هيفا
عضو مميز
- التسجيل
- 12 أكتوبر 2010
- المشاركات
- 4,760
طبعا كلنا نعرف انه المواضيع الطائفيه والسياسيه ممنوع
الخوض فيها وهذا قانون ما راح نتكلم عنه
اللي نبي نتكلم عنه هو تنظيم الاستراحه او وضع نظام
للكتابه في ما هو مسموح كتابته
انا معاك بتنظيم الاستراحه
كلنا شفنا كثرة مواضيع الشعر والقصيد
ليش ما يكون موضوع واحد وكل واحد يحب الشعر يكتب
فيه موضوع مشترك ،،، انا راح ابتدي واغلق مواضيعي ( الشعر )
مواضيع الشعر انا من رايي اذا في عضو عنده اكثر من موضوع شعر
ممكن يندمجون مع بعض افضل
اما الدمج لاكثر من عضو فلا أحبذ
واعتقد ان موضوع الشعر انتهيتوا منه بس حبيت اقول رايي فيه
مواضيع النصائح الدينيه ليش ما نكتب بموضوع واحد
ليش كل يوم نفتح موضوع لنصيحه وباجر ما ندري عنه
وين راح ليش مانخليه موضع جامع ونرجع له باي وقت
المواضيع الدينيه حسب الموضوع في مواضيع تحتاج موضوع منفرد وفيها مجال للنقاش وفي مشاركات ممكن تنحط بمواضيع اصلا مفتوحه
مثلا انا امس فتحت موضوع رسائل ايمانيه كنت ناويه احط فيه الرسائل اللي تييني من اشتراكي بخدمة مشاري الخراز لان وايد استفدت منها ومن مسجات الاهل
بس في اعضاء حسوا ان الموضوع يشابه موضوع النايفه برودكاست لان عباره عن رسائل
عشان جذي اذا فعلا فيه تشابه بينهم اطالب المشرفين بدمجه باي موضوع مشابه
اهم شي الاستفاده من المشاركات
مواضيع الجديه النقاشيه ليش نقلبها ضحك وغشمره
ونبعد الموضوع عن مساره ليش مانعطي الموضوع حقه
في النقاس ونبعد الضحك والغشمره والدردشه عنه
دام انه هناك مواضيع اخرى تعطينا مساحه للمزح والضحك
انا اشوف ان اللي يميز استراحة المؤشرنت مداخلات الاعضاء الخفيفه المفرفشه خفيفة الدم
واذا كان الموضوع جدي حلو الواحد يكسر شوي ويتغشمر
بس طبعا بحدود المعقول لان في مواضيع ما تحتمل زيادة غشمره
واعتقد ان هذا اللي تقصده بوعبدالله
ليش العضو يكتب اكثر من موضوعين باليوم وليش
اذا حب يكتب مايكتب موضوع او موضوعين بحد اقصى
حتى موضوعك ياخذ حقه بالقراءه وتعطي فرصه
لمواضيع غيرك باخذ حقها بالقراءه
واحب اضيف نقطه اللي يلتزم بكتابة اقل من موضوعين
باليوم كذلك عليه عدم رفع مواضيع قديمه له في حال
كتابة مواضيع جديده لانه الهدف ليس الكم بل الكيف
انا معاك بتحديد عدد المواضيع لكل عضو لزيادة الاستفاده من كل موضوع
وبالنسبه لرفع المواضيع القديمه انا ضد اني ارفع كل مواضيعي مره وحده وتصير الصفحه الاولى كلها لي
لكن اذا رفعت موضوع عجبني لعضو ثاني هذا شي اعتبره جيد
آراؤكم مهمه جدا وفي حال موافقتكم على النظام الجديد
سوف يتم تطبيقه على الجميع وكما ذكرت لكم راح ابدأ
بنفسي .
للعلم للاستراحه قوانينها وما نناقشه هو تنظيمها
يعطيك العافيه بوعبدالله على اهتمامك بالاستراحه 
اما اذا صأإأآر وتقيد العضو بانزال موضوع او اثنين فهذا شي طيب 
