اقترضت 22 ألفاً ويطالبونني بتسديد 100 ألف دينار

[جـراح]

هذه جريمه بمعنى الكلمه

البلد نهبه ولا شنو السالفه بالضبط

يعني البلد فيها قانون ولا هي فوضى علشان اذا فوضى كل واحد يسوي اللي يبي

 

[ahmaaad]

لا فوضه ولا شي من قالكم تاخذون قروض وتبلشون نفسكم وبعدين تحطون اللوم علي الدوله اهيه شكو في قروضكم الشخصيه الدوله ماقصرت في الشعب الكويتي عطتكم كل شي من راتب وقرض اسكاني وبيت ولا في ضرايب علي المواطنين شنو تبون بضبط زادو الراوتب وعطوكم الف دينار واكل لمدة سنه بلاش بعد شنو تبون الانسان طماع ميترس اعيونه شي كل يبي وبس مايفكر في النعمه الي اهو فيه الحمد لله كثيرا الله لاتغير علينا

صح كلامك اخوي انا اايدك 100 %
ليش الاب يسمع كلام عياله وياخذ سياره غاليه واخر موديل
ليش الناس ماتمد ريلها على قد لحافها
ليش القروض ليش الكل بيصير كشخه
الدوله توزع اراضي وبيوت باسعار زهيده
بس الناس يبون المناطق الداخليه والكشخه هذا مو مسئوليه الدوله
انا واحد من الناس الحمدلله طلعت لي قسيمه بمدينه صباح وعمري 34 سنه
الحمدلله شنو يعني بعيده شويه يعني الكل يبي العاصمه ويا دوله طيحي القروض؟
صدقوني يا شباب مشكله القروض السبب فيها المواطن الي موراضي بالقليل ومو ماد ريله على قد لحافه

 

[BO-MUBARAK]

انا بعد هم مستغرب شلون ال 22 الف يردها 75 ألف دينار

احد حصلت له نفس هالسالفه ؟؟ او ممكن يكون خطأ من البنك ؟

انا احصلت لي ماخذ 45 الف وصارت مديون 160 الف شلون تترقع في الوطني وحولت للتجاري ودخلت مع القرار الجديد اللي كل خمس سنين تنقص الفايده والا تزيد

بس فعلا محافظ المركزي حاشة العفن ولازم ينشال لان كل العالم خفضووو الفايده الا اهوو مايثدر على التجار لان الفايده في الكويت الاعلى علميا لين الحين احنا ب 6.5 % تخيلووو امريكا واليابان كم بالله عليكم


نريد اسقاط محافظ البنك المركزي ضيعنا

 

[نصوح]

يمكن تستغربون من كلامي

لكن سالفته ما تدش العقل نهائياً بخصوص المبلغ وفوائده و8 سنوات دافع قسط شهري 440 دينار

لو قايل اصل القرض 42 الف تتصدق

هذا غير سالفة القاز اللي بسيارته !!!!

الله يكون بعونه وبعون كل مديون

تصدق يا الغالي
أخذت قرض آنا وواحد من الأصدقاء بنفس السنة
لشراء منزل آنا من بيتك ووهو من الوطني
تصدق ولله الحمد آنا خلصت القرض ووهو توه خلص
من الفوائد لآن الأرباح تزيد كل شهر بطريقة تراكمية
ربوية محترفة أيام دمج الرواتب وبمباركة البنك المركزي

والحين عقب ما شلخوا العالم ودبسوهم بالقروض منعوا
دمج الرواتب

ما أقول إلا لا حول ولا قوة إلا بالله والله يعينكم يا ضحايا
البنوك الربوية​

 

[بن عدوان]

صح كلامك اخوي انا اايدك 100 %
ليش الاب يسمع كلام عياله وياخذ سياره غاليه واخر موديل
ليش الناس ماتمد ريلها على قد لحافها
ليش القروض ليش الكل بيصير كشخه
الدوله توزع اراضي وبيوت باسعار زهيده
بس الناس يبون المناطق الداخليه والكشخه هذا مو مسئوليه الدوله
انا واحد من الناس الحمدلله طلعت لي قسيمه بمدينه صباح وعمري 34 سنه
الحمدلله شنو يعني بعيده شويه يعني الكل يبي العاصمه ويا دوله طيحي القروض؟
صدقوني يا شباب مشكله القروض السبب فيها المواطن الي موراضي بالقليل ومو ماد ريله على قد لحافه

صباح الخير ,,

اخووووووووووي بعطيك مثال بسيط وانت تفهم ان شاء الله وتعرف ما اريد توصيله ,,

لي صديق حصل على قرض لشراء بيت زاويه على 3 شوارع ومبلغ القرض تقريبا 26000 وقسط القرض الشهري 400 دينار ويقولي امس انه تقريبا قرب يخلص على نهاية السنه هذي .

طيب ياخوي الله يرحم والديك شنو الفرق بين اخونا مقترض بيت التمويل وبين الاخ اللي تدوبل قرضه 3 مرات والعياذ بالله ؟؟؟

اقولك الفرق ان واحد اخذ له قرض ربا والثاني اخذ مرابحه اسلاميه

الربا تزايد حتى اوصل صاحبه للانتحار ,,

اما المرابحه ساكن في بيت زاويه وعلى 3 شوارع الله يهنيه وآخر السنه راح

يخلص قرضه ,,

عرفت شنو الفرق الحلال والحرام !!

ولكن لابد ان يقمع ويحاسب محافظ البنك المركزي ​

 

[nuoten18]

اتقوا الله

يا جماعة السالفة مو داخله مخلي ...

اولا نفس ما قال احد الاخوان يعني راح البنك و حاط قاز بالسيارة ليش مجهز الدوة قبل الفلع ...
ثانيا ليش يحرق نفسه ، الحمدالله الديرة بخير و لو كان مكسور يشيلونه الاهل والجيران و المؤسسات الخيرية ... هذاك في تونس احرق نفسه لانه تم مصادرة مصدر دخله الوحيد هو واخوانه الايتام وما عنده حتى فلوس يجيب بضاعة جديدة غير الكلام اللي طلع انه الشرطية (مرأة) اهانته جدام الناس !!!
وخدشت رجولته وهو رجل شرقي

ثالثا : انا اللي اعرفه انه الواحد لما ياخذ قرض يعطونه نسخه من العقد مذكور فيها كل شي ... وفي اخر 8 سنوات سجل الفوايد للبنوك موجود. يعني البنك ما يقدر يقول انه قبل سنتين الفايدة كانت 6% او 15% عبط لانه مراقب من المركزي وبالتالي يمكن اثبات كم كانت الفايدة في فترة ال 8 سنوات ...... بالمختصر اذا موضوعه صجي يروح حق محامي يطلع حقه ويدفعهم حساب المحامي و يمكن حتى يطلع بتعويض

رابعا و اخيرا : كل البنوك حاليا القروض فيها تسجل ببرنامج كمبيوتر و اذا البرنامج فيه غلط لو صغير فكل واحد مقترض من نفس البنك راح يحوشه نفس الغلط


في الاخير احب اقول انه محافظ المركزي (الله يهديه) ، ما كان يجب ان يهاجم هكذا ... اتقوا الله يا ناس ،،، فيكم احد يعرفه شخصيا علشان يقول انه الخطأ منه او انه شخص مو كفو !!! اتقوا الله فانه كل واحد ظلمه بالحكم عليه من غير ذنب فسيحاسب ،،، بل انكم هكذا تعطونه من حسناتكم ،،، ان كان خيرا فادعوا له بالهداية لما هو خير و ان كان ظالما فادعوا له بالهداية لعله يرد عن الظلم وبالتالي تكونون حققتم كلام الرسول _صلى الله عليه وسلم _ انصر اخاك ظالما او مظلوما ... تكمله الحديث )

 

[al7boob_77]

شباب ليش مستغربين هذي مو اول مره تصير هالسالفه ولا اهو اول واحد الضحايا واااااااااااااااجد اكثر مما تتخيلون
الضحايا كل اللى ماخذين قروض من بنوك ربويه تدمروا حيل


انا اقول هالكلام من واقع خبره ومعرفه مو من سوالف دواووين

بعطيك مثال واحد بس ..وهالمثال مشهور واهو للاخ خالد الزمل وفتح موقع اسمه جك بو

w w w . c h a k b o m . c o m

ادي سياسة النتدى ما تسمح بوضع روابط ولكن هالرابط ليس بتجاري وان شاء لله يستفيدو منه الاخون


طبعا اخونا خالد الزامل اخذ قرض ب 70 الف دينار كاش واحسبوا فوايد ب70 الف دينار + 4000 ديار رسوم اداريه واعتقدتامين وغيره

المهم المجموع له بحدود 144 الف دينار والرجال راضي وكا قصده ينتهي بعد 20 سن ذه بحدود سنه 2002 وينتهي بسنه 2022 ... اوالرجال راضي ووافق وما عنده اي مشاكل

المهم بعد جم سنه تفاجه انه مديونيته صارت 256 الف اذا انا مو غلطان ونتنهي بسنه 2077 تقريبا

يعني بعد ما يصير عمره 100 سنه


طبعا الرجال فع قضه واخذ حكم درجه اولى واستئناف وتميز والحكم نهائي واهو اجبار البنك على اصل العقد والاتفاق

طبعا الرجال فتح موقع جك بوم وحط فيه كل شي وكل الاستفسارت والاجوبه وطريقت رفع القضيه
والناس واجد تفاعلوا مع الخبر ورفعوا قضايا واجد بالمحكمه وتم احالتها الى ادارة الخبراء وتم انصاف كثير من الناس وتاديب البنوك

ولكن المشكله انه اغلب ربعنا يتحلطمون ولا يروحون يشتكون وكل واحد يطالع بالثاني


انا كتبت هالقصه الواقعيه علشان الشباب يستفيدون

طبعا في تفاصيل كثيره ويبي لها وقت بالساعات الواحد يكتبها بس ان شاء الله اللى يبي يستفيد اكثر يدخل هالموقع ويقرا وان شاء الله تلقون اكثر اجاباتكم


شباب نصيحه لكم اللى يقدر يحول قرضه الى بنك اسلامي يحول حتى لو بيحسبون عليه شويت فايده مو مشكله صدقوني نصيحه من اخوكم

قبل فتره كان في اتفاقيه بين بنك الوطني وبوبيان تقدر من خلاله تنقل مديونيتك من الوطني الى بوبيان .... بس اذا مو غلطان سكرها المركزي الحين ولكن ما يمنع الواحد يسال ....

ما سالتوا نفسكم ليش الوطني استذبح على شراء بوبيان ؟؟؟؟؟؟؟؟؟؟؟؟؟؟؟؟

لعدت اسباب بذكر اهمها

- التمويل الاسلامي ( مثل تورق ) .
- التمويل الاسلامي والرهن العقاري للسكن الخاص ( لانه البنوك التقليديه مثل الوطني وغيره مو مسموح لهم يرهون السكن الخاص ممنوع عليهم وهذا السبب اللى خله اغلب البنوك الحين تحول الى النظام الاسلامي واعتقد تعرفونهم عدل )

- قطاع تمويل السيارات الجديده او المستعمله ( مثل بيتك يبون يفتحون قطاع للسيارات وشغالين حاليا )
- بنك قائم وجاهز بالسوق وله حصه سوقيه وله عدة افرع .
- وغيرها من المميزات لا تذكر

المهم ربي يوفقكم ويفرج عليكم هالكربه وتنحل هالمشكله

 

[al7boob_77]

شباب ليش مستغربين هذي مو اول مره تصير هالسالفه ولا اهو اول واحد الضحايا واااااااااااااااجد اكثر مما تتخيلون
الضحايا كل اللى ماخذين قروض من بنوك ربويه تدمروا حيل


انا اقول هالكلام من واقع خبره ومعرفه مو من سوالف دواووين

بعطيك مثال واحد بس ..وهالمثال مشهور واهو للاخ خالد الزمل وفتح موقع اسمه جك بو

w w w . c h a k b o m . c o m

ادي سياسة النتدى ما تسمح بوضع روابط ولكن هالرابط ليس بتجاري وان شاء لله يستفيدو منه الاخون


طبعا اخونا خالد الزامل اخذ قرض ب 70 الف دينار كاش واحسبوا فوايد ب70 الف دينار + 4000 ديار رسوم اداريه واعتقدتامين وغيره

المهم المجموع له بحدود 144 الف دينار والرجال راضي وكا قصده ينتهي بعد 20 سن ذه بحدود سنه 2002 وينتهي بسنه 2022 ... اوالرجال راضي ووافق وما عنده اي مشاكل

المهم بعد جم سنه تفاجه انه مديونيته صارت 256 الف اذا انا مو غلطان ونتنهي بسنه 2077 تقريبا

يعني بعد ما يصير عمره 100 سنه


طبعا الرجال فع قضه واخذ حكم درجه اولى واستئناف وتميز والحكم نهائي واهو اجبار البنك على اصل العقد والاتفاق

طبعا الرجال فتح موقع جك بوم وحط فيه كل شي وكل الاستفسارت والاجوبه وطريقت رفع القضيه
والناس واجد تفاعلوا مع الخبر ورفعوا قضايا واجد بالمحكمه وتم احالتها الى ادارة الخبراء وتم انصاف كثير من الناس وتاديب البنوك

ولكن المشكله انه اغلب ربعنا يتحلطمون ولا يروحون يشتكون وكل واحد يطالع بالثاني


انا كتبت هالقصه الواقعيه علشان الشباب يستفيدون

طبعا في تفاصيل كثيره ويبي لها وقت بالساعات الواحد يكتبها بس ان شاء الله اللى يبي يستفيد اكثر يدخل هالموقع ويقرا وان شاء الله تلقون اكثر اجاباتكم


شباب نصيحه لكم اللى يقدر يحول قرضه الى بنك اسلامي يحول حتى لو بيحسبون عليه شويت فايده مو مشكله صدقوني نصيحه من اخوكم

قبل فتره كان في اتفاقيه بين بنك الوطني وبوبيان تقدر من خلاله تنقل مديونيتك من الوطني الى بوبيان .... بس اذا مو غلطان سكرها المركزي الحين ولكن ما يمنع الواحد يسال ....

ما سالتوا نفسكم ليش الوطني استذبح على شراء بوبيان ؟؟؟؟؟؟؟؟؟؟؟؟؟؟؟؟

لعدت اسباب بذكر اهمها

- التمويل الاسلامي ( مثل تورق ) .
- التمويل الاسلامي والرهن العقاري للسكن الخاص ( لانه البنوك التقليديه مثل الوطني وغيره مو مسموح لهم يرهون السكن الخاص ممنوع عليهم وهذا السبب اللى خله اغلب البنوك الحين تحول الى النظام الاسلامي واعتقد تعرفونهم عدل )

- قطاع تمويل السيارات الجديده او المستعمله ( مثل بيتك يبون يفتحون قطاع للسيارات وشغالين حاليا )
- بنك قائم وجاهز بالسوق وله حصه سوقيه وله عدة افرع .
- وغيرها من المميزات لا تذكر

المهم ربي يوفقكم ويفرج عليكم هالكربه وتنحل هالمشكله

 

[q66]

لاحول ولاقوة إلا بالله
الله يعين اهل الكويت
الأسباب واضحه لايوجد رقابه بالدوله على البنوك وعلى سوق المال والاهمال من منو.....
الريال من الصدمه بغى ينتحر وآخرتها للنيابه وبكفاله مابي اتكلم الله يعين...

 

[yarab]

هذه افلا لا تصدقوها حسبة بسيطه
لو الاخ مقترض 22 الف دينار على 15 سنه نفترض تصبح الحسبة الكتالي :
22000 * 7% ( فوايد ) = 1540دينار ( فوائد السنه الواحده )
1540 * 15 سنه = 23100 دينار ( مجموع الفوايد )
23100 + 22000 ( اصل القرض ) = 45100 اجمالي القرض
شلون وصلو 100 الف ما ادري
ثانيا : الاخ عندما خرج من البنك ذهب الى سيارته وسكب على نفسه الكاز يعني الاخ كان مجهز نفسه
يا اخوان نصيحه : لا تصدقون كل ما تسمعون وصدق نصف ما ترى
يريدون عمل الفتنه وفقط والتورطون ايضا يريدون اشعال هذا الموضوع

 

[alshammery]

يمكن تستغربون من كلامي

لكن سالفته ما تدش العقل نهائياً بخصوص المبلغ وفوائده و8 سنوات دافع قسط شهري 440 دينار

لو قايل اصل القرض 42 الف تتصدق

هذا غير سالفة القاز اللي بسيارته !!!!

الله يكون بعونه وبعون كل مديون

فعلا كلام اخوى المشرف السالفة ماتدش العقل انا عندى اختى عام 2003 ومن البنك الوطنى اخذت قرض 25000دينار وقسطها حوالى 280دينار وينتهى على ما اذكر 2014ومستمرة فى السداد وهذا الاخ قرضة 22000 دينار يصير 100000دينار انا اخذت قرض قبل سنوات 12000دينار والقسط 274 على 5 سنوات من الوطنى فالسالفة انا ما اصدقها نهائى لو كانت كل القروض تدوبل 4 مرات العالم كان ما اخذت قروض

 

[nawaf52]

فعلا كلام اخوى المشرف السالفة ماتدش العقل انا عندى اختى عام 2003 ومن البنك الوطنى اخذت قرض 25000دينار وقسطها حوالى 280دينار وينتهى على ما اذكر 2014ومستمرة فى السداد وهذا الاخ قرضة 22000 دينار يصير 100000دينار انا اخذت قرض قبل سنوات 12000دينار والقسط 274 على 5 سنوات من الوطنى فالسالفة انا ما اصدقها نهائى لو كانت كل القروض تدوبل 4 مرات العالم كان ما اخذت قروض

تدري شنو المشكله إن بالكويت نشوف الناس كلامهم مو منطقي هذا مشكلته إنه والله أعلم ماخذ قرض 22000 وقام وأجل قسط القرض أكثر من ثلاث شهور خمس سنوات فبهذي الحاله زادت الفوايد وكل توقيف للقسط شهر تسكير الفايده يقابله فايدة 3 شهور وهذا من البنك الوطني إدارة القروض وفي إحتمال ثاني إنه مجدد قرضه وعلى باله يتسكر القرض الاولي وهذا اهو الاحتمال الاكيد .طلع واحد وقالي انا بالقروض وكلامك موصحيح بمر عليه وبخليه يطبع القانون وبحطه بالمنتدى .

وبعدين فيه شغله مهمه لازم نعرفها البنوك تضغط على موظفينها إنخم يقنعون العملاء بأخذ قروض مولأن الموظف ياخذ عموله لأن البنك أهو المستفيد وإدارة الافرع يضغطون على الموظفين إنهم يقنعون أهلهم وربعهم ياخذون قروض وذلك لتحسين وضعهم بالفرع والبنك اللي يعملون فيه .

 

[nokhitha]

صح كلامك اخوي انا اايدك 100 %
ليش الاب يسمع كلام عياله وياخذ سياره غاليه واخر موديل
ليش الناس ماتمد ريلها على قد لحافها
ليش القروض ليش الكل بيصير كشخه
الدوله توزع اراضي وبيوت باسعار زهيده
بس الناس يبون المناطق الداخليه والكشخه هذا مو مسئوليه الدوله
انا واحد من الناس الحمدلله طلعت لي قسيمه بمدينه صباح وعمري 34 سنه
الحمدلله شنو يعني بعيده شويه يعني الكل يبي العاصمه ويا دوله طيحي القروض؟
صدقوني يا شباب مشكله القروض السبب فيها المواطن الي موراضي بالقليل ومو ماد ريله على قد لحافه

اتفق معاك اخوي مليون٪ مع الاسف الاغلبيه صارو شعب مترف يبي كل شي اب بلاش و كل شي يتحلطمون عليه،و الاخ الي يقول شنو سوتلنا الدواله انا بسألك شنو انت سويت للدوله؟؟؟؟ دوام اغلبكم في الحكومه و دوام فلاتي هذا اذا داومتو و هم مو تارس عينكم المعاش،ضرايب ما تدفعون و لو فيها خير الحكومه تزيد خمس فلوس على الخبز سويتو قصه،تروحون الطبيب ما تدفعون فلس و هم تتحلطمون على الادويه و المكان و بالطبيب الخاص لو يلعب بحسبتكم عسل على قلبكم،بأختصار نحن شعب مترف و الدوله ما تعمر بهل طريقه

 

[hi_hi]

اللي يدري يدري واللي مايدري مايدل طريج القروض

انا اخذت قرض من بنك الخليج ولما ارفعوا الفايده على بداية الازمه

كان المتبقي من اصل الدين 1500 استانست ورحت بسدد قالوا ادفع 3000

قلت انا المفروض بعد 6 شهور اخلص وقسط 250 يعني لكم 1500

قالوا والله كيفك اللي عليك 3000 واذا مادفعت راح يصير الدين 4500

نصب اشكره .... والله يشهد دفعت وعاقبوني بشي اسمه السداد المبكر

خذو 100 دينار ,,,,,,,,, مع العلم ان بالأول السداد المبكر ينزل من المديونيه

بس ما اقول الا الله لايوفقهم ولايحللهم واللي يحمي هالحراميه بنشوف فيه يوم

والحمدلله من تبت من هالقروض وانا بخير ونعمه

هاذي حرب من الله ورسوله ... نسأل الله العافيه

 

[صابر ومحتسب]

اولا ً البعد عن الربا يقي الانسان من مصائب. ثانيا ً نتذكر نعمت الله علينا بالنظر الى من حولنا من الدول فقد فعَنْ أَبِي هُرَيْرَةَ رَضِيَ اللَّهُ تَعَالَى عَنْهُ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " أُنْظُرُوا إِلَى مَنْ هُوَ دُونُكُمْ وَلَا تَنْظُرُوا إِلَى مَنْ هُوَ فَوْقَكُمْ ، فَإِنَّهُ أَجَدَرُ أَنْ لَا تَزْدَرُوا نِعْمَةَ اللَّهِ عَلَيْكُمْ " ، أَخْرَجَهُ مُسْلِمٌ ، وَابْنُ مَاجَهْ .

 

[mosaid]

اتقوا الله

لاحول ولاقوة الى بالله .. للتجار وللجشعين .. اتقواالله وخافوا الله سبحانه ,ارحموا من في الأرض يرحمكم من في السماء , لن تنفع الأموال والسلطة والجاه مادام انك ستوضع في القبر وستحاسب بما فعلت بالدنيا .

 

[بو يوسف11]

شباب الله يهديكم

حولوا رواتبكم الي البنوك الاسلاميه تنعموا ويرزكم الله
انا شريت سياره من بيت التمويل 11000 علي اربع سنوات صارت الفوائد 2000
يعني المديونية 13000 الف اللحين انتهت سنتين الباقي 6500 والسياره تسوي
8000 دينار لو اني اخذت الغرض من بنك ربوي والله كان الان مديون 20 الف دينار
ياشباب خافوا ربكم من الربا الفاحش
وانصحكم ببنك بوبيان لان فوايدة اقل من بيت التمويل بكثير ولك ان تسال وتحسب الفرق

 

[مليون واحد]

على صاحب الموضوع يمكن ناسي او موطف شهر ولا 6 شهور والبنك يتصل
بس انما ياخذ قرض ب22 الف ويتفاجا انه بيدفع 100 الف هذي الحقيقه اول مره اسمع فيها
ويمكن جايز تصير بس انا لازم اكلم صاحب الموضوع نفسه استكشف واعطيه الخطوات اللي لازم يسويها
او انه اهو قاصد يسوي ثغرات بالقانون ويروح المخفر ويقدم بلاغ.
من غير لا يحرق نفسه او يصب على نفسه شي
ياجماعة الخير الحين البنوك كلها سواء اسلاميه او ربويه تخضع لرقابة البنك المركزي
موفوضى ولاتلاعب
اللي بياخذ قرض او اي قرض لازم ياخذه ماتمر الامن خلال البنك المركزي واي بنك يخل
بهذه الشروط
يدفع البنك شرط جزائي او غرامه ماليه تصل الى 51000 الف دينار
كويتي .وانذار
وهذي معلومه مو معروفه للجميع.
فالبنك مايسويها ولا ياخذ فلس زايد من عميل .
في حالات عند فتح الحساب اي عميل بيفتح حساب اللي يقل رصيده عن ال100 دينار ينخصم كل شهر 2دينار .
واذا بتاخذ قرض استهلاكي يحسبولك المده مع الارباح
على سبيل المثال:
اخذت قرض من احد البنوك 20 الف دينار
والفايده 2.9عن كل سنه
وابي على 3 سنوات
معدل الفايده عن كل سنه تصير 8,9 بالمئه
20000 ضرب 8.9 بالمئه=1780 دينار
1780+20000 =21780 دينار
علي 36 شهر
يطلع القسط 605 دينار ل36 شهر اضافه الى رسوم التامين والاشراف قول 400 بالكثير
وان بتكيش ينزلولك عن سنه 90 او 100 دينار عن كل سنه
اما لو صار غير الكلام هذا هددهم بالبنك المركزي ومع انه هذي ماتصير ولا رح تصير كل شي معروف وواضح المده مع الارباح اللي بياخذها البنك ولا الكلام وايد .
هذا اللي اعرفه من خبرتي

 

[جمبازي]

[size="6ياجماعه ....ياااااجماعه "][/size]


شويه تركيز الله يرحم والديكم ...


ليش احنا شعب ..لما نتكلم عن قضيه ..نلف ونحوس حوالين السبب ..

ومانركز على السبب الرئيسى ؟؟؟؟؟؟



..


تعب نفسك معاى 5 دقايق ..واقرا وافهم عدل ..تفهم ليش صارت ازمه القروض عندنا .


.........................

هناك من اقترض لاجل اى موضوع ..نعم ولكنهم لايشكلون حتى 15% من المقترضين ...

....................

الغالبيه العظمى من المقترضين ..اقترضوا او جددوا قروضهم ...بسنه 2001 ...الى غاية 2005 ...لماذا ...هذا التاريخ ؟؟؟؟؟

.............................


لان الغالبيه منهم لايملكون الكاش ...وكانوا يرون البورصه والاسهم فى صعود والناس تتكلم عن ارباح خياليه ...

ومن طبع الانسان انه يطمح للافضل ..ويريد زيادة موارد دخله وتحسين اوضاعه ...


وحسب قراءات الناس وسماعهم لاناس اخرين يمتدحون الاسهم ويحلمون بارباح خياليه ..

كل شخص بدأ يفكر باخذ اكبر مبلغ ممكن كقرض ..وبدا يحلم بانه بعد كم سنه سيصبح مليونير ((طبعا راح يصبح مديونير ))

ومن يلوم الناس العامه على جهلهم ...فهو اجهل منهم .

..........................

من هنا ابتدات اللعبه الكبيره ...برفع السوق اكثر وشفط اموال الناس اكثر .


...


اكتفى بهذا الكلام ...وصلت الفكره .

................................................................

المقترضين غالبيتهم العظمى ... متداولين فى سوق الاسهم .

(((لماذا لايقولون ذلك المسؤولين هههههههههه اخاف صج بس يذكرون هالسبب ))

...........................

من يقول بان شخص اخذ قرض لشراء سياره ..فهو شخص غبى مع احترامى له..واحسن له مايسولف بهالمواضيع ..

السبب ::: هناك شركات كثيره تعطى الاقساط ..باى سعر واى سياره ..

فاذا اخذ القرض للسياره ..فهو خسر مبلغ القرض ؟؟؟ولن يستطيع الاقتراض .

اما اذا اخذ قسط على التسهيلات او اى شركه اخرى يستطيع ان ياخذ قرض مره اخرى من بنك .


...........................................


يرحم والدينكم ..الى تقولون مد ريولك على قد لحافك((بالنسبه لموضوع القروض )) ...بسكم جهل ..ودفاع عن الظلم

.

 

[Q8Q8]

بأختصار

اخذت قرض البالون واستلمت 000 52 الف سنة 2004
وتم احتساب حوالى 4000 تأمين وغيره
قسطى اول سنتين 486 دينار
وزاد بعدها وصار 520
وبعدها 549
وبعدها 580
ولفترة قصيرة عدة اشهر 600
وعند السؤال قالى موظف البنك ان قرضك بالون والفائدة متحركة
وعند الأزمة المالية وتخفيض الفائدة فرحت لأن الفائدة راح تنزل وينزل القسط والمديونية
وفعلا اصبح القسط 580 عدة اشهر ثم 568 عدة اشهر
وبعدها بأول سنة 2010 راجعت البنك وسألت عن قيمة القسط وليش ما انزلت وعن المتبقى من القرض
المفاجأة كانت ان المتبقى من القرض 000 54 الف دينار والله على ما اقول شهيد
وتم تثبيت القسط على 556 دينار وللحين نفس القسط

بدون اختصار
لمن قلت للبنك ان الفايدة انزلت وصارت اقل من السنة اللى اخذت فيها القرض وان القسط كان بالبداية 486 وليش القسط ما رد نفس اول
قالولى ان الخفض صار على المدة فقط وان اللى اندفع كله فايدة
يعنى 98 % من القسط للفايدة شلون وبأى قانون وبأى مذهب ما ادرى
يعنى حتى لو تم اسقاط الفوائد من مجلس الأمة ماكو فايدة لأنها سحبت بالفعل والباقى اصل القرض
البنك بلغنى ان هذا اللى صار والفايدة مستمرة والقسط ما راح ينزل الا بأعادة الجدولة وأعادة الجدولة ممنوعة من المركزى واعلى ما فى خيلك اركبه

المركزى يقول انه صدرت تعليمات للبنوك بألغاء البالون لما فيه من ظلم كبير على المقترض
واذا البنك ما لقالك حل روح اشتك بالمحكمة
والحقيقة المره ان المركزى ومحافظه يعجز امام بنكين اكبر منه
القروض مهزله ومصيبة كبيرة راح تهز اقتصاد الدولة وتهز وزارة المالية وكرسى المحافظ اذا تم كشف خفاياها
لم آخذ القرض لشراء سيارة او السفر او الفسفسة او الفخفخة
واستفدت منه فى البداية
وانا مو متعسر ولا متحسر ولا متعثر او عاجز عن السداد وما مديت ريولى بره اللحاف لأنها بالأصل قصيرة وما تطلع بره وراتبى مرتفع والحمدالله واهم شى الصحة
ولكن البنك والمركزى ظلمونى وظلمو عيالى ودمرو مستقبلى وطموحى واخذو مالى وحرمونى من تأمين مستقبل ابنائى وتحسين مستواى المعيشى وخلونى اشتغل 20 سنة لحسابهم وخلونى ادفع مبالغ مالهم فيها حق وحملونى فوق طاقتى بالسلب والنهب والبوق تحت حماية المركزى والحكومة والله حتى اللى لا دين ولا مذهب يرضى بهذا الظلم والحرمنة والأستغلال والربا الفاااحش
الله لا يسامحهم وحسبى الله عليهم الى يوم الدين
مستعد لأى سؤال او استفسار اذا كان جاد وبدون تشكيك او استهزاء او استعباط