كان يا ما كان / بقلم الاعضاء

[النايفه]

بعرف ليش تم شطب هالحلقه من السيناريو

عاد مافيها لقطه مو مشفره

لووووول بقول لك ليش ... لأن ما ادري شنو تسلسل افكارك فخليت لك ناصر واستلمت نوره،،، عالأقل اقدر أخربط على كيفي
يالله أنت وهقتنا بسالفة ناصر والمنظره السحريه كمل عاااد
أنا عصرت مخي ما لقيت له تأليفه

 

[nabhaan79]

راح ناصر وتسلل لمنزل عريس الغفله المحظوظ بنورة حبيبت قلبه

وركب مكرفون على المرايه اللي راح يضبط نفسه فيها عريس الغفله وركب كاميرا مراقبة خدم عشان يشوف كذلك (والله ذكي يا خريج رابعة إبتدائي)

المهم جه المعرس ويطالع نفسه وطلع خبل بعد طلع يسأل المنظره كل يوم وينطر الإجابه

قال المعرس : يا منظره تكفين في أحد مثل جمالي وحظه يكسر الصخر بوحده مثل نوره

وهني فرصة ناصر الخبل : قال وبصوت يخرع شوي ها ها ها ها يا حلو يا مزيون يكفيك شر العيون

بس ناقصك شي واحد فقط

رد المعرس : وشهو هالشي الواحد تكفين يا منظره تكلمي

قال ناصر وهو وده يضحك (طلع رقله معرسنا) : يالخبل لا تزوج نوره تراهي تاجرة قمل في المنتديات وسامع المثل اللي يقول شوف العنز وحلب لبن تراهي نوره وهذا نك نيمها في منتدى كويتيات إنحش إستانس مع ضحكه بعيد عن المايك هههههههه

يالمعرس ترا البنات يسألون عنك والكل يتمناك إنطر وحده إسمها سوسن بنت جيران نوره ترا بعد شهرين إتخرج من التربيه الأساسيه وتصير مدرسه إحسبها صح

مدرسه يعني معاش بالصيف وتسفرك على حسابها

(طبعا سوسن إخت ناصر ويبي يصرفها عشان يتزوج نوره في غرفتها شكله محشش صراحه )

وكذلك سيارتها لكزس تزوجها وكشخ بسيارتها يالخبل لحد يقص عليك ترا نوره ما عندها غير سوالف لوووول خريجة منتديات ما عندها شي والمشكله حتى مواضيع الطبخ يكون ردها لووووول يعني ترا عندنا طباخه

إسمع كلامي تراني منظره ولا أكذب على أحد اللي تشوفه تحصل عليه ما سمعت المثل الإنقليزي اللي يقول (what you see which you have) أدري منت فاهم بس دش قوقل وراح تعرف

قال المعرس : والله إني كل ما أشوف نفسي بالمنظره أحس نفسي خبل والظاهر إني صج خبل أقول يا المنظره بسويلج إختبار عشان أعرف إنتي صاجه واللا لأ

قال ناصر : إسأل

سأل المعرس : 9 ضرب 9 كم يساوي

ردت المنظره : 81 يا فاشل مكذبني المفروض تعرف إني ما أكذب والدليل عمرك لبست دشداشه صيفيه وطلعتك لابس دشداشه شتويه وعمرك كنت لابس فانيله وسروال وطلعتك لابس بيجاما شفت شلون الصدق طبعي

قال المعرس : والله صح حتى الحين أنا لابس غترة وعقال وإنتي مطلعتني عقال وغتره
خلاص يا منظره والله لخليها وأتزوج المدرسه سوسن بس أضمن بالأول يقبلونها بالمدرسه وشرط تكون المدرسه جمب بيتنا

إهني إستانس ناصر وقال الباقي خطه أخلي تاجرة القمل ترضى فيني والله إني أحبها بس شلون الطريقه ...

ونجحت الخطه العجيبه

إستانس ناصر وغير مجرى حياته من بعد قصه المنظره لأنه من يومها وقام يحترم ونفسه ويطالع نفسه بالمنظره

وراح للمنظره (المرايه) وقام يطالع نفسه وقال يا منظره في أحد مثلي وأهو خايف طبعا لا ترد عليه

وهني سمع صوت يقوله إي إنت وصخ خايس محد يطالع فيك من زيت المكينه اللي لازق بوجهك شوف حتى شواربك خضره من الزيت اللي طاح عليها

إهني إخترع ناصر وقال إنت منو

طلعت إخته سوسن واقفه وراه وإهي تقوله إشفيك صاير رقله تكلم منو والله متأثر بمسلسل سنو وايت والأقزام السبعه

المهم ناصر إرتاح وحس إن إخته عطته الطريق وراح لمحلات الطاهر (القسم الرجالي) وشرا بجامه وسروال وفانيله لون أبيض (طبعا أهو حسباله يجون لون أبيض وفيه لون أصفر مسكين حسباله إن اللي عنده من الشركه لون أصفر)

وراح حق أحد الحمامات الإيرانيه ودش عندهم وقالهم أبي تطيحون الزيت اللي لازق فيني بسبب الحب وأبي أطلع رجل ثاني

قامو الإيرانيه إجتمعو عليه واحد يحك ظهره وواحد وجهه وواحد بطنه ولدرجه مسكوه من رجوله وشطفو فيه المحل كله بناء على طلبه صار كأنه ممسحه للماي

وبعد ما خلص شاف نفسه في المنظره ما عرف نفسه سلم وقال حق للي بالمنظره

أخوي لو سمحت وخر بشوف نفسي

وإهني تدخل الإيراني كون هالحالات ماره عليه

قال الإيراني : لا تخاف أعرفك على نفسك ناصر هذا إنت ناصر طلع لسانك عشان تعرف إنت صايم واللا لأ ( ياحليله الإيراني طلع ينكت)

وتعجب ناصر من شكله وقرر إنه يجرب نفسه بالجمعيه

راح للجمعيه ورقم 3 بنات وعطاهم طبعا رقم نوره عشان يخليها تدري إن البنات يحبونه ويشغل الغيره في قلبها ويخلها تلتفت له لأنها دائما تحب تشتري بالمحل آخر قطعه ذوقها بايخ

وراح للبيت ووقف قدام البيت شوي يطالع الناس وحس إنه إنولد من جديد بعد السباحه

وأول ما وصل على صفطة سيارة كنتاكي وإهني تدخل ناصر ودفع الفلوس وخذا الطلب

وطق باب نورة وطلعت نوره طبعا مطلعه أصابعها العشر إيد فيها لفلوس وإيد تقول عطني الكيس حسبالها راعي كنتاكي

إهني تعجب ناصر من حياها وحس إنها محترمه جدا

وعض إيدها بدون لا يدري ليش

صاحت نوره آآآآآآآآآآآآآآآآآآآآي ألعن أبوك يالمصري

وفتحت النسره الباب وتفلت بوجه ناصر وخربت النظافه اللي كان عايش فيها ناصر

ورد ناصر : ألعن أبوج يالخايسه سعابيلج خضره مثل شواربج أنا الغلطان اللي دافع الحساب حق وحده مثلج يا مرت دراكولا ياليتج مثل مرت باباي شوفي كرشج كأنج بالعه مدرسة فرنسي وطالعي شفايفج كأنج ماكلة إير باق سيارتج

وطبعا نوره متنحه وهي تفكر بناصر

وصااااااااااااحت ناصر ناصر ناصر

يالصرصور (طبعا تبي تدلعه) شنو صاير فيك صاير لبناني حلو ناقصك فوطه على إيدك تصير قرسون

لا أتغشمر معاك والله صاير حلو وشفيك عظيت أصابعي عطني الوجبه وإخذ البطاط حقك إذا جوعان

ناصر طبعا فتح حلقه وإستانس بنفس الوقت وحس إن الجمال كان أول خطوه لقلب نوره وفكر بخطه ثانيه عشان يتقدم ويخطبها بعد ما يتزوج عريس الغفله إخته سوسن وتطس من البيت وياخذ غرفتها ...

 

[هيفا]

خااارج النص >>>>>>>>>>>



نبهااااان هني بعد مهبب هههههههههه

صاحب الموضوع يقولك اكتب سطرين فقط

انت كاتب روائع القصص 

 

[nabhaan79]

خااارج النص >>>>>>>>>>>



نبهااااان هني بعد مهبب هههههههههه

صاحب الموضوع يقولك اكتب سطرين فقط

انت كاتب روائع القصص 

ههههههههههه

أحس إني خربت أم السالفه

والله مادري أنا دشيت آخر شي