((@استشارات واستفسارات فنية@)) الجزء 3

[3lgm]

بومبارك ياحلو اللي صار علي الدانة اليوم تجميع والا تصريف ؟ ترا موزعين خمسة بالمائة نقدي

أدري والله والسهم ممتاز ومظلوم حيل , لكن بإذن الله الدخول بيصير الأحد وإذا حاش الـ82 إعرف إنه أول واحد بيقطون عليه أهو انا .

 

[منور]

بومبارك نظرتك على اسواق ومزايا والانماء

 

[CCI]

لوسمحت اخ بومبارك شركة المال

 

[sawa7]

الف مبروك على الصفحه الجديده
والله يقويك على مساعدة اخوانك ولك الاجر ان شاء الله
ممكن الصناعات وهل فشل في الاختراق
وشكرا لك يالغالي

 

[متدرب أصيل]

وقفة إجلال وتقدير لراعي الصفحة حبيب الجميع بو مبارك
الحقيقة وأنا أعتذر منك أول مرة أدش الصفحة وتفاجأة من كم الطلبات والردود والتحليلات
عسى الله يجعلها بميزان حسناتك ويحبب خلقه فيك

 

[الطير القطامي]

بالتوفيق يابومبارك والله يجزاك خير على هذا المجهود الكبير

 

[3lgm]

بومبارك نظرتك على اسواق ومزايا والانماء

أسواق يا اختي مخطور جدا , حيث إنه :

1- كاسر كل دعومه ما عدا دعم قديم على الـ86 .
2- جريب من مقاومة الـ100 فلس وأخاف إنه ما يقدر يطوفها ويرد لاختبار دعم الـ91 فلس .

فتركه أفضل وانا خوج .

مزايا مقاومته بعيده واهي الـ102 وفيه رزقة طيبة من الله , لكن كم المشترا , أنا عندي هدف دبل توب على الـ85 , والـ85 - 83 تعتبر منطقة دعوم قوية و فنصيحة لا تشترينه إلا بهلمنطقة من الـ85 لي الـ83 .

الانما دعمها 104 و114 مقاومتها ولو تتفرغين بس حق هالسهم ما تتحسفين بإذن الله , المشترا بالدعم والبيع بالمقاومة .

لكن خلي عينج على الـ6460 وطلعي قبلها بارك الله فيج .

 

[دربك أخضر 2]

الله يعطيك العافيه أبو مبارك ويرزقك من حيث لاتحتسب
ما عليك امر ميادين شنو وضعها عليها تجميع أو تصريف إذا يبين معاك
وجزاك الله خير الجزاء

 

[3lgm]

لوسمحت اخ بومبارك شركة المال

دايما ضيق قنوات البولنجر تنبئ بتغير بالأسعار وكل ما تضيق يكون التغيير قوي , ومؤشرات السهم واعدة وتبشر بالخير فبإذن الله التغيير راح يكون لأعلى والله أعلم .

 

[بيانو]

يسعد مساك اخوى ابومبارك
ولا عليك امر ممكن تشوفلى سهم الصناعات
وسهم الراى

 

[3lgm]

الف مبروك على الصفحه الجديده
والله يقويك على مساعدة اخوانك ولك الاجر ان شاء الله
ممكن الصناعات وهل فشل في الاختراق
وشكرا لك يالغالي

يا هلا وغلا حجي سواح , والله يبارك فيك ولك ويجزاك كل خير , خيي فشل باختراق أي نموذج , أنا ما أشوف نموذج غير النموذجين ذولا حاليا , والسهم لي الحين ما وصل لي نقطة اختراق , والله كريم .

 

[3lgm]

وقفة إجلال وتقدير لراعي الصفحة حبيب الجميع بو مبارك
الحقيقة وأنا أعتذر منك أول مرة أدش الصفحة وتفاجأة من كم الطلبات والردود والتحليلات
عسى الله يجعلها بميزان حسناتك ويحبب خلقه فيك

الله يرحم والديك يا بومحمود ويجزاك كل خير على التشجيع والكلام الطيب وكلامك هذا تاج على راسي عسى الله لا يخلانا من هالطلة البهية , وما نستغني عن أي صحيح تشوفه لأي شي طال عمرك , وانت أستاذنا واحنا نتشرف لما نتعلم منك .

 

[3lgm]

بالتوفيق يابومبارك والله يجزاك خير على هذا المجهود الكبير

الله يجزاك كل خير ويبارك لك بحلالك ويزيدك من فضله , وانت حامل مسك يا بوفاطمة ما نستغني عن مرورك العطر هذا ولا عن تصحيحك لأي نموذج تشوفه غلط عسى الله لا يحرمنا من هالطلة الحلوة .

 

[3lgm]

الله يعطيك العافيه أبو مبارك ويرزقك من حيث لاتحتسب
ما عليك امر ميادين شنو وضعها عليها تجميع أو تصريف إذا يبين معاك
وجزاك الله خير الجزاء

الله يعافيك ويبارك فيك ويجزاك كل خير , يخوك نتايج الأماية وقروضها مأثرة على كل المجموعة , لكن ما تدري يمكن يطلع خبر نفس ما سوا قبل ويفز السهم ويخترق المتوسطات , والله كريم .

18 الدعم , والدعم الأخير 17,5 .

 

[3lgm]

يسعد مساك اخوى ابومبارك
ولا عليك امر ممكن تشوفلى سهم الصناعات
وسهم الراى

يا هلا وغلا ويمسيك ربي بالخير والكرامة , الصناعات هني :

http://indexsignal.com/forum/showpost.php?p=3419542&postcount=51


الراي مو باينله قاع بسبب إنه نزل إلى مستويات ما نزلها من قبل , والبولنجر يقول الدعم 69 , فدربالك منه , ومقاومته 84 ان اخترقها بيتوجه الى 91 .

 

[ADEL ALAZMI]

بو مبارك الله يعطيك العافيه

ايفا ودانه وين نيتهم

 

[الشاهين1]

الله يعطيك العافيه اخوي بومبارك لوسمحت تشوف لنا الاهليه والمستثمرون جزاك الله خير

 

[3lgm]

بو مبارك الله يعطيك العافيه

ايفا ودانه وين نيتهم

الله يعافيك ويبارك فيك يا بوعبدالله , دانه هني :

http://indexsignal.com/forum/showpost.php?p=3418777&postcount=41

 

[3lgm]

الله يعطيك العافيه اخوي بومبارك لوسمحت تشوف لنا الاهليه والمستثمرون جزاك الله خير

الله يعافيك ويبارك فيك وهذه الساعة المباركة يا الغالي الشاهين .

 

[ADEL ALAZMI]

لاهنت بو مبارك وعساك على القوة ياحلو