فرصة العمر للبيع بيت بلدسمة بلمزاد العلني

[ستايل مان]

اذا بسجل جم ادفع قبل لادش المزاد ؟ وبنك التسليف يعطينى علي البيت ولا لا ؟

لانى احتاج جم يوم علي مادبر المبلغ علي ماأخذ قرض وغيره؟

ولد عمي شروط المزاد انك تدفع مبلغ رمزي عشان الجدية بلشراء واذا رحت قصر العدل راح يعلمونك شلون الطريقة بلضبط وانت اصلا ماراح تخسر شي كللش اذا صار من نصيبك راح تاخذة انشالله
وعلى بنك التسليف اكيد يوافق لانه هذا بيت مو شقة

 

[nmb2000]

اخي الكريم شروط المزاد العلني بالمحكمة أن تحضر شيك مصدق باسم وزارة العدل - ادارة التنفيذ بقيمة مبلغ المزاد يضاف اليه رسوم التسجيل والاعلانات يعني يمكن زيادة عن مبلغ بداية المزاد بحدود 3 الاف دينار ، واذا كانت فلوسك جاهزة 180 الف فتحسب حسابك أن قد يكون هناك اشخاص يدخلون المزاد وقد يرفعون السعر ومن يرسي عليه المزاد ويدفع المبلغ كاملا يحكم له القاضي برسو المزاد عليه ويعطي كتاب للبلدية والسجل العقاري لانهاء الاجراءات ؟ و اما من يدفع فقط 20% من قيمة المزاد فانه سينتظر لاعادة الاعلان عن العقار بزيادة 10% وإذا لم يتقدم أحد بالزيادة فعليك تسديد باقي المبلغ ويرس عليك المزاد ؟ ولمزيد من الاستفسارات راجع قصر العدل اللي في الديرة لمعرفة مبلغ الرسوم والاعلان فوق ال180 الف دينار والله يوفق البائع والشاري .

 

[ستايل مان]

اخي الكريم شروط المزاد العلني بالمحكمة أن تحضر شيك مصدق باسم وزارة العدل - ادارة التنفيذ بقيمة مبلغ المزاد يضاف اليه رسوم التسجيل والاعلانات يعني يمكن زيادة عن مبلغ بداية المزاد بحدود 3 الاف دينار ، واذا كانت فلوسك جاهزة 180 الف فتحسب حسابك أن قد يكون هناك اشخاص يدخلون المزاد وقد يرفعون السعر ومن يرسي عليه المزاد ويدفع المبلغ كاملا يحكم له القاضي برسو المزاد عليه ويعطي كتاب للبلدية والسجل العقاري لانهاء الاجراءات ؟ و اما من يدفع فقط 20% من قيمة المزاد فانه سينتظر لاعادة الاعلان عن العقار بزيادة 10% وإذا لم يتقدم أحد بالزيادة فعليك تسديد باقي المبلغ ويرس عليك المزاد ؟ ولمزيد من الاستفسارات راجع قصر العدل اللي في الديرة لمعرفة مبلغ الرسوم والاعلان فوق ال180 الف دينار والله يوفق البائع والشاري .

اخي الكريم اولا مافي احد سجل بلمزاد لين الحين يعني الي بيسجل يقدر يسأل اذا في احد بيزايد وياه ولا لا
ثانيا احنا متفقين علا البيع بدون اتعاب محامي يعني مافي مبلغ فوق ال180000 الا اعلان الجريدة الرسمية 250دينار فقط ومثل ماقلت لازم يثبت بجدية دخولة المزاد بجيك مصدق والله يوفق الي بياخذة انشالله ومثل ماقلت الي بيتأكد يروح قصر العدل ويسأل اذا في احد سجل بلمزاد ولا لا

 

[ستايل مان]

للرفع..............

 

[khaled_y]

اذا بياعين الورثة ب 180 الف ليش مايتفقون بينهم ويعرضونه بالسوق بدون مزاد علني !!! اعتقد السوق راح يجيبلهم اكثر

 

[ستايل مان]

اذا بياعين الورثة ب 180 الف ليش مايتفقون بينهم ويعرضونه بالسوق بدون مزاد علني !!! اعتقد السوق راح يجيبلهم اكثر

ولد عمي هذي امور شخصية يعني مثلا تقسيمة المحكمة شرعية ومافيها زعل بين الاخوان

 

[zidantheking]

الي يدور ارض او بيت عادي بهلحدود

اعتقد هذا احسن بيت معروض تحت ال 200 الف كمنطقة و موقع

موفقين

 

[ostath]

الي يدور ارض او بيت عادي بهلحدود

اعتقد هذا احسن بيت معروض تحت ال 200 الف كمنطقة و موقع

موفقين

لا تنسى انه مساحته 325 و يعتبر هدام

 

[ستايل مان]

لا تنسى انه مساحته 325 و يعتبر هدام

عفوا اخونا انت تقول هدام وانت موشايفه يعني لاتكسر بلحلال والبيت صاااالح للسكن
ومافيه شي واحنا كنا ساكنين ومن داخل مرمم

 

[ستايل مان]

انباع البيت ب١٨٠٠٠٠ الله يوفق الشاري هذا رزقه ادعوله بلتوفيق