المؤشر

[فيرسون]

نورنا يافيرسون وقولنا شنو الدبره.!!

خلص النزول ولا المؤشر مشتهى يقوع بعد..؟؟؟

و الله بإذن الله .. طاقة النزول انتهت ..

نسم السوق خلص ..صارله فترة وهو غاطس .. أشوف انه آن الأوان انه يطلع ياخذله نسم ..

أشوفه صاعدله مو أقل من 200 نقطه بإذن الله .. و ابتداء من الأسبوع المقبل ..

و الله أعلم .. و هو الكريم سبحانه ..

بو فارس ..

 

[فيرسون]

اللبنانيه ماخذينها على 1,020 نقط والا نصبر

و الله يا أخي العزيز عكاش ..أنا حصل إني وصيت توصية قوية بالخروج من سهم اللبنانية على سعر فوق ال 800 فلس ..

و بنيت توصيتي على التحليلين ..الأساسي ..و الفني ..

الأساسي يقول الشركة فالصو .. و ما تسوى نص سعرها ..و راعيها تخلص منها ..لأن لو هو مستمر بالإحتفاظ فيها كان ما شاف الربح الي طلعه من بيعة الأسهم الا بعد 25 سنه عمل..

الفني يقول الشركة رايحة لل 380 فلس ..

نصيحتي لك هي ..

الآن السهم سعره مقارب لنصف سعر الشراء ..

لو صدق التحليل العام للسوق ..و انتعش السوق الأسبوع القادم .. أكيد سيكون للبنانية نصيب ..لكن ماني قادر أشوفها فوق ال 710

مع أول تعديله .. زتها .. و الله يعوضك بأسهم ثانية بإذنه تعالى ..

نصيحتي .. الأهلية للأستثمار .. و بإذن الله تردلك راس مالك .. و زياده .. بس تصبر عليها .. و لا لك شغل بالكلام الداير عليها ..

و الله أعلم ..

و موفق ..

 

[بومهدي]

السلام عليكم و رحمة الله و بركاته

اخوي فيرسون ( بوفارس ) يسعدني ويشرفني ان اكون من قرائك كما تعرف هذا ، وودي من فتره لفتره اتحرش فيك حتى نستفز فيك روح البحث ، والتحرش اليوم هو :

في مؤشر يسمى Regression Close 14 ابي احط معادلته لك متى ما تعبت من البحث عنها ، شي غريب سرعة هذا المؤشر بالنسبه للـ MACD جربه وشوف.

مع خالص تحياتي وتقديري ونفعنا الله بعلمك و معرفتك .

أخوك
بومهدي

 

[فيرسون]

السلام عليكم ..

هلا بالغالي بو مهدي ..شيخ الشباب ..(درجة تحت 50 سنة)

أتوقع و الله العالم إن المؤشر المذكور (regression oscillator) .. موجوده تفاصيل معادلته في موقع ال Equis ..

http://www.equis.com/customer/resources/formulas/?id=50

الا إذا كان قصدك عن مؤشر ثاني .. لأن هذا ال Range المعتاد فيه هو -14 : +14

و مع انه مثل ما الغالبية عارفين .. غير مشهور ..الا انه فعال كما تفضلت ..

و الله الموفق ..

 

[سهم كويتي]

السلام عليكم و رحمة الله و بركاته

اخوي فيرسون ( بوفارس ) يسعدني ويشرفني ان اكون من قرائك كما تعرف هذا ، وودي من فتره لفتره اتحرش فيك حتى نستفز فيك روح البحث ، والتحرش اليوم هو :

في مؤشر يسمى Regression Close 14 ابي احط معادلته لك متى ما تعبت من البحث عنها ، شي غريب سرعة هذا المؤشر بالنسبه للـ MACD جربه وشوف.

مع خالص تحياتي وتقديري ونفعنا الله بعلمك و معرفتك .

أخوك
بومهدي

هل دقيق هالمؤشر ؟ وافضل من الماكد ؟
يا ليت تعطينا تفصيل بسيط
ما نستغني عنك بومهدي

 

[بومهدي]

المعادله و التطبيق......

السلام عليكم و رحمة الله

اخوي العزيز بوفارس

المؤشر وانت الصاج يسمى linear Regression 14

المعادله كالتالي :
(14 * Sum(Cum(1) * C,14) - Sum(Cum(1),14)* Sum(C,14)) /(14 * Sum(Pwr(Cum(1),2),14) - Pwr(Sum(Cum(1),14),2)) * Cum(1) + (Mov(C,14,S) - Mov(Cum(1),14,S) * (14 * Sum(Cum(1) * C,14) - Sum(Cum(1),14) * Sum(C,14))/(14 * Sum(Pwr(Cum(1),2),14) - Pwr(Sum(Cum(1),14),2)))


تفاصيل الحسبه لا أملكها للأسف ، لكن بصوره عامه المؤشر يشبه المتوسط الوزني.

اللي يهمنا من الموضوع هو سرعة المؤشر بالنسبه للماكد 9 12 26 مثل ما هو واضح في الصوره للسهم الأول لشركة الأولى للأستثمار ، لاحظ تقاطعات الماكد مع اشارته كيف تأخرت عن تقاطع السعر مع Regression

السهم الثاني هو أعيان اخترته لوضوح التقاطعات بعد النزول المتواصل لا حظ التقاطعات :

الآن لاحظ حركة مؤشرنا مع حركة الماكد 5 35 5
الأولى للأستثمار:

سهم اعيان :

طبعا اتمنى من الأخوان المهتمين بالتحليل وتعدد طرقه ان لا يبخلوا علينا بتعليقاتهم.


اخوي العزيز سهم كويتي :

للحقيقه ما في مؤشر احسن من الثاني ، بمعنى ان كل مؤشر او اداة قياس لها استعمالها ، المهم في الموضوع هو سؤالك الطيب ، الجواب يكون دائما عند الشخص الذي يستفيد من عمل المؤشر ، يعني كل شخص له طريقته في التداول ، يمكن يعجبك هالأسبوع بعد ان عرفت معطيات عامه عن السوق ان تجرب المضاربه بما تقتضيه ظروف سهمك او ظروف السوق او القطاع ، يعني وبكل صراحه انته حر نفسك وانت صاحب قرارك في اي وجه استثماريه او مضاربيه تتبنى و أهم شي ان تكون قد حددت اهدافك بعد تحديد موقعك او مركزك بعدها تتوكل على الله مسبب الأسباب وموزع الأرزاق ، ولكل مجتهد نصيب.


مشكورين على الموضوع الطيب ولو كان ودي ان ينتقل النقاش الى موضوع التحليل الفني.

وفقكم الله ورعاكم.

أخوكم
بومهدي

ملاحظه : ارفقت المعادله في ملف خاص في حال تعذر قص و نسخ المعادله من الرد.

 

[Cha3bar]

المؤشر السعري في 16/7/2005

مع إستمرارية إنخفاض نشاط التداول في السوق والتشاؤم يكسر المؤشر متوسط ال 35 يوم و يتجه إلى متوسط 50

ومني لأهل التحليل الفني

 

[وطني حبيبي]

المؤشر مهيأ للوصول الى 8520 لان الدافع النفسي للسوق خلال الفترة الماضية لم يعطيعه قوة الدفع للصعود مع مراجعة اقفالات يوم 4/6/2005 . . . والله الموفق

 

[فيرسون]

هل فعلا السوق كسر الدعم ؟

السلام عليكم .. و مساكم الله بالخير ..

جنه فجر ؟

خلاص عيل .. صبحكم الله بالخير ..

طبعا ..أنا حالي حالكم .. نزول السوق سببلي إعياء نفسي ..و عقده عاطفيه .. و تذبذب أخلاقي .. و روعة فنية (هذي الأخيرة داشة عرض ..أدري) ..

شوفوا .. من ناحية فنية .. شلون أعرف إذا كان مؤشر التداول فعلا كسر دعم .. ولا الموضوع لا يتعدى كونه (Outliar) ..أو كسر كاذب ؟

و الله ..في المذهب الفني المتعصب .. و المتشدد .. يقولك لازم يكون تداول عنيف .. أو على الأقل ..الكميات ..تدل على ان فيه شي حاصل .. (إقبال قوي على البيع) .. أما موضوع انه المؤشر نزل تحت الدعم بشيئ بسيط ..

فالرد يكون ..

السوق أصلا مكون من آلاف المتداولين ..و أغلبهم مايدرون عن موضوع الدعم .. فبالتالي موضوع الدعم لا يتعدى كونه أمر نفسي ..و ليس رقم ثابت منحوت بالصخر ..(خاصة ان هذا سوق .. و ليس سهم له سعر مغري للشراء و البيع)

تدرون كمية الأخبار الي هلت .. و الكثير منها سلبي .. كان له تأثيره ..

لكن هل فعلا خبر المخازن بذيك بالسلبية ؟؟

هل تأثر المخازن بالخبر صعودا..حتى يتأثر "بتجميد" الخبر نزولا ؟

أنا بنظري المخازن سبب نزوله هو بداية كره الناس له .. و دائما الكره من بعد غرام و محبة ..يكون أشد أنواع الكره ..

الآن كرهنا المخازن .. و ربع المخازن .. طيب .. من وين نلقى "أسهم نخبة" غيرهم ؟

من وين لنا أسهم ماسية ..ذهبية ؟؟

همممم .. الأمر محير ..

و بما ان الحيره انوجدت .. فمن المؤكد إن طابع الحيرة سيظهر على التداول .. كون نفسيات المتداولين تحدد نمط التداول ..

و أقرب مثال .. منتدياتنا ..

الكثير من الأسئلة .. إما "نبيع المخازن و لا نمسك؟" .. و إما "كم السعر العادل للمخازن؟"..و إما "أبيع بيان و اللبنانية ..و شنو أشتري بدالهم يعوض خسارتي؟" ..

الحيرة .. مرسومة بريشة فيبوناتشي .. سوري .. أقصد دافينشي ..

و دافينشي يحب اللون الأخضر الغامق .. خلفية الموناليزا ذات الوجه الحسن (طل) ..

و أنا علي ماي الصحه الروضتين .. (..الكويتي أنفع)

مع اني أحلى من الموناليزا ..بس ما يصير كل شي علي .. لازم مشاركة الجميع..

و إذا باجر خون دافينشي .. و السوق مو خضر .. بقطها براس الجيماز ..الي توصياته كلها غلط .. فتضيع مع باجي أغلاطه السابقة و اللاحقة (غلوبل مو الجيماز) ..

بو مهدي .. مشكور حبيب قلبي على معادلة المؤشر .. أستاذ كبير ..

و الله أعلم ..

و الله يوفقكم جميعا من غير استثناء ..

بو فارس ..

 

[ربحت]

صديقى وعزيزى بوفارس

أسعد الله مساءك بكل ود وحب وخير وسؤدد وموده ومعزه (ونسيت شيقول بعد) ..!!!! بس أنا ماأقول الا الله يعينه على روحه ألى ببالى....!!!

المهم...ياحلوك يابوفارس وأنت متفائل

وتصدق خليتنى اتفائل وياك مع انى ماأفهم ( شخابيطك ) ورسماتك الى تحطها بس أنت شتقول...فأنت عدل

بالمناسبه....أذا السوق بيعاندك وينزل باجر خن قزرها ( شاتنك ) وياك وبسألك عرفتنى( أنا بعد ) يالذكى

 

[CHART TRADER]

الاخ بو فارس ..........


كلامك منطقي جدا


تحياتي لك

 

[بوحسن]

الي اعرفه ان التحليل الفني هو مؤشر وضع لدراسة سلوك المستثمرين بالبورصه ومحاولة لمعرفة سلوكهم الماضي والحاضر وثم المستقبلي

ويتميز المحلل المضبوط من عدمه بمعرفة تنبؤ المؤشر اين غدا سيتجه

ليس المفروض ان الاجابة تكون صحيحه دوما بالتنبؤ وليس المفروض ان
يكون النتبوؤ صحيح لواقع توجه المستثمر او اتجاه السوق

ولا ان الناس تعرف ماقصد بالدعم او المقاومه

المفروض المحلل الي يدري ابهل االامورر ليسهل عليه التنبؤ ..

مثل المحلل النفسي يعرف شنو الشخص الي جدامه شلون بيتصرف بعد ما يطلع من عنده ويتمشى بين المجتمع

ها الي اعرفه عن اصل المؤشرات الفنيه

 

[CHART TRADER]

ويتميز المحلل المضبوط من عدمه بمعرفة تنبؤ المؤشر اين غدا سيتجه

ليس المفروض ان الاجابة تكون صحيحه دوما بالتنبؤ وليس المفروض ان
يكون النتبوؤ صحيح لواقع توجه المستثمر او اتجاه السوق

الاخ العزيز ..........


هناك مقوله معروفه في مانهاتن


لا أحد يستطيع ان يقول لك ماذا سيحصل في السوق غدا


التحليل الفني هو احتمالات لحركة السهم صعودا ونزولا

والسوق يوم الاربعاء الماضي أعطى اشارة دخول لكن الخبر السيء


الذي ظهر يوم الجمعه على ما اظن للمخازن غير حركة السوق



تحياتي لك ............

 

[garmin]

السلام عليكم .. و مساكم الله بالخير ..

جنه فجر ؟

خلاص عيل .. صبحكم الله بالخير ..

طبعا ..أنا حالي حالكم .. نزول السوق سببلي إعياء نفسي ..و عقده عاطفيه .. و تذبذب أخلاقي .. و روعة فنية (هذي الأخيرة داشة عرض ..أدري) ..

شوفوا .. من ناحية فنية .. شلون أعرف إذا كان مؤشر التداول فعلا كسر دعم .. ولا الموضوع لا يتعدى كونه (Outliar) ..أو كسر كاذب ؟

و الله ..في المذهب الفني المتعصب .. و المتشدد .. يقولك لازم يكون تداول عنيف .. أو على الأقل ..الكميات ..تدل على ان فيه شي حاصل .. (إقبال قوي على البيع) .. أما موضوع انه المؤشر نزل تحت الدعم بشيئ بسيط ..

فالرد يكون ..

السوق أصلا مكون من آلاف المتداولين ..و أغلبهم مايدرون عن موضوع الدعم .. فبالتالي موضوع الدعم لا يتعدى كونه أمر نفسي ..و ليس رقم ثابت منحوت بالصخر ..(خاصة ان هذا سوق .. و ليس سهم له سعر مغري للشراء و البيع)

تدرون كمية الأخبار الي هلت .. و الكثير منها سلبي .. كان له تأثيره ..

لكن هل فعلا خبر المخازن بذيك بالسلبية ؟؟

هل تأثر المخازن بالخبر صعودا..حتى يتأثر "بتجميد" الخبر نزولا ؟

أنا بنظري المخازن سبب نزوله هو بداية كره الناس له .. و دائما الكره من بعد غرام و محبة ..يكون أشد أنواع الكره ..

الآن كرهنا المخازن .. و ربع المخازن .. طيب .. من وين نلقى "أسهم نخبة" غيرهم ؟

من وين لنا أسهم ماسية ..ذهبية ؟؟

همممم .. الأمر محير ..

و بما ان الحيره انوجدت .. فمن المؤكد إن طابع الحيرة سيظهر على التداول .. كون نفسيات المتداولين تحدد نمط التداول ..

و أقرب مثال .. منتدياتنا ..

الكثير من الأسئلة .. إما "نبيع المخازن و لا نمسك؟" .. و إما "كم السعر العادل للمخازن؟"..و إما "أبيع بيان و اللبنانية ..و شنو أشتري بدالهم يعوض خسارتي؟" ..

الحيرة .. مرسومة بريشة فيبوناتشي .. سوري .. أقصد دافينشي ..

و دافينشي يحب اللون الأخضر الغامق .. خلفية الموناليزا ذات الوجه الحسن (طل) ..

و أنا علي ماي الصحه الروضتين .. (..الكويتي أنفع)

مع اني أحلى من الموناليزا ..بس ما يصير كل شي علي .. لازم مشاركة الجميع..

و إذا باجر خون دافينشي .. و السوق مو خضر .. بقطها براس الجيماز ..الي توصياته كلها غلط .. فتضيع مع باجي أغلاطه السابقة و اللاحقة (غلوبل مو الجيماز) ..

بو مهدي .. مشكور حبيب قلبي على معادلة المؤشر .. أستاذ كبير ..

و الله أعلم ..

و الله يوفقكم جميعا من غير استثناء ..

بو فارس ..

و إذا باجر خون دافينشي .. و السوق مو خضر .. بقطها براس الجيماز ..الي توصياته كلها غلط .. فتضيع مع باجي أغلاطه السابقة و اللاحقة (غلوبل مو الجيماز) ..

مشكله هالناس إن راضيتهم عادوك... وإن عاديتهم طلبوا رضاك ..
ياخوي تراني احبك ..وتسقط حقوق المراه السياسيه ..علشان ماتقدر تفرقنه .اللي في بالي ...
إنزين الجيماز يشير ويخربط ..وخرابيطكم موراضيه تضبط ..ماتقولي الغلط وين في الجيماز والا التحاليل والا في سوق المقاصيص ..
هونها يابوفارس وتهون ..
أخوك بوفواز

 

[فيرسون]

إنزين الجيماز يشير ويخربط ..وخرابيطكم موراضيه تضبط ..ماتقولي الغلط وين في الجيماز والا التحاليل والا في سوق المقاصيص ..

ما يبيله كلام .. الغلط في الجيماز ..

انت بكبرك غلط بغلط .. بس ياخي نحبك موت ..

لاكن يا حبذا لو تكتشف معانا روعة الفنايل و الشورتات .. ..و تتذوق لذة طعم التحليل ..المخلوط بالكوكي ديلاتو .. لا سيما أن الموكا فريسكاتو عليه طق مطاقق ..لأن كوستا مارينا زحمة ..(تركب لا سيما ؟ ..ولا جنه مو راكبه ..لازم نسأل فيها إعلامي)

و إن شاء الله تهون يا بو فويز ..

خويِّك

بو فروس ..

 

[ابن صفير]

السلام عليكم

ابو الفوارس الاخ الحربي..
طلب بسيط اذا ممكن تحليل فني او اساسي لمركز سلطان..
نبي الدعم القادم بعد كسر الدعم السابق 1.600
بصراحه ودي ادش على مركز سلطان
والله يعطيكم العافيه

 

[اعلامي]

ما يبيله كلام .. الغلط في الجيماز ..

انت بكبرك غلط بغلط .. بس ياخي نحبك موت ..

لاكن يا حبذا لو تكتشف معانا روعة الفنايل و الشورتات .. ..و تتذوق لذة طعم التحليل ..المخلوط بالكوكي ديلاتو .. لا سيما أن الموكا فريسكاتو عليه طق مطاقق ..لأن كوستا مارينا زحمة ..(تركب لا سيما ؟ ..ولا جنه مو راكبه ..لازم نسأل فيها إعلامي)

و إن شاء الله تهون يا بو فويز ..

خويِّك

بو فروس ..

يا معود اي كوكي ديلاتو .. اي روبي جيلاتي .. ترى الكوكي امس شربته بالغصب جني شارب مريس .. وحيثما كان بوفواز لاهي بالمحادثة الهاتفية يمينا .. وقلاص الكوكي دلاتو شمالا .. وبما ان لاحق سراب طلع سيفه من غمده واعلن على الملأ ( الأهلي ) يا ناس في هالوقت حديد .. ولما كنا قد تعودنا التنقل بين ردهات ( كوستا جالريا ) وساحات سكاندكاب المارينا .. فاعتقد جازما بأن كوستا حيثما كان افضل المقاهي لتذوق اشهى المشروبات .. بيد ان مشروب ( الموكا فريسكاتو المطعم بالكاراميل ) هو الافضل على الاطلاق بين المشاريب

بو فارس .. جني اشوف بيد ان اوقع من لا سيما ... ولا اشرايك بو فواز ؟؟ اين مطرقتك ؟؟

 

[فيرسون]

شوفوا مطرقتي ..و قولوا رايكم ..

السلام عليكم ..و صباخ خير عليكم جميعا ..

أولا أحب أقول أكرمك الله يا بو خليفة (آز يو لايك) ..على البادرة الطيبة ..و فرصة سعيدة شوفة جميع الأخوة الحبايب ..

أنا اليوم قلت ان غدا بإذن الله السوق يغير مساره.. و ان القاضي طق بالمطرقة ..و أنهى جلسة النزول ..

تقولون الدليل ..

أقولكم التحليل ..

تردون علي مستحيل ..

أرد عليكم ماله ..مثيل

أولا ..كلمة المؤشر الأسبوعي على التيكر شارت ..

السوق لا طالما احترم خط القناة المكسور سابقا و تحوله لخط تريند (دعم) ..(الخط الأزرق) .. و لو تلاحظون بأن السوق في المرتين الي نزل فيهم خلال الشهرين الماضيين .. كان خط الدعم هذا أفضل دفاع .. و حاليا الخط تقريبا عند 8500 (الخط الأخضر المتقطع)

فبالتالي أنا أقول ان هالمرة الخط راح يلعب لعبته كالعادة.. و يصير خوش خط ..و يردع السوق ..و يوقف نزوله ..

مؤشر القوة النسبية (rsi) ..باين انه سيرتد من قيمة مقاربة لنقاط ارتداد سابقة ..(بالقرب من 60)..

التداول ضعيف .. و الرغبة في البيع ضعيفة ..و النزول بارد .. و أغلب الأسعار رخيصة .. و الأرباح طيبة ..

و التحليل يقول السوق جايز يوقف ..

ليش لأ ؟

خلصنا من التيكر شارت ؟؟ ..

يتبع الميتاستوك ..

 

[garmin]

يا معود اي كوكي ديلاتو .. اي روبي جيلاتي .. ترى الكوكي امس شربته بالغصب جني شارب مريس .. وحيثما كان بوفواز لاهي بالمحادثة الهاتفية يمينا .. وقلاص الكوكي دلاتو شمالا .. وبما ان لاحق سراب طلع سيفه من غمده واعلن على الملأ ( الأهلي ) يا ناس في هالوقت حديد .. ولما كنا قد تعودنا التنقل بين ردهات ( كوستا جالريا ) وساحات سكاندكاب المارينا .. فاعتقد جازما بأن كوستا حيثما كان افضل المقاهي لتذوق اشهى المشروبات .. بيد ان مشروب ( الموكا فريسكاتو المطعم بالكاراميل ) هو الافضل على الاطلاق بين المشاريب

بو فارس .. جني اشوف بيد ان اوقع من لا سيما ... ولا اشرايك بو فواز ؟؟ اين مطرقتك ؟؟

مطرقتي معروفه من زمان من شويخ ب ..بالقرب من ديوانية الجناعات ..
المهم ليش ماتيوز ..يصير خير

 

[garmin]

السلام عليكم ..و صباخ خير عليكم جميعا ..

أولا أحب أقول أكرمك الله يا بو خليفة (آز يو لايك) ..على البادرة الطيبة ..و فرصة سعيدة شوفة جميع الأخوة الحبايب ..

أنا اليوم قلت ان غدا بإذن الله السوق يغير مساره.. و ان القاضي طق بالمطرقة ..و أنهى جلسة النزول ..

تقولون الدليل ..

أقولكم التحليل ..

تردون علي مستحيل ..

أرد عليكم ماله ..مثيل

أولا ..كلمة المؤشر الأسبوعي على التيكر شارت ..

السوق لا طالما احترم خط القناة المكسور سابقا و تحوله لخط تريند (دعم) ..(الخط الأزرق) .. و لو تلاحظون بأن السوق في المرتين الي نزل فيهم خلال الشهرين الماضيين .. كان خط الدعم هذا أفضل دفاع .. و حاليا الخط تقريبا عند 8500 (الخط الأخضر المتقطع)

فبالتالي أنا أقول ان هالمرة الخط راح يلعب لعبته كالعادة.. و يصير خوش خط ..و يردع السوق ..و يوقف نزوله ..

مؤشر القوة النسبية (rsi) ..باين انه سيرتد من قيمة مقاربة لنقاط ارتداد سابقة ..(بالقرب من 60)..

التداول ضعيف .. و الرغبة في البيع ضعيفة ..و النزول بارد .. و أغلب الأسعار رخيصة .. و الأرباح طيبة ..

و التحليل يقول السوق جايز يوقف ..

ليش لأ ؟

خلصنا من التيكر شارت ؟؟ ..

يتبع الميتاستوك ..

ياحبيب اخوك ...شخابيطك اليوم احسن من امس اليوم الوانها احلى ...الله كريم

دكتور فناييلي