أخوي بومبارك مشكور وماقصرت يالعود بس بغيت منك سوال انا محتار بين سهمين حق استثمار متوسط الااد يعني ست شهور بين انجازات العقاريه وبين صناعات المتحده وابي شورك شنو تشور علي وانا اخوك
يخوك وخر عن الاستثمار , كل لقمتك ومش إيدك بالطوفة وانحش , آثار رحيل الخرافي راح تكون مأساوية على المدى البعيد والله أعلم , هذا مو البدر أو البحر الله يرحمهم , وتبي الصج ما أشوف أحد ممكن يملأ فراغه , حتى مجموعة مشاريع والأوراق ومحمود حيدر ما يقدرون يحركون السوق نفس ما كان يحركه , ولا تنسى إنه السوق ما صعد من البداية إلا على إشاعات صفقة زين الأم اللي ما تمت , وزين أفريقية والسعودية المفروض انهم تمهيد للبيعة العودة , لكن دينمو السوق راح فشلون السوق بيدق سلف , ولا تنسى إن اليوم اللي عقب وفاة المرحوم تدخل المحفظة أهو اللي أنقذ السوق , وأظهرو إن الوضع عادي , لكن الأسهم الكبيرة قاعدة تنباع , وأصحاب الشركات نفسهم قاعدين يطلعون (راجع ملكيات مركز سلطان) , فلا تفكر بالاستثمار في رايي وخلك مضارب , اشتر بالدعم وبيع بالخسارة , وخلك مطرف يم الباب من تشوف النار شبت كون أول واحد تطلع .
بومبارك الله لايهينك انابيب
