قطاع البنوك الكويتية || أخـبار ـ تقـارير ـ تحـليلات ـ آراء ـ موضوعات ذات صـلـة

[ابو غانم]

ياجماعه لدينا بيوت جديده تريد تأثيث وظروف ..

ذهبت للبنك ولدي قرض قديم وقلت لهم أريد أن أجدد قرضي

قالو لي القروض موقفه من شهر 4 اللي طاف !!!

قلت طيب شلون عندي ظروف

قالوا انطر لين يشيلون المنع من البنك المركزي


ياشباب من عنده أخبار متى يرجعون الاقتراض ؟؟؟!!!

والله ابتلشنا .. كله من مجلس الامه .. لا هو اللي شال الفوائد او القروض وبل بالعكس تضررنا زياده منهم .

يعني لا طبنا ولا غدا الشر

 

[Navigator]

السلام عليكم

مجلس الامه ماله علاقه بالموضوع

آخر إشاعه يقولون يبون يبطلونها شهر 7 يعني هاليومين يبين ان شاء الله

بالتوفيق

 

[bo7anon]

نفيجيتر احلف تكفى اذا ردوا الجدولة عطني خبررررررررررررررررررررررر

 

[saket]

لابيد الحكومه ولا بيد البنك المركزي بيد التجار اصحاب البنوك ((( الربويه )) ؟؟​

 

[ابو غانم]

والله تعلقنا من قلب .. الحين اللي خذو بيوت حكومه الايام اللي طافت شلون يأثثون بيوتهم .. واللي عنده ظرف طارئ .. الوضع صعب

 

[ابو غانم]

للرفع

 

[كنز المعرفه]

متى تسمح البنوك بالأقتراض .. !!


منو قالك البنوك ما تعطي قروض ؟


يبه روح واطلب قرض ويعطونك لكن بشرط ما تتعدى 40% من أجمالي الراتب .

وإذا كنت مستنفذ النسبه فهذا ذنبك أنت وحدك ولا تلقى المسؤولية على مجلس الأمه وتأكد إن القوانين الجديدة وضعت لحمايتك والآخرين ويكفي معاناة أخوان المتورطين أو المتعثرين اللي كانوا بالسابق يتهافتون على الإقتراض دون حساب العواقب !​

 

[s man]

متى تسمح البنوك بالأقتراض .. !!


منو قالك البنوك ما تعطي قروض ؟


يبه روح واطلب قرض ويعطونك لكن بشرط ما تتعدى 40% من أجمالي الراتب .

وإذا كنت مستنفذ النسبه فهذا ذنبك أنت وحدك ولا تلقى المسؤولية على مجلس الأمه وتأكد إن القوانين الجديدة وضعت لحمايتك والآخرين ويكفي معاناة أخوان المتورطين أو المتعثرين اللي كانوا بالسابق يتهافتون على الإقتراض دون حساب العواقب !​

واللى أقل من 40% وبيسوى أعادة جدولة بس البنك المركزى موقفها؟

شفيك شبيت على الريال سؤاله صحيح

 

[مليونير بعد سنه]

القروض موقفه صحيح

والكلام كله على شهر 7

كل هذا خوفا من تصويت على اسقاط الفوائد والديون

والحكومه كسبت صندوق المعسرين

وعن قريب ترجع البنوك بدورهاا بالاقراض

حتى الشركات مو قادره تجدول ديونهااا ماتشوف التاخير كل البنوك تنتظر رفع الفايدة حتى تجدول وتقرض من جديد



تابع التوقيع

 

[Winchester SX3]

حبه حبه



اذا شخص مو ماخذ الــ 40% كامله هل يحق له ياخذ قرض ؟
الجواب على حسب معاملة كل شخص

لازم ندرس المعامله قبل لا نحكم فيها مو لأ على طول

مثال سريع:

فلان راتبه 1000
عند قرض 8000 دك وقسطه 250

يعني التزاماته 25% من راتبه ويقدر ياخذ زياده
طيب فلان الحين يبي 30,000 شلووون؟
عنده حلين فقط
اما يسدد الــ 8000 كاش ويقدم على قرض جديد 30,000
او ياخذ قرض بالــ 15% المتبقيه من البنك الي هو فيه
ويمكن يحصل بنك يعطيه نسبه بفرق بسيط عن الآخر
لكن ماكو شراء مديونيه من بنك الى بنك
يعني غصبن عليك تسدد ولا منت طالع! من عندنا وماكو جدوله ولا اكو 30,000
حدك 6000 دينار وقسط 150 الباجي وخلاص ماكو اثاث ولا سياره ولا علاج ولا زواج !

هذا حال الكثير من المواطنين!!

وضحت الفكره؟



اذا أحد يبي قرض ومعاملته واقفه يكتلبي راتبه والتزاماته وافهمه ليش وقفوها؟

للعلم انا موظف بنك سابق

بالتوفيق

 

[مليونير بعد سنه]

زين شرايك بموضوع قوي شويه اتمنى تفيدني بما انك موظف بنك سابق اخوي الكريم

تقدمت اطلب قرض ب 200الف وقدمت ضمانات (موجودات) بالعربي تفوق المبلغ 8 مرات

ولم يتم الموافقة اسبب؟

 

[Winchester SX3]

زين شرايك بموضوع قوي شويه اتمنى تفيدني بما انك موظف بنك سابق اخوي الكريم

تقدمت اطلب قرض ب 200الف وقدمت ضمانات (موجودات) بالعربي تفوق المبلغ 8 مرات

ولم يتم الموافقة اسبب؟

الأصول الي تبي ترهنها أسهم ولا عقار؟
لأنه الأسهم حاليا حيل حيل حيل مشددين عليها وحذرين منها هذ الي وصلني
لكن العقار بشرط أن يتم رهن 150% وما فوق من قيمة الدين

أو تكون سياسه البنك والإكتفاء بكمية القروض الحاليه

ومرات عادي يرفض بدون ذكر سبب!

 

[مليونير بعد سنه]

انا كنت ابي اوصلك المعلومه هذي

الرفض بدون سبب وهذي السياسه المتبعه حاليا على الكل

هذا قانون المصطرة على الكل

لاحظ السوق الكويتي قاعد يعبر بلون الاحمر

بسبب هذي السياسه وتجار يبون حل

 

[Winchester SX3]

انا كنت ابي اوصلك المعلومه هذي

الرفض بدون سبب وهذي السياسه المتبعه حاليا على الكل

هذا قانون المصطرة على الكل

لاحظ السوق الكويتي قاعد يعبر بلون الاحمر

بسبب هذي السياسه وتجار يبون حل

طيب إسأل بنكك شنو شروط الإقتراض بالرهن وشوف هل إنت مستوفيها؟

الحل إن تنفض السوق عن بكرة أبيه وتحطلك رأس (بريطاني أو ألماني) مايهزه ريح بهيئه سوق المال
و3/4 الهيئة من الأجانب لأن ربعنا مصخوها
راح تشوف شلون يمشون سيده!!

 

[مليونير بعد سنه]

يبون يحلون مشاكل الديون المتعثرة ومايدرون انهم ضرو انفسهم

وفيه ناس مو متعثرة وتبي قروض شلون!!

بس المركزي وهق البنوك يبيها تاخذ مخصصات والبنوك ماتقدر وراها مساهمين

تاخذ مخصصات بسبت شركة ولا ثنتين ولا ثلاث ولي متى!!!!!

75% من الشركات متعثرة وخصوصا الاستثماريه واصولها منخفظه

تاخذ البنوك عليهم مخصصات هههههههههههههه المركزي متوهق ويبي يوهق البنوك

وفي النهايه دعم حكومي غصب وبدال سعر بصيط

راح يكون الثمن غالي والايام تثبت ما اقول

 

[مليونير بعد سنه]

تابعو الحكومات شلون تشتغل

أطلقت دائرة الأراضي والأملاك في دبي برنامج "تيسير" بهدف تحفيز التمويل العقاري وتوجيه دفة البنوك للعودة إلى ممارسة دورها المهم في تمويل وإنعاش عمليات بيع العقار وتلبية الطلب المتجدد في السوق من جانب المشترين. وعقدت الدائرة اجتماعا تنسيقيا مع مجموعة المطورين العقاريين في دبي لمناقشة البرنامج الذي ... المزيد

شوف الله يوفقهم هذا الكلام وشغل

الخبر في موقع الاسواق

 

[Winchester SX3]

يبون يحلون مشاكل الديون المتعثرة ومايدرون انهم ضرو انفسهم

وفيه ناس مو متعثرة وتبي قروض شلون!!

بس المركزي وهق البنوك يبيها تاخذ مخصصات والبنوك ماتقدر وراها مساهمين

تاخذ مخصصات بسبت شركة ولا ثنتين ولا ثلاث ولي متى!!!!!

75% من الشركات متعثرة وخصوصا الاستثماريه واصولها منخفظه

تاخذ البنوك عليهم مخصصات هههههههههههههه المركزي متوهق ويبي يوهق البنوك

وفي النهايه دعم حكومي غصب وبدال سعر بصيط

راح يكون الثمن غالي والايام تثبت ما اقول

تصدق إني أشوفها فرصه على طبق من ذهب للحكومه

من زمان والتجار يتدخلون بالبلد ولهم ثقل ووزن الكل يعلم فيه

لكن لو التجار أ جزء كبير منهم طاح وبقي قله منهم منو بصير القوي الي محد قده والكل يبي رضاه

خلهم يتطاققون لين يرفعون الرايه والحكومه تتفرج
بتقول اقتصاد بلد؟

شوف ميزانيه البلد منشوره بجريدة أمس يا السياسه أو الأنباء ما أذكر بس خذيت الصوره

الحكومه عندها ذراع استثماري سيادي ومن وهو الهيئه العامة للإستثمار
وعندها نفط اللهم لك الحمد والشكر يكفينا

خلها تدعم القطاعات المهم جدا

لو انا بسوي جذي
بحرث الأرض من جديد وأبي ثمر طيب حتى لو 5 سنين بس أكون ضامن هالثمر

الوضع حاليا يلخص بكلمتين ( الله يستر )

 

[ابو غانم]

متى تسمح البنوك بالأقتراض .. !!


منو قالك البنوك ما تعطي قروض ؟


يبه روح واطلب قرض ويعطونك لكن بشرط ما تتعدى 40% من أجمالي الراتب .

وإذا كنت مستنفذ النسبه فهذا ذنبك أنت وحدك ولا تلقى المسؤولية على مجلس الأمه وتأكد إن القوانين الجديدة وضعت لحمايتك والآخرين ويكفي معاناة أخوان المتورطين أو المتعثرين اللي كانوا بالسابق يتهافتون على الإقتراض دون حساب العواقب !​

هد السرعه جزاك الله خير
انا التزاماتي لم تتعدى حتى ال 25 بالميه .. وطلبت اعادة جدوله وقالو ان البنك المركزي موقف القروض حتى اللي نسبة التزاماته واحد بالميه بعد .

من وين لك معلومة اللي يبي يروح ياخذ مادري !!!!

 

[mr_n]

اخوي ابوغانم

كلامك صحيح ميه بالميه .. توني مسكره من البنك الحين وقال موقفين الاقتراض من ٣ شهور وماوصلنا شي الى الحين .

وترى السالفه ماتحتاج مناقشه كل واحد يرفع التلفون ويتأكد

 

[bo7anon]

انا دقيت عليهم وقلولي بس نسمع كلام لان مايه قرار ليمن الحين

يارب يردونها