تكفون ساعدوني بسافر وموعارف علت سيارتي

[ابوفيصل2008]

تكفون يالربع ابي رد على مشكلتي باسرع وقت لاني بسافر بالسياره
ومشكلتي كالتالي:
عندي دوج اكرايزلر موديل 2006 وكالة الكويت والسيارة فيها حراره وتفور الماي ويخرج من المطاره .
يوم تكون حرارتها طبيعية والسياره تمام مافيها اي شئ واليوم الثاني ترتفع حرارتها وتوصل الفل تقريبا وتفور الماي مع العلم بدلت الترمستات وغطاء الراديتر. والمراوح شغالة مية مية وطبعا جربت طريقة الاكواد طلع عندي كودين 325 و330
ماادري شنو علتهاااا ابي رد منك باسرع وقت لاني بسافر بالسياره.
ولي عارف كراج بالشويخ ممتاز يدلني علية ويتصل فيني تكفون يالربع
99722141
ابو فيصل

 

[abo_fahad9]

شوف راح اقولك شنو المشكله بشرط اذا الراديتر نظيف والترمستات جديده والمراوح شغاله ؟؟؟؟ باقي شغلتين جرب الاولي اذا ما ظبتت جرب الحل الثاني ؟؟الحل الاول يمكن في هواء داخل الراديتر شلون تطلع الهواء تعبي ماء وتفتح هوز التصريف تلقاه يمين المكينه طالع من الراديتر هوز صغير وخل الهواء يطلع لين يصير ماء صافي بدون هواء يطلع من هوز التصريف ؟؟؟ والحل الثاني غطاء الراديتر يمكن خربان واتمني تكون مفيده لك وانت الي جرب وبلغني برساله بالنتيجه

 

[ابوفيصل2008]

مشكور يالغالي على الرد
انا بدلت غطاء الراديتر والترمستات وسويت لها تنسيم ماكو فايده المشكلة السياره مزاجية يوم طبيعية ويوم ترتفع حرارتها موعارف علتها

 

[BADR-1]

حبيبي تهريب ماي بالثلاجة او الطرمبة او احد الفلسات او الدفاية هذي مشكلة الدوج ما يحب اي تنسيم

 

[nawaf7007]

احتمال راس ماكينه

 

[al3mlaaq]

اذا يفور ويطشر لي برة راس مكينة

 

[بو علي]

اخوي جيك علي الهوز العلوي والسفلي يمكن يتصفطون من الحراره ومايحبسون دوران الماي بالراديتر وهالمشكله ضارت معاي ويحتاجون تبديل هالمشكله دوختني واخر شي اكتشفنا انه منها

 

[560SEL]

الله اعلم ان راس الماكينه مشعور ويدخل هوا
او الماكينه من تحت اللي يسمونه السلندر مشعوره او مكسوره
مشكلته واضحه السياره فيها مكان يدخل هوا والواضح انه شعر او كسر بالماكينه

 

[msm]

اخوى افحص السيارة كمبيوتر وراح يعطيك السبب وترتاح

 

[abo_fahad9]

الله اعلم ان راس الماكينه مشعور ويدخل هوا
او الماكينه من تحت اللي يسمونه السلندر مشعوره او مكسوره
مشكلته واضحه السياره فيها مكان يدخل هوا والواضح انه شعر او كسر بالماكينه

ماظنتي الراس لان حراره الراس تبين من اول نص ساعه والرجال يقول مزاااج يعني بعد يوم لاكن شوف جميع الاواز ماتكون متلاصقه (والله يعينك)

 

[ابوفيصل2008]

يالربع انا مستبعد راس المكينة يكون مشعور لان السيارة ماتحتر على طول.
واليوم لاحظة فيها شغلة بعد اذا وقفت ترتفع الحرارة ولكن اذا حركة ومشيت تنزل الحرارة.
وربي جننتني ابي اعرف علتها تكفون يالربع

 

[manaar66]

يالربع انا مستبعد راس المكينة يكون مشعور لان السيارة ماتحتر على طول.
واليوم لاحظة فيها شغلة بعد اذا وقفت ترتفع الحرارة ولكن اذا حركة ومشيت تنزل الحرارة.
وربي جننتني ابي اعرف علتها تكفون يالربع

اخوي راس ماكينة استبعدها من المشكلة
ضروري تتاكد من عمل المراوح شغالين 100 % ام لا
ومبدأياً انا من رايي اوصلهم دايرك للتجربةفقط
يعني والله اعلم مشكلتك في المراوح

 

[BADR-1]

اعيد واكرر المشكلة بطرمبةالماي اومكان اخر ياخذ هوا كانت عندي هالمشكلة بالدوج وطلع تنسيم بالثلاجة بايب صغير

 

[560SEL]

يبه صارت مع اخوي المطاره تفور ولا ترتفع الحراره والماي ينقص من الراديتر قلت له عندك شعر بالماكينه ما صدقني قال لا ابي اغير ثرموستات وما ادري شنو واخذته ووديته كراج وفكو الماكينه وطلعت مكسوره من داخل يم السلندر من تحت
اذا فيه هوا يدخل معناته فيه شعر ومشكلتك هوا يدخل على الماكينه

 

[mishaal 55]

طويل العمر بدل الترموستات مره ثانيه لأنه ممكن يكون قافل والترموستات ممكن يقفل من أول مايركب دامك تقول السياره تنزل حرارتها مع الممشى يعنى الترموستات قافل والله انى ماخذه من الوكاله وبدلته وقفل من أول عشر دقايق وحاول تحط ترمويستات يفتح اقل من مال الوكاله وإن شاءالله العله منها
واذا فيه خطأ بحقن الوقود هم يسبب حراره غير منتظمه

 

[ابو نايف2010]

روح الوكاله والله يعينك

 

[ابوفيصل2008]

مشكورين يالربع وبيض الله وجيهكم
انا اليوم بعز الغايلة افتر بالشويخ من كراج لي كراج فحصة طرمبة الماي والحمدالله شغالة ممتاز بس تدرون ياالربع من داخلي تمنيتها تكون خربانة بس علشان اعرف علتها وارتاح واخر شئ قلت اقطها الوكالة وافتك ويقول المثل قط افلوسك بالشمس واقعد بالظلال.
وان شاء الله بقولكم نتيجة فحص الوكالة طبعا اذا لقوا علتها حتى تكون معلومه للجميع

 

[ابوفيصل2008]

طويل العمر بدل الترموستات مره ثانيه لأنه ممكن يكون قافل والترموستات ممكن يقفل من أول مايركب دامك تقول السياره تنزل حرارتها مع الممشى يعنى الترموستات قافل والله انى ماخذه من الوكاله وبدلته وقفل من أول عشر دقايق وحاول تحط ترمويستات يفتح اقل من مال الوكاله وإن شاءالله العله منها
واذا فيه خطأ بحقن الوقود هم يسبب حراره غير منتظمه

والله ياخوك قطيتها الوكالة وربي يعين .
هل البانزين له علاقة بالحرارة ارجوااا تفيدنا اكثر

 

[Kuwaity-1]

البانزين ماله خص بالموضوع ........... وإسمع مني هالسالفه يمكن تفيدك ، أخوي أنا كان عندي bmw 740il كنت مسافر عليه وبعدين قلت خل أوقف وأبدل دهن وأكمل طبعا يوم وقفت أبدل الدهن كنت قاطع من مسافت السفر مايقارب ٢٠٠ كيلو تقريبا عاد ما أطول عليك يوم بدا العامل يبدل الدهن قمت وبطلت الراديتر والسياره توها واقفه عاد طلع هوا قوي والماي قام يفور والله نطرت شوي على ما ركدت السياره عبيتها ماي وكملت بعد ما وصلت الكويت بدت السياره كل يومين والثالث تصعد الحراره فل وأنسم للمكينه وأكمل وعلى هالمةال كل يومين والثالث اخر شئ رحت لكراج بالشويخ وقال لي حبيبي الراديتر خربان رحت وشريت راديتر من الغانم ب ٧٣ دينار وركبته ونفس الشئ ماكو فايده وقلت يالحبيب شنو الحل قال أكيد الحكاره وبدلناها ونفس الشئ قال ماكو غير الترمستات وبدلناها ونفس الشئ وكلج المروحه الخ الخ الخ تدري اخر شئ شنو طلع ......؟؟ راس المكينه مشعور وصدقني ياخوي إذا هذا مو راس المكينه انا ما أعرف شئ طيع اخوانك الي قالو لك راس المكينه وصدقني راح يطلع كلامهم صح بس اهم شئ الكراج وعلشان جذي انصحك بكراج البشر الي بشارع كندادراي متخصص في كل السيارات وقبل لا تدخل سيارتك يفحصونها لك ويقولون لك شنو فيها بالظبط حتى القطع أهم يجيبونها ومعاهم الفواتير وتحاسبهم عليها وأسأل الله العلي العظيم رب العرش العظيم إنه يسهل عليك كل صعب وأسف للإطاله *

 

[lionoo]

السلام عليكم
شوف الاهواز تبع الماي الحار مال الدفايه
وشوف الاكواع البلاستك اللي راكبه فالاهواز
غالبا يهربون ماي وترتفع الحراره
وهذا رقم تلفون كراج الباخرة متخصص للامريكي
24847871
والله ارحم واعلم