الخطوط الوطنية الكويتية ش.م .ك ( خطوط وطنية ) ....2

[الـــحسيني]

كلن يعني على ليلاه

هههههههههههههههههههههههه

 

[mr_scholes]

السلام عليكم يالحسيني
شلونك عساك طيب
شرايك بالسهم اليوم و شنو توقعاتك انشاءالله

 

[تمويل بطيخ]

هاهاهاهاها
انا متفائل والقادم أجمل
الوعد 3 دنانير و600 فلس راح تشوفونها الاسبوع القادم وراح تتحسفون على هالاسعار
تفائلو القادم أجمل

 

[(طموح وقنوع)]

السلام عليكم ورحمة الله وبركاته

متوقع الارتداد في الغد

وقف خساره إقفال اقل من 38 فلس

هدفنا في حال الارتداد ان شاء الله 50 فلس

والله اعلم​

بارك الله فيك
اخونا العبدلي لديه نفس التوقع

جزاك الله واياه خير

 

[بو راشد القرش]

بارك الله فيك
اخونا العبدلي لديه نفس التوقع

جزاك الله واياه خير

الله يبارك فيك بالفعل هذا التحليل هو للاستاذ الكبير العبدلي

الله يجزاه خير الجزاء

تم نقله للمنتدى بعد الاستئثان منه

له ولك جزيل الشكر اخوي طموح وقنوع​

 

[rofsh]

مساكم الله بالخير جميعاً وكيف احوالكم بعد التداول *

 

[مليون دينار]

ارتداد وهمي لتصريف السهم

نجحو في تصريف 3 مليون سهم

ملاك السهم ما صدقو يرجع السهم للتداول البيع بخسارة بالنسبة لهم ربح

المثل يقول عصفور باليد خير من 10 على الشجرة

 

[rofsh]

ملاك السهم ما صدقو يرجع السهم للتداول البيع بخسارة بالنسبة لهم ربح

المثل يقول عصفور باليد خير من 10 على الشجرة

مساء الخير اخوي ما اعتقد انة الملاك بهل غباء ولاتنسي ان الملاك قاطين مبالغ لو نفرض انة مكتتبين معنا 105 فلوس واليوم السهم بجم

 

[مليون دينار]

مساء الخير اخوي ما اعتقد انة الملاك بهل غباء ولاتنسي ان الملاك قاطين مبالغ لو نفرض انة مكتتبين معنا 105 فلوس واليوم السهم بجم

تقصد ملاك غلف انفست والشبكة والدولية للاجارة وابراج والمجموعة الدولية و52 شركة اسعارهم تحت 50 فلس هم الأغبياء لأنهم مكتتبين بسعر فوق 100 فلس

 

[mr_scholes]

يا جماعه الحين شنو قاعد يصير
اللي قاعد يبيعون الكبار ولا الصغار؟؟؟
يعني نبيع ولا شنو؟

 

[debtor]

الله أعلم الارتداد باجر

 

[rofsh]

تقصد ملاك غلف انفست والشبكة والدولية للاجارة وابراج والمجموعة الدولية و52 شركة اسعارهم تحت 50 فلس هم الأغبياء لأنهم مكتتبين بسعر فوق 100 فلس

لا انت عارف اني قاعد اتكلم عن الوطنية وقاعد اتكلم عن كبار الملاك تقدر اتقولي شكثر يملكون؟؟ وشكثر دافعين ؟ وانا ادري انه ماعندك الجواب روح برج احمد واطلب انك تطلع علي سجل المساهمين وراح اتشوف جم الكميات والنسب ، وبخصوص الشركات الي ذكرتها انت عارف وانا عارف شنو هل شركات وشنو المراحل الي مرت فيها صح وثاني شي اذي وصل سعر السهم اقل من سعر الاكتتاب شفيها هذا سوق عرض وطلب واله انا غلطان

 

[mr_scholes]

اي ارتداد؟؟
الشركة بتعلن افلاسها و فلوسنا بتروح و متوقعين ان السهم يطلع؟؟
مافي اي بوادر اتدل على ذالك

 

[debtor]

يا بن الحلال ما في افلاس ولا شي

يبون يزيدون راس المال 15 مليون دينار بقيمة الخسارة

صدقني ما في افلاس

 

[تمويل بطيخ]

هانت مابقا شي على الدعم الحديدي 0 فلس
صراحه انا متفائل والقادم أجمل

 

[bo-ja]

من الصعب اعادة تشغيل الشركة لعدة اسباب اولا تأخير خصخصة الكويتية كانت بمثابة الضربة الموجعة للشركة ثانيا وجود منافسة مع الجزيرة والشركات الاخري ثالثا تفنيش المواظفين والكوادر الفنية رابعا عدم الشفافية خامسا توقفت السياحة في معظم الدول العربية سادسا ارتفاع اسعار الوقود فأعادة الشركة تحتاج الي اموال اكثر من راس المال والله اعلم

 

[المؤشر67]

هانت مابقا شي على الدعم الحديدي 0 فلس
صراحه انا متفائل والقادم أجمل

الله يعين ويعوض ملاكه كل خير

 

[mr_scholes]

شنو توقعاتكم المستقبلة
، بحال افلاس الشركة مع كل هالديون جم بحوشنه تعويض؟؟؟
البيع صعب حاليا لان مافي اوامر شراء و الاهم اني شاري السهم على ١٠٨، ١٠٢ و ٩٥ و ابيع على ٣٠!! حرام

 

[debtor]

خيبت آمالنا في الارتداد

مع انها أحسن من غيرها وايد

قيمتها الدفترية 64 فلس

تمتلك النسبة الأكبر في يوباك

نشوف الاسبوع الياي....ان شاء الله خير

 

[yoashkanani]

اي قرار احمق هذا !! عودة التداول في سوق الاوراق بدم بارد بدون إعادة تقييم مجلس الإدارة ومحاسبتة وتغييرة أو حتى على الأقل إعادة تشغيل الطائرات المتبقية ونحن في اوج موسم السفر ؟؟
فشل وضحك على الذقون من قبل الشركة وتراخي وغض البصر من قبل ادارة السوق والمتنفذين !!

ضعف في ادراك ووعي المستثمرين وتقصيرهم في محاسبة الشركة يفتح المجال اكثر للمثل القائل .. المال السايب يعلم السرقة !!!

ووسائل اعلام غير مكترثة ولا تقوم بتسليط الضوء على حماقات ادارة تلك الشركة

وومحللين ماليين مغرر بهم ما يدرون شالطبخة وفضلوا دفن رؤوسهم بالرمال وعدم القيام بواجبهم المهني تجاه تصرف مجلس ادارة الشركة ...

طفح الكيل ... الى متى هذا حال اقتصادنا وقوانينها الركيكه التي دائما تخشى محاسبة هذي الشركات التي تقوم بخرق كل مبادئ الاقتصاد والإستثمار السليم !!!