شركة الامتياز للاستثمار ...( الامتياز ) .

[albederi]

السهم سعره السوقي 130 فلس وموزع 10% نقدي

السلام سعره السوقي 260 فلس وموزع 5% نقدي ---------- سؤال ؟ ايهما أفضل !

 

[رابح رابح]

لو ينزل قرب 124 ممتاز جدا للتجميع

 

[st.tropez]

بسم الله الرحمن الرحيم
نتابعه اليوم

 

[st.tropez]

شر البلية ما يضحك.. الحمد لله على كل حال..
اليوم 128 .. متى ان شاء الله نشوفه ينطلق؟ بعرف لو الشركة معلنة عن خسائر ..شلون بيكون وضعها اذا ارباح جذي!!

 

[الجنزوري]

أمممممم ماودي أضيق خلوكم .... عقب كلام الزبيد ...ان 70% من استثمارات الشركه تحولت للسوق الكويتي !!! بديت احس بالقلق !!محد سأل نفسه شنو مجالات الاستثمارات بالكويت ...غير العقار ..والاستثمار بالاسهم .. العقار اسعاره مرتفعه ومتضخمه .... فماراح يكون عندهم غير الاستثمار,, والمضاربه بالاسهم ...يعني السهم راح اتحوشه امراض السوق الكويتي والله اعلم . يارب يكون كلامي غلط ....وانه الي قاعد يصير مو تصريف من 146 الى 126 ......بعد موجة الاخبار الايجابيه في المنتديات ووسائل الاعلام ...

 

[مضارب طابع]

بتصعد صعده حلوه بس الصبر زين

 

[st.tropez]

عزيزي الجنزوري .. اعمل بالنصيحة اللي كاتبها في توقيعك

 

[albederi]

عزيزي الجنزوري قل خيرا ،،

 

[مـــــتواضع]

والله صارت فيني خرعه من الشركات الاسلامية بعد المرار اللي شفته من الدار واعيان والمشكلة ان الامتياز تذكرني فيهم
كانوا نفسها بالضبط فرخوا شركات وارباح وبعدها شوفوا شصار

على العموم الله يوفق ملاكها ومساهمينها

 

[st.tropez]

ان شاء الله ترتفع كلما قربنا من موعد توزيع الارباح..ان شاء الله خير

 

[الجنزوري]

والله ياأخوان لا تلومني ...من حر ما فيني ....كنت ناوي ابيع على 142 قبل الاعلان وطمعت و على 138 فلس ومتخذ القرار بعد اعلان التوزيعه ...لكني تأثرت من غير ما احس ههههه... بكلام الاخوان ....(امسك سهمك والتوزيعه حلوه ) خلاني اتردد في البيع .. تخيل اني بايع على ال 138 ... وراده على 124 .. او مكتفي بالربح !!.. (الربح كان رقم كبير .) .. لكن قدر الله وماشاء فعل ... وهذا الخطأ مني حبيت اوضحه حتى اذكر نفسي ويتعض فيه الغير ...

 

[رابح رابح]

لو ينزل قرب 124 ممتاز جدا للتجميع

تعتقدون سعره مناسب 124 فلس
يعني كانك شاريه مفصخ 114 فلس
معقوووووووووول
بس يخليك
هين هذا ويهي

 

[Bo-mohamad]

اعتقد اذا زاد التداول على السهم معناتها قرب موعد التوزيعه وجمعو الكميه اللي يبونها طبعا اتوقع حاليا مو من صالحهم يرتفع السهم لي نهايه التجميع

 

[kndor]

كلام من موظف بأدارة شركة الامتياز ان الاجتماع بتاريخ ٤/١٠ هذا والله اعلم والله يوفق الجميع

 

[st.tropez]

دام ان الوضع جذي يالجنزوري ما الومك عيل لاني نفسك
مو المفروض يرتفع مع قرب التوزيعة عشان يتفسخ السهم على اسعار مقبولة ؟الحين نزل وايد و هم بيتفسخ و ينزل أكثر؟؟؟متى بيرد ال 140 اذا جذي الوضع!؟
اللي عنده معلومة تطمن لا يبخل علينا اذا سمحتوا..

 

[العقيله]

السلام عليكم
اجتماع الجمعيه العموميه لتوزيع الأرباح
يوم 10/4/2012 رسمي في الصحف
موفقين

 

[Bo-mohamad]

اعلانات السوق

[13:25:18] ِ.اجتماع الجمعية العمومية لشركة (الامتياز) في 10-4-2012 لتوزيعات 2011‏
يعلن سوق الكويت للأوراق المالية بأن الجمعية العمومية العادية وغير العادية
لشركة الامتياز للاستثمار (الامتياز) سوف تنعقد يوم الثلاثاء
الموافق 10-4-2012 في تمام الساعة 11 صباحا في مقر الشركة حيث
سيتم خلالها ما يلي:‏
ِ1- مناقشة توصية مجلس الادارة عن السنة المالية المنتهية في 31-12-2011‏
بتوزيع ارباح نقدية بنسبة 10% من القيمة الاسمية للسهم (10 فلس كويتي
لكل سهم).‏
وذلك للمساهمين المسجلين بسجلات الشركة بتاريخ انعقاد الجمعية العمومية.‏
ِ2- تغيير اسم الشركة الى مجموعة الامتياز الاستثمارية.‏
كما سيتم مناقشة بنود اخرى على جدول الاعمال.‏
علما بأن هذه التوصية تخضع لموافقة الجمعية العمومية والجهات المختصة.‏

 

[st.tropez]

يعني نتوقع صعود قبلها ؟ ما نبي تنعقد الجمعية على هالاسعار !

 

[st.tropez]

محد عنده اخبار ..تحليلات..تطمينات؟

 

[Bo-mohamad]

والله ياخوي st.tropez. بالنسبه للسهم اقل سعر وصل له من نزوله للسوق ١١٠ وحاليا سعره ١٢٦ وكرأي شخصي ان السعر ظالم جدا للسهم هل مشكلته ان من ضمن قطاع الاستثمار ؟؟؟ ويوجد مشاكل بين هالقطاع والبنك المركزي نبي احد المحللين الكرام يفيدنا وبالنسبه لي طالع علي السهم ب ١٣٠ والحمدالله على كل حال راضي بقضاء الله وقدره والله يرزقك ويانا الرزق الحلال