لــلـــه يـــا مـحــســنــيـــن ......!!!

[st84]

يا جماعه امس صارلي نفس الموقف جتني وحده تقول انها تبي فلوس تبي تعبي كرت ظروري عشان تكلم امها المريضه من برا ......لما قلتلها اعبيلج انا بنفسي قالت ابي فلوس وبعدها مشت ,,لاني عطيتها طاف

 

[بو شيشه]

كل يوم طالعتلك طراره
جنطة الفلوس اللي تحطها تحت الكشن لتجارتك الحره مستهدفه منهم
انتبه

 

[st84]

كل يوم طالعتلك طراره
جنطة الفلوس اللي تحطها تحت الكشن لتجارتك الحره مستهدفه منهم
انتبه

ههههههههههههههههه الظاهر انهم متفقين علي قالو هذا اكيد من اصحاب الهوامير هههههههه

 

[قلم حر]

الله يجزاك خير اختي جواهر فعلا مانعرف منو المحتاج ومنو النصاب....احسن شي اتجاهل الكل..
بس الغريب بالامر بان النساء اكثر من الرجال بكثير بالتسول !!!!

النساء اكثر ،،، تدري ليش ؟

لانه الرجال اللي يشحذ فلوس تقدر تتحاور معاه

وتقول ما تستحي رجال وشوارب وزنودك يركض

عليها البغل وتشحذ !

ليش ما تشتغل ؟

اكيد بيقول ما فيه شغل !

عاد انت تقدر تقوله تعال عندي لك شغل مثلا نظف الحديقه

وقص الزرع او غسل السياره

هو يدري فيه شغل ويدري انه الكويت حتى بحاوية الزباله

يقدر يشتغل ويطلع منها فلوس

لكن اغلبهم ما يبي يشتغل يبي فلوس وهو قاعد

مع هذا لا ننسى انه فيه ناس فعلا عاجزه عن العمل

وفعلا تستحق المساعده


​

 

[maz149]

السلام عليكم

من أكثر من 25 سنه أول ما داومت و قبل الزواج ، ما كان عندي مصاريف أبدا و لله الحمد .

كنت مداوم، و دخلت علينا طراره شكلها عجوز و مبرقعه ، على طول عطيتها 20 دينار ، و أخذت

الفلوس و طارت حتى ما سمعت كلمه شكر ، و الصراحه كان قلبي ناغزني منها ، ولله الحمد ثاني

يوم فيه خبر با الجرايد طايحين على طرار "مبرقع "، و صايدينه يم دوامي ...


و من كم سنه با العمره جاني واحد عربي و قال لي إنت من الكويت قلت إي ، قال من وين في الكويت : حولي ، السالميه، خيطان ،

الجهرا ، أنا بعرف كل المناطق ، قلت له أنا مشغول تبي شيء ، قال إي : 27 ريال قيمه التكسي للمكان إللي أبي أروح له . من شكله نصاب

أصلي ، قلت له ما عندي ، قام يحن ، ما عطيته شى لما ذلف

 

[st84]

يا جماعه رمضان قرررررب واتوقع المتسولات والمتسولين بيكثرون خصوصا عند المساجد والاسواااااااق ديرو بالكم...اللي يبي يتبرع لازم يسال الناس عن العوائل المحتاااااااجه والفقيره والايتام عشان تعرف بان فلوسك راحت لناس فعلا امس الحاااااااجه للمال...

 

[saadkuwait]

انا اقول تعطيها مرة واثنين وكل مرة تشوف اي انسان يتسول عليك ان تعطيك
--------------
بصراحة لو عنده فلوس يتسول منكم او من غيركم
--------
اما تقولي ممكن مو محتاج او شئ
اقولك انت أخذ الاجر من الله وهذا كافي
--------
المهم لاترد واحد يسألك ان تعطيه من مال الله اللي عندك
-------
وبارك الله فيك على هذا الموضوع الطيب

 

[st84]

انا اقول تعطيها مرة واثنين وكل مرة تشوف اي انسان يتسول عليك ان تعطيك
--------------
بصراحة لو عنده فلوس يتسول منكم او من غيركم
--------
اما تقولي ممكن مو محتاج او شئ
اقولك انت أخذ الاجر من الله وهذا كافي
--------
المهم لاترد واحد يسألك ان تعطيه من مال الله اللي عندك
-------
وبارك الله فيك على هذا الموضوع الطيب

المشكله يالغالي بان البعض مو محتاج يعني ناس يخربون على ناس
يا رجل انا عطيت وحده فلوس وبعدها بدقيقه جوني 10 شفيك انت بعضهم مو محتاااجين بس اخذوها عاااااااده
انا عن نفسي من يوم ورايح ما اعطيهم ليس بخل ولكن احس ان البعض قاعد يسوي عملية نصب

وتدري العام تم القبض على متسوله واتضح انها ثريه !!!!!!!!!!!!!!!!!!!!
شرااااااااايك الحين؟

 

[saadkuwait]

طلعت وحده ثرية
بس في المئات محتاجين
انا اقول انت تبرع لهؤلاء المتسولين
علشان الله يرضى عليك ويعطيك فلوس اكثر من اللي في الصورة
جزاك الله خير

 

[st84]

طلعت وحده ثرية
بس في المئات محتاجين
انا اقول انت تبرع لهؤلاء المتسولين
علشان الله يرضى عليك ويعطيك فلوس اكثر من اللي في الصورة
جزاك الله خير

اذا عندي فلوس نفس اللي بالصوره ما راح اتبرع بفلس واحد الاااا لما اتاكد بانها فعلا محتااااااااااااااجه

الله يرزقنا ويرزقك يا سعد
والله يحفظلك اولادك يارب
ومشكور على تفاعلك بالموضوووووووع
مع تحيات اخوك فيصل العتيبي

 

[st84]

سبحااااااااااااان الله







استغفر الله















الله اكبررر

 

[st84]

يا جماعه اقرؤو هالخبر عشان ما تلوموني يوم نزلت هالموضوع


هذا الخبررررررررررررررر

7

7

7

http://alwatan.kuwait.tt/ArticleDetails.aspx?Id=127173&YearQuarter=20113

 

[تحدي الصعاب]

السلام عليكم ورحمة الله إخواني أخواتي ما حدث معكم حصل معي ومع الكثير من الناس عندما نشك بالمتسول مانقطع الصدقة بل نتصدق بشيئ زهيد حتى لو كانت قيمة علبة الماء المهم ما ننهر المتسوول و لا نرده وما يخفى علينا إن الصدقة تدفع البلاء وهذه قصة أحد الزميلات تقول كنا مسافرين بالسيارة إلى الطائف وتوقفنا عند محطة البنزين فجاء متسول وأخذا يدعو لنا ولكن زوجي سامحه الله رفض إعطائه وفي الطريق حصل لنا حادث أدى إلى تحطيم السيارة وكلفنا تصليحها حوالي الأربع مائة دينار وتقول قال زوجي ليتني تصدقت على ذلك المتسول لدفع البلاء

 

[st84]

السلام عليكم ورحمة الله إخواني أخواتي ما حدث معكم حصل معي ومع الكثير من الناس عندما نشك بالمتسول مانقطع الصدقة بل نتصدق بشيئ زهيد حتى لو كانت قيمة علبة الماء المهم ما ننهر المتسوول و لا نرده وما يخفى علينا إن الصدقة تدفع البلاء وهذه قصة أحد الزميلات تقول كنا مسافرين بالسيارة إلى الطائف وتوقفنا عند محطة البنزين فجاء متسول وأخذا يدعو لنا ولكن زوجي سامحه الله رفض إعطائه وفي الطريق حصل لنا حادث أدى إلى تحطيم السيارة وكلفنا تصليحها حوالي الأربع مائة دينار وتقول قال زوجي ليتني تصدقت على ذلك المتسول لدفع البلاء

جزاك الله خير على هالقصه بس لا تلومينا يا اختي الفاضله
ما قمنا نعرف منو المحتاج ومنو اللي ينصب ونفس الوقت ما ودنا نظلم

 

[صقر3]

السلام عليكم ورحمة الله إخواني أخواتي ما حدث معكم حصل معي ومع الكثير من الناس عندما نشك بالمتسول مانقطع الصدقة بل نتصدق بشيئ زهيد حتى لو كانت قيمة علبة الماء المهم ما ننهر المتسوول و لا نرده وما يخفى علينا إن الصدقة تدفع البلاء وهذه قصة أحد الزميلات تقول كنا مسافرين بالسيارة إلى الطائف وتوقفنا عند محطة البنزين فجاء متسول وأخذا يدعو لنا ولكن زوجي سامحه الله رفض إعطائه وفي الطريق حصل لنا حادث أدى إلى تحطيم السيارة وكلفنا تصليحها حوالي الأربع مائة دينار وتقول قال زوجي ليتني تصدقت على ذلك المتسول لدفع البلاء

كفيتي ووفيتي في هذا الكلام

 

[تحدي الصعاب]

جزاك الله خير على هالقصه بس لا تلومينا يا اختي الفاضله
ما قمنا نعرف منو المحتاج ومنو اللي ينصب ونفس الوقت ما ودنا نظلم

أخي الكريم أنا معك كثرت المتسوولين وتنوع أساليبهم خلاك ما تعرف منو المحتاج من اللي ينصب وأنا أسلك أنت لما أعطيت الصدقة أشكانت نيتك مو صرفها لوجه الله والا رحمة بهذا المتسول قد يكون إحداهما أو الأثنين معا لكن لازم نكون على يقين بأن تلك الصدقة وضعتها بيد الله ومو شرط تعطي المبلغ اللي إطلب المتسول يا أخواني عطوها اي شيئ يطلع منكم ؟إن شاء الله مئة فلس ربع دينار والله إنها تسوى الشيئ الكثير عند الله لأن النية صرفها لوجه وأنا أقول لكم واجهت الكثير من المتسوولين اللي يبي اعطيه قيمة علاج بخاخ الربو واللي يقول ابدفع فاتورة الكهرباء -أجار البيت - وطبعا أنا ما املك المبلغ اللي يطلبونه لأني أحمل بطاقة الصراف وأعطيهم مبلغ زهيد ما يسوى شيئ عندي لكن عند الله كبير

 

[الكويت2009]

وعليكم السلام ورحمة الله وبركاته

والكل يعلم ان الموضوع وصل الى مرحله لا تطاق في كثير من الاحوال وخاصه ان من يقوم بمثل هذه الاعمال هم من الوافدين
وقد واجهنا وغيرنا كثير ممن تقول ان ناقصها فلوس الايجار واخرى فلوس عمل اشعه لاهلها وآخر بنزين

لكن ياخوي فيصل انا اعتقد في مثل هذه الحالات

ان جاء وطلبك وانت لا تعرف حاله اما ان تتصدق عليه بما تشاء من باب الصدقه او ترد عليه بكلام طيب

فقد يكون محتاج فعلاً وقد يكون العكس

فقد ورد في قوله تعالى : ( وأطعموا القانع والمعتر ) : فقد اختلف في تفسيرها أهل العلم على أقوال كثيرة ، اختار الشيخ عبد الرحمن السعدي في تفسيره (ص/538) منها : أن القانع هو الفقير الذي لا يَسأل ، والمعتر : هو الفقير الذي يسأل .


اما في باب الزكاه فحذاري اخراج مالك لمن لا يستحقها

فسلمها بيدك وهو السنه لمستحقها او سلمها لأناس تثق بهم وفي دينهم

فنسال الله سبحانه ان يتقبل منا جميعا

 

[st84]

اختي تحدى الصعااااب بارك الله فيك وشكرا

اخوي الكويت 2009 مشكور على التوضيح ومعاك حق تسلملي والله