((@استشارات واستفسارات فنية@)) الجزء 3

[3lgm]

بومبارك مساك الله بالخير يالحبيب
شرايك بتعليميه بعد تداول اليوم

مساك الله بالنور والسرور , يخوك طول بالك عليه شوي , لكن هم حرّص منه , السهم على مزاج صانع السوق , ومتوسطاته تحته وأموره ميسرة بإذن الله :

http://indexsignal.com/forum/showpost.php?p=3438589&postcount=295

 

[omaziz]

اخوى معاك اسواق الله لا يهينك تشوف لى

 

[3lgm]

اخوى معاك اسواق الله لا يهينك تشوف لى

102 دعمه والـ110 مقاومة إن طافها يتوجه للـ114 وبتكون مقاومة جايدة جداً .

 

[ابو محمد 2007]

مساء الخير يابو مبارك الشايب يسال عن مشاعر وين حد النزول الشايب غاص فى السهم

 

[ابو فهد 2010]

بو مبارك الله يرحم والديك ممكن تشوف الدانه دعم ومقاومه وامور ماشراته طيبه او لا وشكرا

 

[adelsaqer]

الله يرحم والديك يا محللنا ويجزاك كل خير



الله يرحم والديك يا خوي يا عادل , والله سعره متضخم شوي , لو تنطره بالدعم يكون أفضل , ولي الخميس في مجال إن شاء الله .

يعني نشتريه اذا وصل 106 او 108 عدل بومبارك ؟

 

[صبا]

رد

مساء الخير ياريت يابومبارك تشوفلنا المركز المالي في توصيه قويه عليه

 

[بدجت]

مساك الله بالخير أخوي أبو مبارك وعساك عالقوة سهم الرابطة إشرايك فية تنصح بالدخول علية كاش وإلا آجل القرار قراري وأنا أتحمل الربح والخسارة لكن أبي رأيك ولا تهون ومشكور على تحليل بيتك اللي خبقها بالأرباح أما الصالحية بيض الله وجهك وماشاء الله عليك جبتها بالملي عيني عليك باردة والله يحفظك من العين.

وإذا فيه مجال إيفا وعساك ذخر

 

[3lgm]

مساء الخير يابو مبارك الشايب يسال عن مشاعر وين حد النزول الشايب غاص فى السهم

مساك الله بالخير والكرامة يا بومحمد , ومشاعر دامه فوق الـ124 لا تحاتيه بإذن الله , وهم متوسطين تحته داعمينه , فبإذن الله ما كو إلا العافية .

 

[امرك عجيب]

بومبارك الله يرحم والديك ايفا الدخول عليها الحين يسوى

 

[3lgm]

بو مبارك الله يرحم والديك ممكن تشوف الدانه دعم ومقاومه وامور ماشراته طيبه او لا وشكرا

تامرني أمر يا بوفهد

 

[MAB]

بومبارك بشرنا عن الافكو الوضع لازال ممتاز ؟

 

[3lgm]

يعني نشتريه اذا وصل 106 او 108 عدل بومبارك ؟

الـ106 أقوى من الـ108 , وبإذن الله ما راح تنكسر .

مساء الخير ياريت يابومبارك تشوفلنا المركز المالي في توصيه قويه عليه

مساء الورد يا أم غزل , سلمج الله المركز عنده دعم قوي على الـ126 وما يخوف بإذن الله , اختراق الـ132 المفروض إنه يوصله للـ142 هدف الكوب والعروة و لكن جدام السهم مقاومة قوية وهي الـ138 , من يطوفها تتسهل أموره .

 

[zizo 40]

مساء الخير بومبارك

شرايك بتعليقة الوطنيه للإتصالات اليوم, وين هدفه الحين؟

مع الشكر مقدما يا حبيب الشعب

 

[3lgm]

مساك الله بالخير أخوي أبو مبارك وعساك عالقوة سهم الرابطة إشرايك فية تنصح بالدخول علية كاش وإلا آجل القرار قراري وأنا أتحمل الربح والخسارة لكن أبي رأيك ولا تهون ومشكور على تحليل بيتك اللي خبقها بالأرباح أما الصالحية بيض الله وجهك وماشاء الله عليك جبتها بالملي عيني عليك باردة والله يحفظك من العين.

وإذا فيه مجال إيفا وعساك ذخر

مساك الله بالنور والسرور يا الغالي , والله يرحم والديك ويجزاك كل خير .

 

[امرك عجيب]

بيض الله وجهك يبو مبارك

 

[ابو محمد 2007]

الله يجزاك كل خير وجعلها الله فى ميزان حسناتك يابو مبارك

 

[3lgm]

بومبارك بشرنا عن الافكو الوضع لازال ممتاز ؟

365 - 360 الدعم والسهم ما يخوف كلش بإذن الله .

 

[3lgm]

الله يجزاك كل خير وجعلها الله فى ميزان حسناتك يابو مبارك

الله يرحم والديك يا بومحمد وهذه الساعة المباركة خيي .

بيض الله وجهك يبو مبارك

الله يجزاك كل خير يا الغالي

مساء الخير بومبارك

شرايك بتعليقة الوطنيه للإتصالات اليوم, وين هدفه الحين؟

مع الشكر مقدما يا حبيب الشعب

هذا عيبنا احنا المستثمرين الصغار يا الغالي زيزو , دايما نشتري متأخر ونبيع مبجر , شوف خيي الكبار عندهم خبر عن الأرباح وأهمه اللي طيرو السهم من الـ1580 لي الـ1940 , وهذه مقاومة سابقة ما راح يخترقها من أول مرة والسهم ما جنى أرباح , فالانتظار أفضل والله أعلم , لكن الحق ينقال إن السهم له مستقبل والشرا صجي والبولنجر عطى الـ2160 كمقاومة مفترضة مستقبلا والـ1880 دعم , ففي رايي نشوف وضع الـ1880 مع وضع الفخّة عند الـ1830 وإن راح ما يشوف شر .

 

[فرقد]

مساء الخير ابومبارك وتستاهل كل خير يالغالى
ممكن اخووى مركز مالى / والانماء