ليش الشركه مافيها ملكيات معلنه وعلى اى اساس موزعين الجماعه الكراسى على مجلس الاداره وكل شركه وحاطه ممثل لها بالمجلس
الى متى ياسوق الكويت هذا اللعب
هل سيناريو تمويل خليجى راح يتكرر بهالشركه
الشركه من نزلت السوق وهى فى مسار هابط وتصحيح
الملاك يقدرون يدعمون السهم ويسوون زيادة راس المال على حسابهم نفس ماسوا قروب المدينه وخلى شركة صرح المدينه تكتتب بسهم المدينه ب 190 فلس زيادة راس مال وكان وقتها السهم يتداول ب40 فلس فكان انقاذ شركه على حساب شركه زميله ليش مايسون المثل وشركاتهم اللى يملكونها يكتتبون بزيادة راس المال بدون مايورطون المساهمين ونخلص من هالموال
-------------------------------------------------------------------------------------------------
وهذا اقتباس من احد المشاركات بصفحة الشركه للاخ بسام الغربللى
الأخوة المساهمين
هل تعلمون انه تم شراء شركة اسمها upac من اصل رأس المال ال 50 مليون دينار واللي اهي فلوسكم وإن قيمة هاذي الشركة اللي شروها هو 37 مليون دينار .. وهذا برأي سبب في عجز الشركة علي الصمود لأن مبلغ مثل هذا كان ممكن يساعد في تعديل اوضاعها في ظل الخسارة اللي حصلت والتي تقدر ب 17 مليون دينار.
اتمني ان احد الحاضرين باجتماع الجمعية العمومية يسأل هالسؤال ويسمع الرد منهم
حسبنا الله ونعم الوكيل
-----------------------------------------------------------------------------------------------------------
الحين اعتقدر جاء الدور على هالشركه انها ترد الجميل وتكتتب بزيادة راس المال ومانبيها تشترى ب730 نفس ماسوت الخطوط الوطنيه لا خلها تكتتب بزياد راس المال وعلاوة اصدار 100 فلس يعنى م200 فلس للسهم وبهالحاله تسير الشركه امورها ويكون عندها ربح من علاوة الاصدار سهل العمليه بس يبيلها الاشركه تنتعش والشركه الللى مكتتبه بالمقابل ممكن تحصل ربح او تسترد اللى دفعته
اتمنى مجلس الاداره يسمعونى ويطبقونه بس اهم شى يطبقونه قبل لايعصرون صغار المساهمين وياخذون اسهمهم برخص التراب ترى فى الدنيا حساب والاخره حساب اشد واقسى
عسى الله يكون بالعون والبورصه مصره على تداول السهم معى انه منهار ودمر الناس معاه
ولو يصعد ثلاث تعليقات يوقفونه ويستفسرون ليش السهم صاعد
مشكله مزاجية ادارة البورصه
" لاإله إلا الله العظيم الحليم ، لاإله إلا الله رب العرش العظيم ، لاإله إلا الله رب السموات ورب العرش الكريم ". ( متفق عليه ) قال صلى الله عليه وسلم دعاء المكروب :" اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت ". " الله ، الله ربي لاأشرك به شيئاً " صحيح ( صحيح سنن ابن ماجه(959/3) قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين - لم يدع بها رجل مسلم في شئ قط إلا استجاب الله له ". صحيح (صحيح الترمذي 168/3)
ادرى طواله الموضوع لاكن عشان اجمع كل شى يفكر فيه المساهم البسيط اللى كان يقبل بربح بسيط والحين مايبى الا السلامه ويبى يسلم على خساره بسيطه