منوووووووووو يدلني؟؟

[w2aa2e]

السلام عليكم

منو فيكم يدلني شلون أبدي أتعلم تداول الاسهم

مع العلم اني طالب في الجامعه (للحين كورس تمهيدي) وعندي أكثر من 3000 دينار

أخوكم طلال المنيس

موضوع مميز للأخ الكريم راكان الشامري العجمي: http://www.indexsignal.com/forum/showthread.php?t=68242

دمتم بود
وشكراً

 

[المشورة]

نصيحة من اخوك لا تدخل إلا بعد ما تأخذ كورس 6 شهور
زور البوصة ، اسأل ، المؤشرنت منتدى رائع وفيه عملاقة راح يفيدونك
والله يوفقك ان شاء الله.

 

[w2aa2e]

انشاله نشوف العمالقة هني
ومشكور

 

[game master]

السلام عليكم

منو فيكم يدلني شلون أبدي أتعلم تداول الاسهم

مع العلم اني طالب في الجامعه (للحين كورس تمهيدي) وعندي أكثر من 3000 دينار

أخوكم طلال المنيس

موضوع مميز للأخ الكريم راكان الشامري العجمي: http://www.indexsignal.com/forum/showthread.php?t=68242

دمتم بود
وشكراً

حياك الله بو طلي ...

روح سوق الكويت للاوراق المالية اسال عن المقاصة في الدور الثاني واطلب فتح حساب تداول راح يطلبون منك صورة البطاقة المدنية وصورة بطاقة حسابك في البنك " بطاقة السحب الألي الشخصية " وراح يقولون لك راجعنا بعد جم يوم ويطلبون منك رسوم اقل من 10 دنانير ...

لما تراجعهم بعد جم يوم راح يعطونك رقم " تداول " يعني رقم حساب محفظتك في سوق الكويت للاوراق المالية اخذ هالرقم وروح لبنكك قولهم انا عندي محفظة وابي اتداول عن طريقكم اما بالتلفون او تداول الكتروني وعن طريقهم ايضا تحول مبلغك الــ 3000 الى حساب التداول ومن ثم الى بطون التجار .. اضحك معاك وبعدين تداول واسال الله ان يرزقك الرزق ويضاعف لك هالمبلغ اضعاف مضاعفه


ملاحظة " اعتقد ان حساب التداول لا يجوز فتحه لم هم دون سن 21" مو متأكد من المعلومة فتأكد منها انت اي اي احد من الاخوان في المنتدى ممكن يفيدنا اذا عنده علم

 

[حفار قبور]

خش فلوسك قبل لا يبوگونها منك وبالقانون

على كمية فلوسك هذه تذكر كلامي بعد ثلاثة أشهر

إلا إذا شريت سهم وخليته على الأقل سنة

 

[امرك عجيب]

نصيحة من اخوك لا تدخل إلا بعد ما تأخذ كورس 6 شهور
زور البوصة ، اسأل ، المؤشرنت منتدى رائع وفيه عملاقة راح يفيدونك
والله يوفقك ان شاء الله.

انزين لما يزور البورصه شيستفيد يقعد مع الامن وبعدين وين عمالقة المؤشرنت نعم فى شباب مجتهد وتحليله عقلانى بعض الشى بس واذا صاحب الشركه او صانع السوق داس ابطن التحليل وين يروح صاحبنا اضم صوتى للاخ حفار قبور خش فلوسك لا ياخذهم الذيب

 

[w2aa2e]

حياك الله بو طلي ...

روح سوق الكويت للاوراق المالية اسال عن المقاصة في الدور الثاني واطلب فتح حساب تداول راح يطلبون منك صورة البطاقة المدنية وصورة بطاقة حسابك في البنك " بطاقة السحب الألي الشخصية " وراح يقولون لك راجعنا بعد جم يوم ويطلبون منك رسوم اقل من 10 دنانير ...

لما تراجعهم بعد جم يوم راح يعطونك رقم " تداول " يعني رقم حساب محفظتك في سوق الكويت للاوراق المالية اخذ هالرقم وروح لبنكك قولهم انا عندي محفظة وابي اتداول عن طريقكم اما بالتلفون او تداول الكتروني وعن طريقهم ايضا تحول مبلغك الــ 3000 الى حساب التداول ومن ثم الى بطون التجار .. اضحك معاك وبعدين تداول واسال الله ان يرزقك الرزق ويضاعف لك هالمبلغ اضعاف مضاعفه


ملاحظة " اعتقد ان حساب التداول لا يجوز فتحه لم هم دون سن 21" مو متأكد من المعلومة فتأكد منها انت اي اي احد من الاخوان في المنتدى ممكن يفيدنا اذا عنده علم

هههه الله يحيك
آنآ 18.5

خش فلوسك قبل لا يبوگونها منك وبالقانون

على كمية فلوسك هذه تذكر كلامي بعد ثلاثة أشهر

إلا شريت سهم وخليته على الأقل سنة

اضم صوتى للاخ حفار قبور خش فلوسك لا ياخذهم الذيب

فيه اسهم خضره؟؟ http://www.google.com/search?source...=1T4GGLL_enKW304KW305&q=kuwait+stock+exchange

 

[gulf]

إخذلك سهم إستثماري يطلعلك مبلغ أحسن من الوديعه وإترك عنك المظاربه .

 

[mosaid]

نصيحة

السلام عليكم ورحمة الله بركاته .. انصحك نصيحة اخ الى اخيه ..ابتعد عن البورصة والأسهم ..والله سبحانه وتعالى راح توفق بأذن الله
.(نصيحة اخوية )

 

[w2aa2e]

إخذلك سهم إستثماري يطلعلك مبلغ أحسن من الوديعه وإترك عنك المظاربه .

حاضر عمي... شلون اسوي هالطريقه؟؟

السلام عليكم ورحمة الله بركاته .. انصحك نصيحة اخ الى اخيه ..ابتعد عن البورصة والأسهم ..والله سبحانه وتعالى راح توفق بأذن الله
.(نصيحة اخوية )

وعليكم السلام ورحمة الله وبركاته
نصيحتك تاج راسي اخي العزيز

 

[جمبازي]

هههه الله يحيك
آنآ 18.5

Sourceid=navclient&ie=utf-]

عمرك 18.5


اذا كملت حياتك بدون بورصه ...بعد 5 سنين يصير عمرك 23.5



اذا دشيت البورصه ...


بعد 5 سنين ...يصير عمرك 39 .


عاد انت احسبها .وقرر

 

[جمبازي]

نسيت اذكر لك حلاوه البورصه ...ومن حلاوتها ..لازم يحوشك سكرى بعد 10 سنوات تداول ..واذا كنت محظوظ ..وماحاشك سكرى بيحوشك ضغط ..

واذا كنت محظوظ جدا وماحاشك ضغط وسكر ...راح تمشى وانت تحاجى نفسك وتتحلطم


يعنى ..ممكن وانت تمشى بالسوق بروحك ..فجأه تقول ..هياااااااااااااااااااااااااااااا...تتذكر سهم علق معاك .

 

[جمبازي]

من فوائد البورصه ..


تعلمك الصبر ....والكفاح وعدم الاستسلام ...


شلون ..


لانك من اول يوم تدش البورصه ..الى ان تصل الى مرحله ترك البورصه ..


وانت تجاهد وتكافح ...وتحلم ...ان ترجع راس مالك الاصلى :d

 

[ابو خالد الفراج]

اخوي طلال السوق علم وقواعد ودراسة ودورات ويمكن تنجح او لا خصوصا هذه الايام التي تاتي امتدادا للازمة العالمية منذ - 2008 - والافضل ان تسثمر في مجالك العلمي اي دورات و لغات وان تحصل علي معدلات مرتفعة- امتياز او جيد جدا - واكمال دراساتك العليا وطبعا اذا صار عمرك -21 - تقدر تفتح لك رقم تداول خاص فيك وعندها تقدر تستثمر اموالك اللي جمعتها وخصوصا في الشركات والمساهمات الجديدة خصوصا الخكومية والشركات الاسلامية كاستثمار طويل-ارجو ان اكون وصلت لك الفكرة وارجو ان تستفيد منها وان شاء الله تدعو لنا بالخير 0

 

[حقائق]

السلام عليكم

منو فيكم يدلني شلون أبدي أتعلم تداول الاسهم

مع العلم اني طالب في الجامعه (للحين كورس تمهيدي) وعندي أكثر من 3000 دينار

أخوكم طلال المنيس

موضوع مميز للأخ الكريم راكان الشامري العجمي: http://www.indexsignal.com/forum/showthread.php?t=68242

دمتم بود
وشكراً

يا ولدي شمدخلك المنتدى؟ روح شوف واجباتك و ركز على دراستك تراها هي الإستثمار الصحيح .. مو تضيع وقتك في المنتديات.. و الثلاثة آلاف مالتك اشتر منها مستلزمات و الكترونيات تساعدك في دراستك.. و التجارة و البورصة لا تفكر فيها إلا بعد التخرج ان شاء الله.

بالعربي الفصيح: تفرغ للدراسة و ان شفناك داخل المنتدى مرة ثانية ترى بنزعل عليك.

بالتوفيق

 

[ميكانيكي]

يا ولدي شمدخلك المنتدى؟ روح شوف واجباتك و ركز على دراستك تراها هي الإستثمار الصحيح .. مو تضيع وقتك في المنتديات.. و الثلاثة آلاف مالتك اشتر منها مستلزمات و الكترونيات تساعدك في دراستك.. و التجارة و البورصة لا تفكر فيها إلا بعد التخرج ان شاء الله.

بالعربي الفصيح: تفرغ للدراسة و ان شفناك داخل المنتدى مرة ثانية ترى بنزعل عليك.

بالتوفيق

ونعم الراي

شرايك اوقفه خخخخخخخخخخخخ::verymad::

يعجبني راعي الموضوع بشغله مهمه ..

الرجال يفكر بالتجاره وبمستقبله ووهو شاب مو مثل بعض الشباب همهم الفراره والتسكع .. حلوه تسكع

الله يوفقك ياخوي وين ماتروح .. بس نصيحة خلك بدراستك اهي راس مالك

 

[احمد العازمي]

تبي تدش البورصة خلك مضارب ماتمسك السهم 3 ايام وبيع
تعلم وعسى الله يوفقك وتكون خيره لك ولأهلك وخير من رب العالمين كاتبه لك وانت سعيت وطلبت النصيحة

ادخل بالبورصة مضارب يومي او يومين بس ولا تمسك السهم وتخليه عندك

هذا اللي انصحك فيه وياجماعة شفيكم عليه خلوه يتعلم من اخطاء الاخرين كل اللي خسرو بالاسهم مسكو السهم وخلوه ينزل الى اسفل السافلين


موفق خير

 

[Suntan]

السلام عليكم ورحمة الله بركاته .. انصحك نصيحة اخ الى اخيه ..ابتعد عن البورصة والأسهم ..والله سبحانه وتعالى راح توفق بأذن الله
.(نصيحة اخوية )

بالعربي الفصيح: تفرغ للدراسة و ان شفناك داخل المنتدى مرة ثانية ترى بنزعل عليك.

بالتوفيق

جابل دراستك واستثمر المال في تطوير نفسك
واترك عنك البورصة لاحق خير انشالله

 

[حقائق]

ونعم الراي

شرايك اوقفه خخخخخخخخخخخخ::verymad:::d

يعجبني راعي الموضوع بشغله مهمه ..

الرجال يفكر بالتجاره وبمستقبله ووهو شاب مو مثل بعض الشباب همهم الفراره والتسكع .. حلوه تسكع

الله يوفقك ياخوي وين ماتروح .. بس نصيحة خلك بدراستك اهي راس مالك

و النعم فيك يا بو فجر...

يا ريت تراقبه, و إذا شفته قاعد يكتب و مهتم بالبورصة مو بس توقفه, اعتقله بدون محاكمه! الشخص الجديد على البورصة ما يدري انها ادمان و هم يؤثر تأثير سلبي على الدراسة.
أما إذا شفته دخل المنتدى كآخر مشاركة و اقتنع بأن دراسته هي راس ماله كلنا راح ندعيله بالتوفيق في دراسته. و خل النك نيم ماله مفتوح يطل علينا بعد كل نهاية عام دراسي و يقول لنا عن تقدم مسيرته العلمية.

بو فجر, عندي لك شغله تضارب فيها (بسبب ظروف اليابان, اشتر سيارات تيوتا هالأسبوع و حطهم في سرداب البيت و بيعهم بعد كم شهر بربح بإذن الله). هاه, شرايك؟

 

[KUWAIT_V]

نصيحة ابعد عن البورصة وخلك في دراستك ابرك مثل ما قال اخونا - حقائق -

لانك راح تتم طول وقتك بالبورصة تفكر شلون ترد رأس مالك الاصلي الي ضاع عشان تنحاش من البورصة

انا وكثير من نفس حالتي صارلي سنه ابي أرد راس مالي مو قادر
العموم او 95% من المستثمرين بالبورصة على هالحالة

تبي تدش البورصة خلك مضارب ماتمسك السهم 3 ايام وبيع
تعلم وعسى الله يوفقك وتكون خيره لك ولأهلك وخير من رب العالمين كاتبه لك وانت سعيت وطلبت النصيحة

ادخل بالبورصة مضارب يومي او يومين بس ولا تمسك السهم وتخليه عندك

هذا اللي انصحك فيه وياجماعة شفيكم عليه خلوه يتعلم من اخطاء الاخرين كل اللي خسرو بالاسهم مسكو السهم وخلوه ينزل الى اسفل السافلين


موفق خير

الله يهديك بس بالذمة هذي نصيحه تقابل فيها ربك ؟؟ تبيه يروح وطي هالشغله الي تتكلم عنها اصعب شي بالبورصة

بدال لا تقوله اشتر الاسهم القيادية مثل زين والوطني و التمويل باقل اسعارها ونام عليهم لمدة سنه