عاجل ...... فتح البدل وشروط جديده ..... اخبار طيبه وسيئه !!

[Fire MaN-]

يا اخوان 000 انا والله ادرى انه قرار غريب ومتناقض وفيه ظلم كبير لكثير من الناس !!

الناس اللى بدلوا بالالاف ومن غير مبالغه !!!!! انا والله لما بلغونى قلت احط الخبر عل وعسى يقراه

شخص وينطر قبل ما يدفع حلاله !!! لعلى اخذ الاجر من الله سبحانه وتعالى 000

عموما اانا اايد كلام اخوى الغالى ابو على لازم يكون فى تحرك وايضاح الامر والايضاح ان هناك

الاف المواطنين قاموا بالبدل عن طريق المحامى لحين فتح البدل رسميا 000

وابشروا بالخير 000 تفائلوا وان شاء الله فى لها حل 000والله يوفق الجميع 00

 

[قناص]

يا جماعه سمعت ان البدل في جابر قطاع ب والف رسمي ومصرح فيه
صحيح هالخبر ؟

 

[q8loving]

حنا متفائلين ان شاء الله والقرارات نعدلها غصب والا طيب
والدولة مو فوضى عشان الوزير يحط قرار اعتباطي ومزاجي مثل هذا ليس له صفة شعبية ولايرضي طموحات المواطنين ..وطموحات المواطنين اذانا فيها احمد الفهد
القرار ماله اساس ولايحقق اي مصلحة لطالبي الخدمة الاسكانية او لوزارة الاسكان

 

[kwto_o]

والله ظلم انجبرنا ناخذ في منطقه معينه على امل نبدل والحين شنسوي لا حول ولا قوة الا بالله

 

[(ابوفواز)]

الحين هذا. القرار ينطبق على فهد الاحمد ووسعد العبدالله مع طلب ولا بس المناطق المذكوره اعلاه

 

[maax1]

هذى بدايه تفائلو خير القصد يخلصون من موجه البدل الداخلى
وبعدها يفتحون البدل الخارجى طبيعى يا اخوان القرارات تجى بتدريج الامر ماشى بشكل الصحيح
ليش التشاؤم كثير مبدلين وناطرين فتح التحويل الخارجى
وهلقرار مو مذكور فيه انه نهائى
حاله حال القرارات الى تنزل بتسلسل تطمنو شباب
اتوقع شهر او شهرين يخلصون منهم بعدها يفتح الخارجى

 

[صقر3]

القرار الميت قبل تنفيذ !!!!!!!!!!

 

[الرسته جوكى]

شباب يعني اذا عندي طلب سنه 2000

ماقدر ابدل بجابر

لازم طلبي يكون 96

 

[I T C]

انا بعرف شغله صاحب هذا القرار معتوه او مجنون او مو صاحي يعني انا عندي طلب 93 وابي القيروان اكيد بدش القرعه واخذ فيها او عندي طلب 96 وابي سعد العبدالله اكيد بدش القرعه وما احتاج اني ابدل ... يعني هالقرار حق الناس اللي وصلهم الدور بمنطقه وما اخذوا فيها وبعدين تندم انه ما اخذ . قرااار معتوه

 

[I T C]

تم قبل قليل توقيع واعتماد البدل رسميا

وتنفيذه اعتبارا من غدا الاربعاء 000

ولكن بشروط جديده 000

1_البدل فى نفس المنطقه فقط __ يعنى تبدل من منطقه الى نفس

المنطقه ((كلن فى منطقته ))ويسمى _ بدل داخلى _

بالنسبه للبدل بطلب اسكانى مع ارض كالتالى :


2_ البدل فى شمال غرب الصليبيخات والقيروان مفتوح لغاية شهر 9 _ 93

3 _ البدل فى جابر الاحمد لغاية شهر 12_ 96

4 _ البدل فى صباح الاحمد لغاية شهر 6 _ 2003

(( بدل من ارض فى منطقه الى ارض فى منطقه اخرى مايجوز )) وكان الله فى عون الكل _ ادرى انه خبر

يصيق الخلق والصدر لكن هذا اللى حصل والقرار اللى اتخذوه قبل ساعتين 00

اخوي اعتقد ان المناطق اللي ذكرتها هي القسايم اللي على المخطط فقط وليس الارض التي تسلمت فعلي.

 

[الرسته جوكى]

كتب عبدالله الشمري:
أصدر نائب رئيس مجلس الوزراء للشؤون الاقتصادية ووزير الدولة لشؤون التنمية والاسكان الشيخ أحمد الفهد الصباح قرارا وزاريا أمس أجاز فيه تبادل القسائم السكنية بين المواطنين في نفس المنطقة المخصص لهم لمرة واحدة فقط، كما أجاز القرار تنازل صاحب القسيمة لطلب آخر بعد استلامها الفعلي وأيضا لمرة واحدة فقط والاحتفاظ بدوره شريطة ان يكون المتنازل له قد وردت أولويته في الحصول على الرعاية السكنية.
من جانب آخر، أعلن مدير ادارة التوزيع والتوثيق في المؤسسة العامة للرعاية السكنية ابراهيم القناعي ان آخر دفعة من قسائم مدينة صباح الأحمد ستوزع يوم الاثنين 2 مايو المقبل، مشيرا الى أنها الأفضل لمساحتها البالغة 600 متر مربع اضافة الى ارتداد بطول 11 مترا.وقال للوطن انه بعد الانتهاء من توزيع القسائم يتبقى حوالي ألفي بيت جاهز في المدينة بمساحة 600 متر مربع سيتم توزيعها أواخر عام 2012

منقوله

 

[الفهلوي]

أصدر نائب رئيس مجلس الوزراء للشؤون الاقتصادية ووزير الدولة لشؤون التنمية والاسكان الشيخ أحمد الفهد الصباح قرارا وزاريا أمس أجاز فيه تبادل القسائم السكنية بين المواطنين في نفس المنطقة المخصص لهم لمرة واحدة فقط، كما أجاز القرار تنازل صاحب القسيمة لطلب آخر بعد استلامها الفعلي وأيضا لمرة واحدة فقط والاحتفاظ بدوره شريطة ان يكون المتنازل له قد وردت أولويته في الحصول على الرعاية السكنية.
من جانب آخر، أعلن مدير ادارة التوزيع والتوثيق في المؤسسة العامة للرعاية السكنية ابراهيم القناعي ان آخر دفعة من قسائم مدينة صباح الأحمد ستوزع يوم الاثنين 2 مايو المقبل، مشيرا الى أنها الأفضل لمساحتها البالغة 600 متر مربع اضافة الى ارتداد بطول 11 مترا.وقال للوطن انه بعد الانتهاء من توزيع القسائم يتبقى حوالي ألفي بيت جاهز في المدينة بمساحة 600 متر مربع سيتم توزيعها أواخر عام 2012.

 

[bo a7md]

الله يبيض وجيههم 00

يعني اللي ما يبي المنطقه ليش يزاحم الناس اللي ميتين عليها ؟؟؟؟؟؟

ناس اخذتها تجاره ياخذ بالقيروان وهو ما عنده نيه يسكن بس عشان ياخذ من الفقير اللي ينتظر

مبالغ هائله ترهق ميزانيته وقوت عياله 0

البيوت صارت غاليه ماحد يقدر يشتريها وهي فاضيه او كلها ايجارات بسبب الانتهازيين اللي

ما يبون المنطقه او مو محتاج سكن 0

يا رب يصملون هالمره والله لا تطيح الاسعار ويمشي الدور بسرعه 0

 

[الله يخارجنا]

بعد هالخبر .. عندي تخصيص بصباح الاحمد أقدر أبدل مع بيت بسعد العبدالله ؟؟؟؟​

​

أرجو الإفاده​

​

 

[صقر3]

ابو احمد وانت بعد مكلف علي الدوله قاعد في اجار وتبي بيت علي مزاجك روح صباح الاحمد وعط مجال لطلبات مشكله كل واحد يغني علي ليلاه تره نااس عيالهم وكبر ومجبورين يبدلون تدري البدل واصل فهد الاحمد فوق 100 الف يعني هو الخسران في البدل ماله داعي تدعي كنهم مخذين حق من حقوقك واتمنا الله يوفقك بيت في الجنه وطووول بالك

 

[اللمبى]

القرار لا تنظروا له من جهتكم فقط انما من جميع الجهات صحيح فيه ظلم كبير لشريحه كبيره من المواطنين

اللى دفعوا فلوس وعقد عند محامي وغيره راح ينظرون
ولكن من جهه اخري منعوا السوق السوداء لفئه غير محتاجى السكن يدشون القرعه ويطلبون مبالغ خياليه للبدل مع غيرهم

اتمنى ان القرار ياخذ دائره اوسع ليشمل الجميع للبدل

 

[ابوفيصل_]

ولايهمكم ياشباب ... وسعو صدوركم .. انتم في الكويت

والكويت تنام بالليل وتصبح على قرار جديد

اللهم لك الحمد دائما وابدا .. موفقين

 

[الفراس]

الله يبيض وجيههم 00

يعني اللي ما يبي المنطقه ليش يزاحم الناس اللي ميتين عليها ؟؟؟؟؟؟

ناس اخذتها تجاره ياخذ بالقيروان وهو ما عنده نيه يسكن بس عشان ياخذ من الفقير اللي ينتظر

مبالغ هائله ترهق ميزانيته وقوت عياله 0

البيوت صارت غاليه ماحد يقدر يشتريها وهي فاضيه او كلها ايجارات بسبب الانتهازيين اللي

ما يبون المنطقه او مو محتاج سكن 0

يا رب يصملون هالمره والله لا تطيح الاسعار ويمشي الدور بسرعه 0

كلام سليم

الله يبيض وجيههم
قرار سليم ميه في الميه
يعني واحد ما يبي في المنطقه ليش ياخذ فيها
وعندك مثال جنوب الجهراء وقف التخصيص عند سنة 97 شهر 3
وبعدها لم تم توزيع قسائم سعد العبدالله رجع الطلب الى 93 نتيجة التجاره بالاراضي والبدل فيها واهل المنطقه ملزومين بالشراء بأي ثمن لانهم بيسكونون فيها

وأكبر مثال سعد العبدالله الحكومي غالبيتها مو مسكونه .. ينتظرون المسكين اللي يدفع أكثر

تبي في المنطقه مبروك عليك والله يباركلك في مسكنك
ما تبي في المنطقه انطر دورك والله يرزقك

 

[TALAL7070]

الرعاية السكنية تجيز تبادل القسائم بين المواطنين في المنطقة .. لمرة واحدة
19/04/2011 22:09:25




أقرت المؤسسة العامة للرعاية السكنية اليوم " تبادل القسائم السكنية بين المواطنين في المنطقة نفسها المخصص لهم لمرة واحدة فقط ". وهذا جاء في قرار اعتمده اليوم الوزير أحمد الفهد أجاز أيضا "تنازل صاحب القسيمة لطلب آخر بعد تسلمها الفعلي لمرة واحدة فقط والاحتفاظ بدوره شريطة ان يكون المتنازل له وردت أولويته في الحصول على الرعاية السكنية ".
وأشار القرار إلى أن التنفيذ بما ورد فيه يبدأ من بعد صدوره .


زبدة القرار
يجوز التبادل ارض مع ارض قبل الاستلام الفعلي للقسيمة لمره واحده بنفس المنطقة
ويحوز التبادل مع طلب بعد استلام القسية لمره واحده

 

[TALAL7070]

كلام سليم

الله يبيض وجيههم
قرار سليم ميه في الميه
يعني واحد ما يبي في المنطقه ليش ياخذ فيها
وعندك مثال جنوب الجهراء وقف التخصيص عند سنة 97 شهر 3
وبعدها لم تم توزيع قسائم سعد العبدالله رجع الطلب الى 93 نتيجة التجاره بالاراضي والبدل فيها واهل المنطقه ملزومين بالشراء بأي ثمن لانهم بيسكونون فيها

وأكبر مثال سعد العبدالله الحكومي غالبيتها مو مسكونه .. ينتظرون المسكين اللي يدفع أكثر

تبي في المنطقه مبروك عليك والله يباركلك في مسكنك
ما تبي في المنطقه انطر دورك والله يرزقك

انا مع القرار لانة ينظم العملية اكثر
ويحد من المبالغة بالاسعار