شركة الخليج للكابلات والصناعات الكهربائية ( الكابلات )‏

[الزاجل@2]

يااخوان اذا مشاركي أزعجتكم اسحبها ولا تزعلون

 

[alammar abufahad]

ليش يطوفني القطار .. وانا راكب درجة اوله .. البيع بعد اعلان ارباح بيعة امريكانا يا فووق فوووق . يا استقرار ..

لاشغلك عدل حسبتك طلعت من السهم علي العموم السهم استثماري للمدي القصير وفي اسطوانه سمعتها راح يدخلون علي السهم بعد بيعتهم لامريكانا والله اعلم

 

[الحمد5]

مجرد توضيح
نوعية سهم الكابلات. لا يتاثر بما يكتب هنا او هناك. سواء سلبي او ايجابي
يملك او لا يملك.
نحن صغار المستثمرين
لا نستطيع التاثير في سلوك سهم الكابلات او بيتك او زين او مايشابه تلك الاسهم
الشكر للجميع

 

[الحمد5]

يااخوان اذا مشاركي أزعجتكم اسحبها ولا تزعلون

لا ماراح نزعل منك وعسى الرزاق يرزق الجميع. من فضله

 

[alammar abufahad]

يالرا

الكاش الي راح يدخل على محافظ الاستثمارات كبير و قال العمير انه سوف يتم استثمار الكاش في شركات محليه تشغيلية مثل امريكانا واعتقد ان الهدف القادم هو كابلات و السفن

يالزاجل كلام العميري واضح مثل الشمس محصولهم من امريكانا راح تدخل في مثل تفضلت

 

[mish3al_99]

ه

اعلان الارباح لسنه 2010م

[14:16:37] مجلس ادارة (كابلات) يوصي بتوزيع 65% نقدي عن عام 2010‏
يعلن سوق الكويت للأوراق المالية بان شركة الخليج للكابلات والصناعات ‏
الكهربائية (كابلات)افادت ان مجلس الادارة قد اجتمع اليوم الاربعاء الموافق ‏
ِ02-02-2011 واعتمد البيانات المالية السنوية للشركة للسنة المالية المنتهية
في 31-12-2010، وفقا لما يلي:‏
ِ1) نتائج أعمال الشركة:‏
البند السنة المنتهية في 31-12-10 السنة المنتهية في 31-12-09‏
الربح(الخسارة) (د.ك) 26.403.034 10.523.602‏
ربحية (خسارة)السهم(فلس كويتي) 126 50‏
اجمالي الموجودات المتداولة 77.298.576 62.582.013‏
اجمالي الموجودات 331.703.881 256.953.866‏
اجمالي المطلوبات المتداولة 84.375.569 87.568.881‏
اجمالي المطلوبات 93.552.900 99.457.109‏
اجمالي حقوق المساهمين 237.872.923 157.207.987‏
بلغ اجمالي الايرادات من التعاملات مع الاطراف ذات الصلة مبلغ 2.505.258 د.ك
بلغ اجمالي المصروفات من التعاملات مع الاطراف ذات الصلة مبلغ 32.019 د.ك
ِ2) التوزيعات المقترحة:‏
أوصى مجلس ادارة الشركة باجراء التوزيعات التاليه عن السنه الماليه المنتهيه
في 31-12-2010، للمساهمين المسجلين بسجلات الشركة بتاريخ انعقاد الجمعيه ‏
العموميه .‏
علما بأن هذه التوصيه تخضع لموافقه الجمعيه العموميه و الجهات المختصه .‏
توزيع أرباح نقديه : 65% من القيمه الاسميه 65 فلس لكل سهم



تعقيبي:
هناك ارتفاع كبير في حقوق المساهيم كما ان القيمه الدفتريه ارتفعه خلال سنه من 785فلس الى 1.2دك وبنسبه تقارب 55% ويعود ذلك الى ارتفاع سعر زين
اما بخصوص التوزيعه فهي 65 فلس وللعلم بان سعر السهم 1940 فلس وارى ان السعر مرتفع جدا ولا تتناسب التوزيعه مع سعر السهم

اعتقد توزيعات امريكان راح تكون ما بين 75% نقدى الى 85% نقدى

هذا تعليق الاخ اللي يقول لا تملك شي ..
وهو يعلق بسنة 2011 شهر فبراير على توزيعة ارباح 2010 ويذكر توزيعه امريكانا ...

 

[رابح رابح]

الكاش الي راح يدخل على محافظ الاستثمارات كبير و قال العمير انه سوف يتم استثمار الكاش في شركات محليه تشغيلية مثل امريكانا واعتقد ان الهدف القادم هو كابلات و السفن

عزيز وغالي اخوي الزاجل شارك على راحتك النقاش جزء طبيعي من المشاركة.

.. اعتقد كابلات واستثمارات
والسفن عنده ارباح تشغيل قوية مايحتاج امريكانا المهم حجم توزيعاته

 

[mish3al_99]

 

[mish3al_99]

لاحظ توزيعات سنه 2007 و2008 و 2009 و 2010 . لا يوجد توزيعية قياسية نسبة للارباح قياسية لو كانوا بايعين



وبعدين بحثنا في الاخبار من سنة 2006 الي 2012 لا يوجد خبر واحد يذكر بيع اسهم امريكانا لصالح مجموعة الخير

 

[الزاجل@2]

ياحبيب أنا هنا أقارن بين توزيعه امريكانا وتوزيعه كآلات واذكر ان توزيعه امريكانا أفضل من توزيعه كابلات وان توزيعه كابلات بنسبه لسعرها بسوق ماتسوا
ولا ذكرت أبدا ان الكابلات تملك في امريكانا
وهذيك السنين كنت املك في امريكانا ولا املك ولا سهم في كابلات

 

[mish3al_99]

عزيز وغالي اخوي الزاجل شارك على راحتك النقاش جزء طبيعي من المشاركة.

.. اعتقد كابلات واستثمارات
والسفن عنده ارباح تشغيل قوية مايحتاج امريكانا المهم حجم توزيعاته

مشاهدة المرفق 260946

اخوي ابو خالد الله يعطيك العافيه ...

لنا خير مثال في شركة السكب .. اعلنت عن بيعة ولم يكن لها نسبه معلنه و كذلك شركة اسمنت الكويت اعلنت عن بيعة ولم يكن لها نسبة معلنه

 

[الأشعف]

السلام عليكم ورحمة الله وبركاته
خليتوني اشارك غصب وانقذ ما يمكن انقاذه
بعيداً عن الامور المالية والملكية في شركة امريكانا من عدمه نذهب الى التحليل الفني ونرى ماذا يقول ..
المقاومة 600 اختراقها نذهب الى 670 وبعدها 720 واذا معزم السهم ورافض يصحح المقاومة الي بعدها 830
والدعم الحالي 560 ما ودك ينزل تحته وبعده 530 كسره يذهب بنا الى 475 و450 وكسر 450 بداية السلبية وتأكيدها كسر 415 فلس
السهم لازال ايجابي والله اعلم بطنه شي ...
ملاحظة لا املك في السهم وهناك فجوة سعرية عند 500 فلس

 

[dhmesh]

ايراد توزيعات ارباح لشركة كيبلات
2010 23 مليون
2011 26 مليون
2012 8 مليون
والسنوات التالية اقل من 8 مليون
شنو صار ب 2012

 

[بورصاوي]

حسبتك خطا
المفروض تقيس فقط الارباح المستلمة من الاستثمارات وتبتعد عن صافي الربح لان للشركة نشاط تشغيلي ما له علاقه بالاستثمارات

عدل كلامك .. يالزاجل
شفت الأرباح المستلمه .. لنفس السنه اللي أنا حطيتها
والظاهر كلامك عن كابلات هو الصح ..
غابت عني .. هالفكره
يعطيك العافيه

 

[Navigator]

لو اني مكانهم

كميتي اللي بعتها في اغذية اشتري مكانها بشركة زين
كل سهم من اغذية يجيب ٦ اسهم بزين

مو معقوله ما تملك بامريكانا ولا اذكر انها تخارجت من السهم او اعلنت عن بيع كميات بالسهم

على اقل تقدير ممكن تملك ٤ او ٥ ملايين سهم

وعندكم لغاية نص شهر ٣ عشان يستلمون الشيك

خلال هالاسبوعين يعلنون ان شاء الله واللي بالجدر يطلعه الملاس

كل ما زادت توزيعات شركة زين صار من صالحهم

ولو يجي عرض لشراء اسهم الخرافي بزين بتشوفون السهم باسعار فوق نفس هيومن سوفت تقريباً

انا قلت على مكررات الربحية وانخفاض ارباحه سنوياً سعره العادل ٣٠٠ اكلتوني

الزاجل فك عمرك

يا تحط رابط خبر تخارجهم او تجيب ما يثبت عدم ملكيتهم في أغذية

نرجع ونقول هذا سوق مفتوح على كل الاحتمالات

ونوعية كابلات ما تصلح للمضاربين

 

[mish3al_99]

يبا ملاك كابلات اللي اهم احنا قصدي من العيار الثقيل .. ما نرضي بالمعلومه تمر جذي مرور الكرام ...

والي يبي يشارك بمعلومه على العين والراس . له كل الشكر والتقدير . بس يحط اسبابه وتحليله ومصدرة ...

على شان ما تحسب معلومه مزاجيه . او شي اخر لا سمح الله ..


وكل الشكر للجميع على طرح الاراء

 

[بدر عبدالعزيز]

سهم زين اذا راح فوق ٥٠٠ فلس من غير ارباح امريكانا بتشوفوون السهم ٦٤٠ / ٦٧٠

 

[الزاجل@2]

يا اخوان أنا اعتذر اذا قلت شي زعل احد من الشباب
المعلومه الي عندي ليست صحيحه ١٠٠٪‏
احتمال تكون خطا

مع اقفال زين ٣١/١٢/٢٠١٦ على ٤١٠ فلس
أتوقع تحقق كابلات ارباح للربع الرابع ٤٨ فلس مع ارباح السنه راح تكون بحدود ٧٣ فلس و الله العالم
وإذا أقفل زين على ٥٠٠ فلس في نهايه ٣١/٣/٢٠١٧ احتمال كبير تحقق ارباح ما بين ٦٠-٦٥ فلس للربع الاول فقط
وكلام العميري عن أعاده استثمار الكاش في الشركات التشغيليه يكفيني شخصيا

وشراء والبيع قرار شخصي لكم

 

[Navigator]

للمره الاخيره

ارتفاع زين ما تحقق منه كابلات اي ربح

راح ترتفع عندها قيمة الاستثمارات

ما يصير ربح الا اذا تخارجت من السهم

 

[74talal]

للمره الاخيره

ارتفاع زين ما تحقق منه كابلات اي ربح

راح ترتفع عندها قيمة الاستثمارات

ما يصير ربح الا اذا تخارجت من السهم

صح كلامك بوسلمان لأنه استثمار متاح للبيع وتأثيره على حقوق المساهمين يعني اللي راح تزيد القيمه الدفتريه للسهم