بخصوص زيادة 100 دينار ؟

[ليث متواضع]

راح تنزل إن شاء الله مع راتب الشهر الجاري بأثر رجعي من شهر أبريل الماضي

 

[أبو فلسين]

يبا للحين محد قرها ولا نزل فيها قرار من وين جايبين الخبر

 

[عبدالرزاق 7]

بالنسبه للاخوان اللي يقولون الـ 100 تنزل مخصومة من التأمينات ، اللي أعرفه انه البدل ما ينحسب من ضمن الراتب الاساسي او العلاوة الاجتماعية ، ولما الواحد يبي يتقاعد يحذفون البدل أول بعدها يخصمون منه ربع الراتب والعلاوة الاجتماعية ، طيب ليش يخصمون من البدل وعند التقاعد ينحذف ؟ أعتقد البدل ما ينخصم منه شيء ، والدليل على هذا الـ 120 بدل غلاء معيشة لما انزلت ما انزلت مخصومه

غلاء المعيشه لم تخصم منها التامينات شي ولكن هذي اللي تعتقد
ان التامينات لاتخصم منها شي فقد خصمة التامينات حقها وهي
7.5 % والدليل انها نازله في تقرير الراتب ومخصوم منها النسبه
اللي ذكرتها​

 

[الشوق]

اخواني بالله. ... متي تنزل للموظفين وموظفات وزارة الاوقاف. .. ودمتم سالمين

 

[faisel 2]

هلا اخوي
عليهم بالعافيه ..بس المفروض يكون فيه اشوية عداله
مانبي منهم 500 اخاف تعاد النغمه القديمه عجز اكتواري !!!
مع ان الكويت يالله لك الحمد تسبح على بحيره نفط
على الاقل جان الزياده بدل 100 تكون 300
ليصدق البعض من وعود الحكومه التي تدعي حرصها
على تحسين المستوى المعيشي للمواطن
في ظل هذا الغلاء الفاحش الذي طال حتى حليب الاطفال
ان يتم زيادة الرواتب وعلاوة الاطفال ليعيش المواطن برغد من العيش
غلاء اسعار وخساير بورصه وفوائد قروض ثلاثة جهات تسحق المواطن
وتقضي على الراتب

الله المستعان​

بحيره النفط انشفت 60سنه من أول شحنه نفط تم تصديرها منابع النفط شارفت على النضوب في الكويت ..حسب ما قاله النائب أحمد السعدون حيث وجه سؤال للحكومه ..هل أحتياطاتنا النفطيه أقل بكثير من المعلن ؟واحد المسؤولين الكبار بالشركه هو من زود السعدون بهذه المعلومات ....

 

[الدينار]

يبا للحين محد قرها ولا نزل فيها قرار من وين جايبين الخبر

شلون يا أخى اللى سامعه أنهم وافقوا عليها

 

[المجمعات]

اليوم طلعة شهادة راتب مافيها زيادة .



علمن انه ليس لي اي كادر .

 

[المشعان2]

السلام عليكم بالنسبة لي بالدوام جانا كتاب من الشؤون الادارية بالاسماء المشمولين بالزيادة وراح تنزل هالشهر باثر رجعي

 

[عبدالعزيز34]

بخصوص ال 100 الزياده هالشهر ماراح تنزل وبتكون في معاشات شهر 7 وبثر رجعي والله اعلم

 

[المشعان2]

حسب الوزارة كل وزارة وموعد غير