شركة الامتياز للاستثمار ...( الامتياز ) .

[rahaly]

يسلم عليك علي الزبيد .. ويقول من عافنا عفناه



بس سيد مو غريبه حركة السهم نهائياااااااا ...
مو انت طلعت منه ؟؟
خلاص دربه خضر
[/quote

ههههههههههههههههههههه

انا يابو نواف دعمت لكم السهم

في بداية مشواره لين خليته يوقف

على ريوله وبعدين فجيت عنه

على فكرة شنو سويت حق البروكر

القبسه اللي باع لك الامتياز على 190 فلس

مشكور على الدعم المادي والمعنوي ..


والله يا سيد هالدلال صج قبسه .. مدري منين طلعلي .. توي راكب السيارة اتصل علي تقول احد مطرشه علي ... ها حجي الطلب على 190 تبيع ؟
وانا والله مابي ابيع - بس قلت عشان اتصاله ... يالله بيع كم سهم .. يعني باره

يالله الحمدلله هم رزقنا اخذناه واكيد ربك قسملي ابيع هالكمية عشان احد ثاني يترزق

سيد متى دخلتك القادمة على السهم ؟
تكفة بلغنا قبل دخولك ب 48 ساعة - خلينا نرتب امورنا


حبيب يا بو حسن

متى يعلنون الارباح ؟؟

 

[orlando]

من الأفضل عدم المغامرة بالسهم إلا بعد إعلان نتائج أعمالها للربع الأول .

 

[نصوح]

قال نائب رئيس مجلس الادارة والعضو المنتدب في شركة الامتياز للاستثمار علي احمد الزبيد ان الشركة ستعلن قبل نهاية الاسبوع الجاري عن نتائجها في الربع الأول من العام الجاري، واصفا هذه النتائج بانها جيدة.

هذا التصريح كان آخر شهر 4 ولغاية الخميس
لم يتم الأعلان ..... هذا اللي خلاني أبيع السهم
وأنحاش منه مع أن السهم كنت ماخذه 182
والله كرهت الكثير من الشركات بسبب تصاريح مسئولينهم
اللا مسئولة .... يوم إنك راح تتأخر بالأعلان ليش تتكلم

على العموم هالشركة ممتازة بس صراحة عدم الألتزام بالتصريح
خوفني لا أكثر ............​

 

[Legal]

ربك الرزاق

 

[AL-3raab_ku]

نتائج الربع الاول ارباح طيبه لا تحاتون

 

[نصوح]

نتائج الربع الاول ارباح طيبه لا تحاتون

إن شاء الله طيبة وبحدود 11 فلس
بس ليش الـتأخير واللعب بالأعلان والأحد
آخر يوم ؟؟؟؟؟؟؟؟ التصريحات الغير مسئولة
تخلي الواحد يفكر ألف تفكير ... والبورصة مليئة
بهذه الأمثلة من التصريحات وآثارها ....​

 

[AL-3raab_ku]

لا تخاف يمكن اخروهم البنك المركزي
وراح تشوف اللي يسرك

 

[ابوناصر العتيبي]

العراب انت مدافع مستميت لشركة. طيب ليش يصرح يقول اخر الاسبوع دام مو أكيد ومو معقوله والبنك المركزي على أي أساس يأخرهم. ؟ انا مستغرب وانا مو اقول هالكلام لاني ضد الشركه بالعكس الشركة طيبة إن شاء الله بس مانبي مثل هالتصاريح إذا مو متأكد لاتصرح قبل كانو كيفهم مايفصحون محد يجبرهم الحين انت شركة مدرجه غصب مو طيب

 

[alnmr]

طرشو من تاريخ 21 مو متأخرين بس النظام شنو ماندري عموما أبشرو بالخير اذا اللي جاني صح لاتستعجلون فيه خير ان شاء الله

 

[al7boob_77]

لا تخاف يمكن اخروهم البنك المركزي
وراح تشوف اللي يسرك

اسمعوا كلام العراب صحيح ميه بالميه والظاهر عنده عروق بالماي

 

[AL.MOUSAWI]

إن شاء الله طيبة وبحدود 11 فلس
بس ليش الـتأخير واللعب بالأعلان والأحد
آخر يوم ؟؟؟؟؟؟؟؟ التصريحات الغير مسئولة
تخلي الواحد يفكر ألف تفكير ... والبورصة مليئة
بهذه الأمثلة من التصريحات وآثارها ....​

هناك امران لا ثالث لهما:

اما ان الارباح ضئيلة ولا تستحق هذه الهالة الاعلامية

او....خسارة..( انا استبعد الخسارة) ولكن التأخير في الاعلان

اثار الشكوك وكما تفضل الاخ العزيز نصوح .

وتذكروا دائما أن الشيطان يكمن في......التفاصيل !!!!!

 

[AL.MOUSAWI]

مشكور على الدعم المادي والمعنوي ..


والله يا سيد هالدلال صج قبسه .. مدري منين طلعلي .. توي راكب السيارة اتصل علي تقول احد مطرشه علي ... ها حجي الطلب على 190 تبيع ؟
وانا والله مابي ابيع - بس قلت عشان اتصاله ... يالله بيع كم سهم .. يعني باره

يالله الحمدلله هم رزقنا اخذناه واكيد ربك قسملي ابيع هالكمية عشان احد ثاني يترزق

سيد متى دخلتك القادمة على السهم ؟
تكفة بلغنا قبل دخولك ب 48 ساعة - خلينا نرتب امورنا

حبيب يا بو حسن

متى يعلنون الارباح ؟؟

هههههههههههههههههههه

حاضر ابو نواف ولا يهمك

انا الحين مو صوب قطاع الاستثمار ولا العقار

انا الحين اضارب على قطاع ال......

 

[adelsaqer]

هههههههههههههههههههه

حاضر ابو نواف ولا يهمك

انا الحين مو صوب قطاع الاستثمار ولا العقار

انا الحين اضارب على قطاع ال......

ولين لايكون قطاع الخدمات سيد ؟

 

[AL.MOUSAWI]

ولين لايكون قطاع الخدمات سيد ؟

هههههههههههههههههههه

هلا بالطش والرش وماي الورد بقرش

لع....مو قطاع الخدمات تطمن

وعلى فكرة....قمت اذا دشيت على سهم

ما اكتب بالصفحة.....خوفا من المتربصين

والفضوليين .....

صج...شنو سويت على ( ا.خ )

تحياتي لك ابو صقر بالتوفيق

 

[adelsaqer]

هههههههههههههههههههه

هلا بالطش والرش وماي الورد بقرش

لع....مو قطاع الخدمات تطمن

وعلى فكرة....قمت اذا دشيت على سهم

ما اكتب بالصفحة.....خوفا من المتربصين

والفضوليين .....

صج...شنو سويت على ( ا.خ )

تحياتي لك ابو صقر بالتوفيق

شريته علي 104 وبعته علي 104 خوش مضاربة شركات الخرافي مااطمن يالسيد من عقب وفاة العم واهي متوقفة علي صفقة زين ان تمت ردينا لهم مرة ثانية

 

[AL-3raab_ku]

اسمعوا كلام العراب صحيح ميه بالميه والظاهر عنده عروق بالماي

صدقني يالحبوب ما راح ابخل باي معلومة توصلني
انا بتكلم عن المستثمرين نصيحه لحد يبيع
السهم مقبل على صعود طيب
ممكن تصير على السهم مضاربات ينزل شوي يصعد شوي هذا سوق معرض لاهتزازات
انا قصدي بعد فترة راح تحصلون على رزقة طيبه ان شاء الله

اما اللي يتقن عملية المضاربة يضارب معاه

هذا والله اعلم

 

[AL-3raab_ku]

العراب انت مدافع مستميت لشركة. طيب ليش يصرح يقول اخر الاسبوع دام مو أكيد ومو معقوله والبنك المركزي على أي أساس يأخرهم. ؟ انا مستغرب وانا مو اقول هالكلام لاني ضد الشركه بالعكس الشركة طيبة إن شاء الله بس مانبي مثل هالتصاريح إذا مو متأكد لاتصرح قبل كانو كيفهم مايفصحون محد يجبرهم الحين انت شركة مدرجه غصب مو طيب

هلا اخوي بو ناصر
انا مو مدافع عن الشركة انا احب الخير لاخواني ومابيهم يبيعون ويطوفهم رزقه طيبه
انا معاك ان المفروض ما يصرح الا متاكد
بس نلتمس له العذر
علي زبيد له افضال كثيرة على مساهمين الامتياز
يوم الشركات سقطت بالخساير الكبيرة بفضل الله ثم هذا الرجل حققت ارباح ووزعت كل سنة
يعني لو يخطئ مره ما نسامحه
هذي مو عداله

 

[AL-3raab_ku]

هناك امران لا ثالث لهما:

اما ان الارباح ضئيلة ولا تستحق هذه الهالة الاعلامية

او....خسارة..( انا استبعد الخسارة) ولكن التأخير في الاعلان

اثار الشكوك وكما تفضل الاخ العزيز نصوح .

وتذكروا دائما أن الشيطان يكمن في......التفاصيل !!!!!

هلا اخوي الموسوي
لا في امر ثالث وهو ارباح طيبه تسر الناظرين
تقبل تحياتي

 

[AL-3raab_ku]

لا يفهم من كلامي اني اطبل للشركة
او ادعو للشراء

البيع والشراء مسئولية الشخص نفسه

السهم ممكن ينزل ممكن يصعد
كلكم شفتوا شركات اعلنت ارباح نزلت
وشركات اعلنت خساير ارتفعت بالحد الاعلى
اخواني هذا سوق ومحد يعلم الغيب

 

[AL-3raab_ku]

على العموم اذا مشاركاتي تزعج بعض الاشخاص
انا مستعد اني ما اشارك مره ثانية