لا خي العزيز كلامك غير صحيح ... مع احترامي وتقديري لرأيك الكريم ...
اخوي لو تتابع اخوانك المتزنين في الكتابه وتحليل الرأي مثل اخونا ( حقائق ) ... وغيرهم من باقي الاخوان كانوا محللين السوق من نزل لمستوى 6800 تقريبا نبهوا وقالوا السوق راح ينزل على الاقل الى مستوى 6280 تقريبا وحنى وصلنا لها وقالوا بعد ممكن نكسرها وننزل الى 5900 تقريبا وكل هالكلام اكثر من شهر واهم محللين ... ولكن المشكله فينا حنى ما نقرا ولا انثقف انفسنا ولا انتابع المحللين الجيدين ... يعني انروح ورا اهوائنا ونتبع اشباااااه المحللين .. وهذا غلط فينا حنى ... وبعدين المحللين الممتازين بشر ممكن يخطؤون بالراي وممكن يصيبون ولكن لو توقعاتهم صابت بنسبه كبيره فوق ال 70 % باغلب ارائه انا اعتبره محلل ممتاز ... على العموم انا ما ابي ادافع عن اخواني المحللين .. ولكن العيب فينا ما نحب نقرا ونركض ورا اي محلل .. واغلبهم تعلم كلمتين وصار يحلل ... مع العلم ان التحليل عباره عن خبرااااات متراكمه على عدة سنوات وتجارب ...مو بس ياخذ لي دوره اسبوع او اسبوعين وقال انا محلل مالي وافهم بالتحليل
ان شاء الله كلامي يكون واضح ... طبعا اخي العزيز لا تزعل مني ولكن كلامي مو موجه لك شخصيا ولكن موجه لاغلب اعضاء المنتدى العزيز اللى يتحلطمون ولا يتعلمون الا بعد فوات الاون ... وان شاء الله الله يعوض على اخواني الخسرانيين وربي يرزقهم الحلال الطيب ...