبى​

وادفعت 15 بالمئة من ارض دبى ؟ ​

واشترت 59 مليون سهم كأسهم خزينة على سعر 100 فلس وفوق​

وأشترت اسهم كأستثمار منشركة بريطانية بما يعادل مليون ومئتان كويتى ​

وايضا تم دفع مقدم بقيمة 9 مليون دينار الى مقاول اللى كان يبى يبنى مشروع ارض الريم بأبو ظبى ​

الشى الحلو بأدارة الشركة السابقة انها اموقعا عقود الاراضى بأحتراف يعنى اذا الشركة ماكملت فلووس باجى الارض اترد الشركة اللى اشترو منها الارض المبلغ المقدم مع خصم جزء بسيط من المقدم او تعطيها ارض او عقار بما يعادل المبلغ المقدم وهذا ماحصل مع ارض دبى واللى كلكم شفتو الخبر بالبورصة ​

الشركة كل خسائرها السابقة كلها من تقيمات الاراضى راس المال اللى اشترو فية ماراح موجود بس اسعار الاراضى انخفضت فا طبيعى يحققون خسائر متى اتصير محققة ليما يبيعوون الارض وفوق هذا اهما الحين امقيمين الاراضى على اسعار اليوم يعنى احسبوها واخلصو ​

المهم والاهم اهو القادم ؟؟؟​

الحين الشركة اعلنو عن استرجاع ارض دبى للملاك الاصليين واخذوو ارض بقيمة اللى ادفعووة يعنى راح اتقل الموجودات وهم راح اتقل المطلوبات​

والشركة الحين وعلى كلامهم راح يسوون أعادة جدولة لقروضهم مع البنك التجارى يعنى كل الاحكام اللى بحق ميادين راح اطيح وهذا اهم شى ​

حاليا الشركة عندهم حكم مهم واهوو فلووووس المقدم اللى عطووة المقاول 9 مليون دينار ميادين حاليا حاطين اكبر محامى فى أبو ظبى عشان هالقضية لان ميادين اخذ تقيم من ادارة خبراء بالشغل اللى اشتغلة المقاول اللى بلش بالمشروع واللى قيمو شغلة بما يعادل 140 مليون درهم يعنى بما يعادل مليون ديار كويتى وعلى كلام الادارة ان الحكم راح يكون لصالح ميادين والادارة شادة حيلها بهالموضوع واحتمال ينزل الحكم هالسنة واللى يقول ميادين ماعندها اصول هذى اهية اصولها ​

يمكن الناس اتقول الشركة شلون تشتغل او شلون اطلع رواتب موظفينها ؟ الشركة عندها عقود مع وزارة الداخلية والدفاع يما يعادل سنونا 500 الف دينار ؟ ​

الناس تقول ليش الشركة وصلت لى هالاسعار ؟ الشركة تخارجوو منها ملاك كبار اولهم البحر وأولاد ابل كانت نسبهم 5 بالمئة كل واحد فاطبيعى ان الاسعار اتقل واللى اذاهم اكثر اهو الاحكام اللى ضدهم من التجارى لكن ولله الحمد الشركة كل مالها تتعدل امورها والفضل لله ثم لرئيس مجلس الادارة بالائنابة مجدى الخطاب ولاننسى الاخ فهد الغنيم ئائب الرئيس اتمنى انى كفيت ووفيت بما كتبت وللعلم كلامى هذا مو تطبيل للسهم واظن فية ناس كثيرة اتعرفنى انا حالى حالكم مشترى فووق وناطر متى يرجع راس مالى​

 

[Q8_POOS]

واللى حاب يستفسر اكثر انا حاضر يدزلى مسج على الخاص وانا اكلمة شخصيا

تحياتى للجميع

 

[بو فلاح]

شنو رايكم بالسهم

 

[dr.mohd]

حلو ولطيف وونيس :d

 

[بو فلاح]

حلو و ونيس بس نسبة الخطوره

 

[nabhaan79]

السهم حلو

ودائما للي يبي يدش

يدش أول السوق

لأن بعد ما يفتح السوق يصعب حيل

التداول يخرع يخليك تضرب أخماس بأسداس

أتحدى أحد يعرف شنو معناة أخماس بأسداس

 

[nabhaan79]

شباب والله العالم السهم بيصعد خلاص

أنا اليوم عرضت على 23

وناطر تتم العمليه

ترا أنا كل ما أبيع سهم يطيييييييير منازل وتمويل خليج وغيرها كثير

يعني أقولكم مبروك مقدما

^_^

 

[LONG TERM]

السهم علي الدعم (22-23 ) ......... شراء

الهدف 29 فلس

وقف خسارة تحت 22

والله اعلم

 

[حفار قبور]

شباب والله العالم السهم بيصعد خلاص

أنا اليوم عرضت على 23

وناطر تتم العمليه

ترا أنا كل ما أبيع سهم يطيييييييير منازل وتمويل خليج وغيرها كثير

يعني أقولكم مبروك مقدما

^_^

إذا چذي عيل بيع تمويل خليجي علشان ينفك النحس

خخخخخخ

 

[حفار قبور]

السهم علي الدعم (22-23 ) ......... شراء

الهدف 29 فلس

وقف خسارة تحت 22

والله اعلم

أتوقع قبلها مقاومة على 25 فلس

 

[nabhaan79]

إذا چذي عيل بيع تمويل خليجي علشان ينفك النحس

خخخخخخ

خذيته 56

بعته 59 من أمس

^_^

والحين المستثمرون المجاميع متجه لهالسهم والله يستر

على فكره أنا في ميادين من 17.5 ^_^ من أيام السكرتيره اللي تشتغل في الشركه الله يذكرها بالخير اللي كانت تقول ميادين بترد للتداول

والله ثم والله ثم والله إني أقول للربع ميادين لا تطوفكم تكفون ترا السهم وراه شي بس يبيله صبر

والسهم تغير حيل صار تداوله عجيب

والله يرزقكم اللهم آمين

بعت ومتحسف

الكميه اللي بعتها فوق المليون ^_^

 

[wal3li 2]

اهم شي الاقتناع بالرزق يانبهان وعسى الله يزقكك ويرزقنا