توصيات ضيف

[متداولجي]

بوفواز شلونك يالحبيب
المركز المالي يقولون ارباحه ماتزيد عن 50 فلس بالنص الاول يقوووولووووووون
شرايك بالسهم على المدي القصير المستعجل السريع ؟
توصي فيه علما بان سعر اليوم 510 فلس لاغير
ناخذه السبت ؟
قرقت عليك صح ؟
اخر سوال
جم تتوقع يوصل بالمدى القريب ؟
ولك جزيل الشكر

 

[boalons]

الاخ Champion

ما اعتقد ان فيها شي اذا الربع تغشمروا مع بعض

 

[Champion]

الأخ boalons
وما أعتقد فيها شي اذا الواحد قال رايه

 

[garmin]

الاخ بوفواز.... صبحك الله بالخير
سؤال بعد اذنك :-
يشاع بأن بيان باعت ملكيتها في المخازن وشرت في الهواتف المتنقله و الأستثمارات
صج هذا الخبر ولا...........؟
اخوك الصغير بوحمد

صباح ومساء الخير ...انت قلت إشاعه ..ماسمعت والله ..
الله يوفقك يارب
اخوك بوفواز

 

[garmin]

بوفواز شلونك يالحبيب
المركز المالي يقولون ارباحه ماتزيد عن 50 فلس بالنص الاول يقوووولووووووون
شرايك بالسهم على المدي القصير المستعجل السريع ؟
توصي فيه علما بان سعر اليوم 510 فلس لاغير
ناخذه السبت ؟
قرقت عليك صح ؟
اخر سوال
جم تتوقع يوصل بالمدى القريب ؟
ولك جزيل الشكر

المركز على المدى القريب غير واضح وخاصه بعد العروض اللي شفناها امس ومالها تفسير ..لكن على المدى المتوسط بإذن الله ممتاز ..
ولغاية يوم السبت ...يحلها الف حلال خل نتقى أخباره ...
اخوك بوفواز

 

[قربان]

بوفوازز جووه .... ادري امس نسيتنا مع المعمعه الي صارت و ما تنلام والله .. اليوم احترت مع المجموعه د ...بغيت اصرفها بخساره بسيطه ...بس ترددت مادري ليش ... ستنصح اخوك يسويي فيها علي الاسبوع الياي ؟؟

خذيت وطنيه اليو م علي 1360 و ناوي ابيعها علي 1460 ... زين والا اصبر عليها جم حبه اكثر ؟؟ ...وسلمتم للكويت و شعب البورصه الضايع ... بين منطقت المنطق و للا منطق ....(مادري شلون ركبت )

أخووك بو ادم

 

[garmin]

بوفوازز جووه .... ادري امس نسيتنا مع المعمعه الي صارت و ما تنلام والله .. اليوم احترت مع المجموعه د ...بغيت اصرفها بخساره بسيطه ...بس ترددت مادري ليش ... ستنصح اخوك يسويي فيها علي الاسبوع الياي ؟؟

خذيت وطنيه اليو م علي 1360 و ناوي ابيعها علي 1460 ... زين والا اصبر عليها جم حبه اكثر ؟؟ ...وسلمتم للكويت و شعب البورصه الضايع ... بين منطقت المنطق و للا منطق ....(مادري شلون ركبت )

أخووك بو ادم

لاتزال متماسكه ...اعتقد حتى أعلان الربع الاول ..إذا كان سلبي ستتراجع ولكن سيكون لها قفزه سعريه قادمه ...والامر متروك لك ...إحنه توقعنه أرباحها حسب ماوصلنه بين ال20 وال 28 فلس ..والله اعلم ..
بالنسبه للوطنيه العقاريه اتمنى من احد إخوانه المحللين إعطانه شارت للوطنيه حتى نعرف مقاومتها بعد هذا الصعود ..حتى يمكن لنا تحديد الهدف القادم ..
الله يوفقك وسامحني على أمس ..
أخوك بوفواز

 

[قربان]

تسلم يداك ...و Have nice weekend big brother

 

[garmin]

تسلم يداك ...و Have nice weekend big brother

لا حبيبي آنا اخوك لصغير مو علينه هالسوالف

وإنشاء الله على الجميع ...ولاتنسون ..زيارة الوالد والوالده بهذه العطله ...اللي مايمرهم كل يوم ...على الأقل نهاية الإسبوع ماله عذر ..

اخوكم بوفواز

 

[بوعيد]

مساك الله بالخير

اخوي العزيز بو فواز عسى الله لايحرمنا من طلتك ...اتمنى تكون بخير وصحه وعافيه
اولا: شفت المواضيع اللي تكتبها ( الكيبلات - امريكانا ) بس الغريبه التداول على هالاسهم جدا ضعيف وتمر ايام ماكو تداول !!
ثانيا : سمعت ان لك مصادر عن الكويتيه للتمويل (ك للتمويل ) وقريت لك مره توصيه لاحد الاشخصا ياخذها قبل تعلن ارباحها ؟؟ فأبي منك تعليق على هالسهم ..مانبي تحليل وشورتات وفنايل نبي خبرتك ونظرتك للسهم ؟؟
ثالثا : ولو ان الكلام معاك عن السوق ماينمل صراحه في اسهم رخيصه على قولتهم وفي اسهم ديناريه وانا اهتمامي بقطاع الاستثمار ياليت تركز لنا على سهم من هالقطاع مرشح يكون ديناري خلال الفترات القادمه ؟؟

 

[garmin]

اخوي العزيز بو فواز عسى الله لايحرمنا من طلتك ...اتمنى تكون بخير وصحه وعافيه
اولا: شفت المواضيع اللي تكتبها ( الكيبلات - امريكانا ) بس الغريبه التداول على هالاسهم جدا ضعيف وتمر ايام ماكو تداول !!
ثانيا : سمعت ان لك مصادر عن الكويتيه للتمويل (ك للتمويل ) وقريت لك مره توصيه لاحد الاشخصا ياخذها قبل تعلن ارباحها ؟؟ فأبي منك تعليق على هالسهم ..مانبي تحليل وشورتات وفنايل نبي خبرتك ونظرتك للسهم ؟؟
ثالثا : ولو ان الكلام معاك عن السوق ماينمل صراحه في اسهم رخيصه على قولتهم وفي اسهم ديناريه وانا اهتمامي بقطاع الاستثمار ياليت تركز لنا على سهم من هالقطاع مرشح يكون ديناري خلال الفترات القادمه ؟؟

مساك الله بالخير بوعيد .الكيبلات ..وأمريكانا ..والسكب ..والإغذيه من الأسهم الإستثماريه الثقيله ..جدا ..ومعدل دورانها ضعيف لكن العائد عليها جدا ممتاز ..وأفضل من المضاربه مليون مره ..ولازم خلال هذه الفتره يكون لك في أي منهم ..وانت شايف والفضل لله وحده ...النقل عليها تداول امس واليوم ..وامريكانا إنت شفت اليوم ..آنا ماني ساحر لكن هذا توقيتهم كل سنه ..وحبيت أذكركم فيهم ..
الكويتيه للتمويل ..
يبه حط الكويتيه للتمويل بعيونك ترى ماتلقى من يضمك لو ضاق صدرك وضاقت همومك ..
بإذن الله هذه الشركه نهاية السنه فوق الدينار بإذن الله
أسهم إستثماريه ..ديناريه بالمستقبل ....
خرسانه
الكويتيه للتمويل
اسمنت الخليج
شعاع
الشارقه ..تبي صبر ..اكثر منهم ..
تمويل خليج
ما أبي اكثر ..عليك ..
أخوك بوفواز

 

[basmman]

حبيبي بو فواز

مساكه لله بالخير أخوي بوفواز
أنا واحد من الربع وصاني على أوصول وقالي اشتر وبيع ابربح 200 فلس يعني راح توصل فوق 500 فلس.....بوفواز اشرايك ؟ وخاصة مع اعلان أرباح الشركة النصف سنوية.....ودي و مشتهي أربح دبل مرة وحدة ابحياتي.....وبعدها بشتري بلوك كامل.......بس وين؟........بعدين أقوليك وين

مشكور مقدما وعسى الله يكثر من أمثالك ويعطيك من خيره....قول أمين

 

[garmin]

مساكه لله بالخير أخوي بوفواز
أنا واحد من الربع وصاني على أوصول وقالي اشتر وبيع ابربح 200 فلس يعني راح توصل فوق 500 فلس.....بوفواز اشرايك ؟ وخاصة مع اعلان أرباح الشركة النصف سنوية.....ودي و مشتهي أربح دبل مرة وحدة ابحياتي.....وبعدها بشتري بلوك كامل.......بس وين؟........بعدين أقوليك وين

مشكور مقدما وعسى الله يكثر من أمثالك ويعطيك من خيره....قول أمين

أصول ..دبل مع إعلان الربع الثاني .. والله أشوفها صعبه الا إذا الارباح قياسيه الى درجة ..لا والله صعبه ..لكن كل شي جايز في سوق الكويت للاوراق الماليه ..
لكن سهم آنا قلت عنه من زمان لازم يكون في محفظتك سهم أصول للمستقبل.
خاصه في ظل زيادة أصولها العقاريه ..وهذا يزيد الشركه دعم ..
حط عينك على إسكان ..
وإذا شريت بلوك ..أبي 500 متر زاويه بس عاد راعني بالسعر ....
يارب يا كريم ..تربحه ..آمين
أخوك بوفواز

 

[goodluck]

مساك الله بالخير بوفواز شرايك بأعيان أنبرد ولا انحش

 

[عجبي عجب]

ماطلع من يزاك يابوفواز

الله يرزقنا معاك

لوتمرنا الديوانية والله ذبحيه ماعشتك

تدل سلوى او شارع الدمنه بالسالميه

ترانا بننطرك

 

[DNANEER]

احتاج رايك بوفوااااااااز

لو سمحت باابو فواز اشريك بسهم الاولى شاريه على 475 وسهم المجموعه الدوليه ابى نصيحتك
وقواك الله

 

[garmin]

مساك الله بالخير بوفواز شرايك بأعيان أنبرد ولا انحش

الله يعلم بان كلامي لك هذا صحيح ..اليوم طلع من السهم احد كبار المضاربين من هذا السهم ..هل يستمر في الصعود..أو يريح ...الله أعلم ..لكن بسألك وينك مابردت يوم كان نازل ..ليش لما صعد صعده قويه فكرت تبرد ؟.
والله إذا الخساره قليله مايمنع ..وياريت احد الإخوان يعطينه التحليل لشركة اعيان في موضوع اعيان الأصلي حتى تتضح الرؤيه أكثر
الله يوفقك يارب

 

[garmin]

ماطلع من يزاك يابوفواز

الله يرزقنا معاك

لوتمرنا الديوانية والله ذبحيه ماعشتك

تدل سلوى او شارع الدمنه بالسالميه

ترانا بننطرك

الله يوفقك يارب
وآنا حاضر ولوهوحاشي ماعشاك .. تدل شارع التعاون ..آنا ناطرك هناك ..

الله يوفقك يارب مره ثانيه ..وأسمع وأشوف الاخبار الطيبه
اخوك بوفواز

 

[garmin]

لو سمحت باابو فواز اشريك بسهم الاولى شاريه على 475 وسهم المجموعه الدوليه ابى نصيحتك
وقواك الله

نطريه يلامس ال500 وفكري ..تبيعين والا تنطرين عليها إشويه بعد ..
المجموعه لو تنزل راح تكمل المشوار بإذن الله التوصيه زينه عليها من غير شورتات ولافنايل ..
والامر متروك لج
بوفواز

 

[بورصاوي]

يالجيماز شلونك
واعلن المركز عن ارباحه 47 فلس
بس ضاق خلقي لانه الناس متوقعه اكثر من جذي
توقعاتك للسهم يمسك نفسه ولو ننطر عليه منيه لي شهر 10
ينزل عن ال500 ولا لأ