سالفه سمعتها بالfm!!!!!

[النايفه]

..... يمكن بس موضع العملية فقط ، والمتصل كبر السالفه

بعدين ، ليش المرضى ، يوافقون على التصوير ...::verymad::​

حشر هذا دكتور عظام والعملية مكانها يتفاوت من مريض إلى أخر فمو كلهم بيسوونها بالظهر..
بعدين ليش المتصل بيكبر السالفة؟
الرجال كان منقهر على عورات الناس ويقول بعضهم يمكن تحت البنج وما يدرون بالتصوير:|
أما لموافقة المرضى ...ما يندرى موافقين وموقعين صج ولا كلام فاضي؟؟
شكراً حشر لمداخلتك.

 

[النايفه]

شوفي للاسف ان بعض الدكاتره لاذمه ولا ضمير وهم المرضااااا ماعندهم

وعي كافي وثقتهم عميااا بهالدكاتره وهذا خطء

وممكن هالدكتور اجنبي وهالشغله عاديه تصوير الحالات الطبيه وتطورهاا بجميع المراحل والمرضى مايفطنووووون قاطين الخيط والمخيط على هالدكتور

فيه سالفه صايره ماتنقاال​

هو فعلاً كون أن الدكتور أجنبي يظن الموضوع سهالات لكن عندهم أكيد الحق بالخصوصية وهذا دكتور فيجب عليه أن يتحرى الصدق والدقة مع المريض يعني ما يصور المريض من ورا علمه.

عويشق قول سالفتك اللي ما تنقال

البنيه هذه وين تروح ....... اكيد تطبخ العشاء ، واحنا ناشبناها

تعالي ماقلتي اشلون صورهم ، كانوا منشكحين ، ولا واقفين ....

اهم شي الوجه إذا طالع مصيبه ، والله فضيحه ...​

أي عشى هالحزة بساااابع نومه:/ يخلاف..

ومصو البعض واقفين والبعض منشكحين..

ونعم بعض الوجوه طالعه

انا شخصيا ماقدر اقرر منو الغلطان .. لاني سمعت الموضوع من طرف واحد وهو الرجال اللي كان يبي يسوي العمليه ..

بعدين من الواضح انه هالرجال انتقامي ويبي يصحح موقفه ويقنع نفسه انه هو صح ويعتقد انه اذا سوا جذي راح ينتقم من الدكتور ..
او ممكن تكون مجرد اسقاطات منه او مبررات عشان ما يسوي العمليه ..

يمكن الدكتور لما صور المريض قبل العمليه ويصور بعد العمليه عشان يتابع الحاله او يبين للمريض اذا صارت اي تطورات ..

اتوقع اذا الصوره كانت بس مجرد المكان اللي فيه العمليه بدون الوجه يعتبر شي عادي لانه صور قطعه من جسم بس ولا احد يعرف اي معلومات من المريض ..
اتوقع هذي شغلات عاديه ومافيها اي خصوصيه .. بعض العمليات الجراحيه تصور بالفيديو وتعرض على طلبه الطب او المتدربين ..
اما اذا كانت الصور الشخصيه طالعه مع الجسم اتوقع انها فيها انتهاك للخصوصيه ..
مع انه ترى الاجانب يشوفون هالشي عادي لانه ثقافتهم جذي وماعتقد انه الدكتور يبي يفضح مرضاه ..

من استنتاجي المبدئي انه الدكتور مو قصده يفضح المرضي نفس ما برر الرجال اللي اتصل ..

نقطه اخيره : انا ماني دكتور بس كل اللي كتبته استنتاجات ..

أخوي خالد أول شئ شكراً لمداخلتك..في البداية قلت أنك ما تبي تحكم على الناس ولا تسمع من طرف واحد بعدين قلت واضح أن المتصل رجل إنتقامي ويريد أن يصحح موقفه..
أستطيع أن أوؤكد لك أنه كان هادي جداً وعاقل بطرحه ولكن إنفعل عندما وصف صور الفتيات وكان يردد بنات الكويت وبنات حموله بقهر..
ولا أعرف الموقف اللي يبي يصححه شنو؟؟

بالنسبه لأي دكتور يعرض صور مرضى وأسماء عائلاتهم وبياناتهم هذا لا يمت للخصوصية بصلة..حتى لو كان دكتور زائر أو أجنبي..

المتصل كان يقدر يذكر إسم المستشفى والدكتور لكنه قال اللي شاك يقدر يتأكد من الFM بحط إسمي ورقمي..يعني إنسان حاس أنه يخدم مجتمعه بهذه الطريقة..

وعلى قولتهم بغاها طرب صارت نشب

 

[هيفا]

ما ينلام المتصل منقهر من اللي شافه

واذا البنات راضين بالتصوير والعرض هذي مشكلتهم

لكن اذا ما يدرون هذي مصيبه ولازم الناس هذي ما تسكت ​

 

[khalid592]

اخت النايفه :
انا لما قلت في البدايه اني احب اسمع من الطرفين .. لاني بطبعي احب اسمع كل الاطراف وبطريقه متكافئه وماحب اسمع من طرف واحد ..

وانا قلت من الواضح لي وهو ليس يقين .. يعني انا ماقدر اقول انه اكيد انتقامي بس بناء على المعطيات الي انتي قلتيها وهي :
1.اتصاله بمرينا اف ام وسرد الحادثه
2.وضع رقم تلفونه واسمه عندهم عشان الناس تتصل عليه ؟!

العمليه مش محتاجه كل هالامور .. كان بالامكان انه يرفع شكوي لمدير المستشفى ويرفع شكوي لوزاره الصحه على الدكتور ..

اما عرض الاسماء واسماء العوائل اكيد فيه انتهاك خصوصيه كبيره وانا قلت هالشي ..

ما يثير الاستغراب :
1.ليش البنات خلوه يصورهم الا اذا كان سبب مقنع يخليه يصورهم وهي متابعه الحاله ومافيها من تطورات وهذا اتوقع هو السبب الوحيد ومافيه غيره ..

واللي يثير الاستغراب اكثر .. مدام الرجل يقول عرض اسماء العوائل وعرض صورهم من باب اولى ان يقوم الشخص بمخاطبه هذيل الاشخاص واخبارهم بماحدث .. وليس بهذه الطريقه ..

عموما لو اختلفت الاراء ولكن لا يستطيع احد يقينا ان يحكم من الغلطان في اي قضيه او معضله ظروفها ومسبباتها غير معلومه او ناقصه ..

شاكرلج اختي .

 

[جواهر]

والله صح كلامج جواهر

مشكوره يازهره

 

[النايفه]

أخواني وأخواتي أشكركم على مداخلاتكم المثرية للموضوع وسامحوني عالغياب لكن ظروف التدريس والدوام والبنيان أصبح ما عندي وقت للنت نهائي..ووقت الراحة أقتنص منه سويعات للنت
اللي مارديت عليهم أمس يسامحوني وأواصل اليوم

انا عندي قناعه وايمان كامل ان الشفاء من الله سبحانه

وعندي قناعه وايمان ان الله ما راح يخلي

الشفاء والعلاج بيد رجل فقط وانما الشفاء كذلك

بيد بعض النساء

لذلك اقول الخطأ انه امرأه تعالج عند رجل

وكذلك خطأ ان الرجل يعالج عند أمرأه



نرجع لمحور الموضوع

التصوير من غير علم المريض جريمه يتحملها الدكتور لوحده

اما اذا كانت الاداره تعلم بالتصوير فهي مشاركه في الجريمه


اما موضوع السريه في الصور

خلونا نعرف بالاول اشلون تتم عملية التصوير

معقوله دكتور كبيير بيمسك كاميرا ويصور !!!

اكيد فيه شخص يصور وشخص يطبع وشخص

يحطهم بملف وبعدين يوصلون للدكتور

يعني المريض مايدري باللي صاير



تعبت مالي خلق اكمل شبعان حدي وحاس انه اسلوبي

مو ذاك الزود​

بو عبيد أول شي أنا معاك أن المرأة لازم تتحرى الدكتور يكون إمرأة قدر المستطاع وإن لم تجد وللضرورة فالله القوي
بالنسبة لتجريم الدكتور والمستشفى أنا أيضاً من رأيك.
وبالنسبة لمعرفة المرضى بالتصوير فأنا لا أجزم بمعرفت الكل بموضوع التصوير..
مشكور على مداخلتك وما تشوف شر

السلام عليكم

أول شي أحب أحييج وأشكرج على حسج الراقي في طرحج للمواضيع
وهذا يدل على ذوقج وعقليتج في مناقشة المواضيع ..
فعلاً انا يعجبني الشخص اللي يحب يوصل الصورة اللي يشوفها للآخرين .. مثل ما تسوين انتي مع زميلاتج بالدوام من طرحج للمواضيع " الصَبَاحية " كل يوم .. ومعرفة وجهات النظر المتباينة .

ثانياً بالنسبة لموضوع صاحبنا .. أول شي عسى الله يشفيه ويعافيه ..

المشكلة انه إذا كان فعلاً هؤلاء المريضات .. موقعين على ورقة تسمح للدكتور بتصويرهم .. فهذه كارثة .. لأنه ليس لأحد الحق بالشكوى او مقاضات هذا الدكتور .. لأنه لديه موافقة مُسبقة بعمل هذا الشي .. والذي يرفض فهذا شي خاص به ..
وهنا تكمن المعضلة ... نعم اانا أضم صوتي لصوته .. انا أتحسر لما ادري انه في بنات محجبات .. يتم ترضى بتصوير جزء من جسدها لغرض أن تكون قبل وبعد .. وهي محجبة وتعلم ان هذه الصورة سيراها الناس الأجانب ( أي شخص غير محرم لها فهو أجنبي )

ولكن أحيانا كثيرة الراغبات في التجميل لا تعي ولا تدرك هذه الخطورة .. فهي فقط لا ترى أبعد من ( خشمها ) .. تريد الوصول إلى غايتها .. وهي التجميل .. سواءا كان هذا التجميل ( تكبير ثدي .. أو تعديل أنف !!!! ) كلاهما سيّان .. لأن الغاية .. وصولها للشكل المطلوب بعد التجميل ولا يهم ما سيترتب عليه من مخاطر .. !

عسى الله يسترنا ولا يرينا مكروه في عزيزٍ ويبعدنا عن عالم التجميل .. ويحفظ لنا جمالنا الربّاني


آمين يارب

النايفة ... واحد نسكافية معاج الله يخليج

أخوي فيصل مشكور على إطرائك وأخجلتم تواضعنا...
بالنسبه للأذن ما أعتقد فيه مريضة بتوقع على موافقتها على تصويرها..ولو حصل فالمريض هنا لم يتم أخذ موافقته ولكن طلب منه نزع ملابسه والوقوف لإلتقاط الصوره وكل شئ كان سائر في هذا الإتجاه حتى صعق بصور باقي المرضى.
بالنسبه للدكتور المذكور هو دكتور للعظام حسب ما فهمت من المتصل وليس تجميل خشوم.
شرفتني بحضورك وتعليقك.

والله انا مع الرجل اللي متصل , ما اسكت , اروح اشتكي , بعدين لو انا كنت المريضه من قلب بناشبهم ليش اصوروني وحق ليش وشحقه

هلا والله بالزهره..شوفي زهره بعض الناس شافوا إتصاله نوع من الحشرية والتطفل والبعض الأخر شك في دوافعه والبعض قال نفس رايج ورايي أنه ما قصر وبيض الله ويهه ...لكن تظل الحقيقة مختفي منها أجزاء..وما أعتقد الكل يعلم بموضوع التصوير خصوصاً بأننا شعب محافظ.
شكراً عالمداخله الزكية الرائحة كصاحبتها

دام العيادة بالقطاع الخاص والطبيب زائر فهذولي ماهمهم الا الربح المادي وماينظرون للاخلاقيات كثر ماينظرون للمال اللي راح يكسبونه
وبما انه طبيب اجنبي فهذا الشي بالنسبه له شي عادي ويمكن ماعنده خلفيه عن الجريمه اللي مرتكبها وهو ماخذ هالتصوير وسيلة لاثبات مهاراته ومقدرته وتساعده بمجال عمله امااا اذا كان ع علم فهو محاسب بس ماهو لوحده المريض يشترك معه

راح تقولين كيف يشترك معه بالجريمه وهو مايدري خذي الاخ اللي صارت معه المشكله مثال دام انعرض عليه الصور اكيد في ناس قبله وبنات انعرضت عليهم صور يوم تجي الوحده ويعرض لها الدكتور مهارته بالجراحه
وتشوف صور بنات من جنسها ومن سبقها بالتجميل ماتدور براسها الف سؤال كيف صار كذا والطبيب محتفظ بالصور ويعرضها ع كل مريض وعادي

بعد ماتشووووف ان صار ووافقت فهي موافعه ومافي اي مشكله لانها رضت ع نفسها

من المفترض ان اول ماتعرف انه في تصوير تسال الطبيب حق ايش الصور وليش عشان اشوف نفسي قبل وبعد لا مو لازم وترفض

انا بأعتقادي ان الكل مشارك بهالمشلكه اللي صايره


مشكوره نايفه موضوع رائع حلوه فكرة مناقشاتك ان وصديقاتي بالمواضيع


ولاتنسوني بالنسكافه معكم

هلا والله بجواهر بالنسبه لرأيج فهو يطابق رأيي جداَ وخصوصاً اللي يخص المستشفى ..وفعلاً المشكله مشتركه بدءً من المريض اللي وقع ومن الدكتور اللي ما حافظ عالخصوصية وإلى المستشفى اللي يغطي عالدكتور وصولاً لأي مواطن يكتشف هذه الغلطة ويسكت عنها..أو يرضى بها..مرة ثانية أقول بيض الله وجه المتصل.

وأبشري بدلة نسكافييه وكافييه لاتييه بعد

ما ينلام المتصل منقهر من اللي شافه

واذا البنات راضين بالتصوير والعرض هذي مشكلتهم

لكن اذا ما يدرون هذي مصيبه ولازم الناس هذي ما تسكت ​

هلا والله هيوفه نورتي قلبي..المشكله المتصل هو بنفسه محتار هل هذول صج يدرون وراضيين ولا بدون علمهم!!!
الله وحده أعلم

 

[النايفه]

اخت النايفه :
انا لما قلت في البدايه اني احب اسمع من الطرفين .. لاني بطبعي احب اسمع كل الاطراف وبطريقه متكافئه وماحب اسمع من طرف واحد ..

وانا قلت من الواضح لي وهو ليس يقين .. يعني انا ماقدر اقول انه اكيد انتقامي بس بناء على المعطيات الي انتي قلتيها وهي :
1.اتصاله بمرينا اف ام وسرد الحادثه
2.وضع رقم تلفونه واسمه عندهم عشان الناس تتصل عليه ؟!

العمليه مش محتاجه كل هالامور ..
..

اما عرض الاسماء واسماء العوائل اكيد فيه انتهاك خصوصيه كبيره وانا قلت هالشي ..

ما يثير الاستغراب :
1.ليش البنات خلوه يصورهم الا اذا كان سبب مقنع يخليه يصورهم وهي متابعه الحاله ومافيها من تطورات وهذا اتوقع هو السبب الوحيد ومافيه غيره ..

واللي يثير الاستغراب اكثر .. مدام الرجل يقول عرض اسماء العوائل وعرض صورهم من باب اولى ان يقوم الشخص بمخاطبه هذيل الاشخاص واخبارهم بماحدث .. وليس بهذه الطريقه ..عموما لو اختلفت الاراء ولكن لا يستطيع احد يقينا ان يحكم من الغلطان في اي قضيه او معضله ظروفها ومسبباتها غير معلومه او ناقصه ..

شاكرلج اختي .

أخوي خالد الإختلاف لا يفسد للود قضية
بالنسبه للي بالاحمر تعتقد يقدر يرفع شكوى على المستشفى وهو ماله خص بالموضوع شيقول بفحوى الشكوي والله شفت صور ناس وأسماء عائلاتهم؟؟
مو من حقه عشان كذا بلغ الناس عالهوا وقال اللي له حق يروح ياخذه..
أما بالنسبه لأسماء العوائل فأنا لست متأكده لكن هو شاف الصور بسرعه وأسماء العوائل المتداولة والقبائل كثيرة لو قالوا مثلاً الكندري...كم كنادره في الكويت؟؟
شلون بيعرف الشخص بعينه؟
الأخ المتصل قال وعالهواء أنا ماني عارف شسوي وهل هذا صح أو خطأ لكن هذا هو كل اللي أقدر أسويه
من حميته وغيرته خاف أنه يكون هناك أشخاص خدعوا وتم التغرير بهم وإيهامهم أن الصور خاصة للطبيب فقط.
مشكور أخوي خالد لإثرائك موضوعي ومناقشتك المفيدة

 

[ليث متواضع]

مره رحت مستشفى خاص قسم العيادات الخارجيه وكلمت الدكتور بخصوص فحص وتحليل يكرم القارئ المني لأن الدكتوره اللي تعالج زوجتي اللتي توقفت عن الحمل بعد إنجاب طفلين تريد الدكتوره أن تتاكد من الزوج فأخبرت الدكتور أنني أريد تقرير بالنتيجه فقط فأخبرني بأنه لا يوجد عقم لدي وأعطاني التقرير وقالي قبل ماتمشي ليه ما تقوي نفسك أكثر قلتله أشلون يادكتور قالي تنزل للصيدليه وتشتري أبر وخمس دقائق نسويلك عمليه تكبير يكون لك أفضل وفر لي شاشة الكمبيوتر وخلاني أشوف العجب اللي أنهبلت من الصور قالي أسويلك نفس الناس هاذي قلتله مشكور أنا أبي تحليل فقط وجزاك الله ألف خير

 

[النايفه]

أشكر كل من رد على هذا الموضوع واشكر تفاعلكم ،،،
مازال في جعبتي الكثير
فاصل ،،، ونواصل،،