الوطني وخدمة المسجات

[ليث متواضع]

تطورت خدمة المسجات تسحب يجيك المسج نفس الوقت خدمه ممتازه وكل البنوك ستصبح رسومها 10 دنانير

 

[sawa7]

تطورت خدمة المسجات تسحب يجيك المسج نفس الوقت خدمه ممتازه وكل البنوك ستصبح رسومها 10 دنانير

اخي العزيز البنك الوطني لما اسحب مبلغ من اليوم الثاني يوصل المسج ولا متاخر يوصل واذا نزل الراتب بعض المرات ما يدز مسج
وشنو يعني تسحب ويدز لك مسج اصلا انت الساحب ولا اللي ياخذ البطاقه
انت عارف انه بيسحب خدمه عاديه جدا والمفروض يا ببلاش ولا بسعر رمزي نفس بيتك

 

[ameer]

تأخر المسجات يفقدها اهميتها ان كان من البنك او الوسيط البورصه عند اتمام صفقه ومع هذى المسجات هى حمايه للحساب عند اى حركه خارج ارادت صاحب الحساب البنكى او تداول البورصه مع العلم الوسيط لا يأخذ قيمة المسجات

 

[MHS]

يا شباب انا واعوذ بالله من كلمة انا من عملاء الوطني الvip والحمد والشكر لله طبعا الغالبيه يعرفون ان عملاء الvip اما بسبب انك تملك اموال وخير كثير او وديعه او راتبك يوصل الى سقف معين اهم محددينه وانا من الفئه الاخيره ولا مو حق سواد عيوني ولكن بسبب هذه التصرفات وتصرفات اخرى سابقه لا اريد ان اتطرق لها الآن كي لا نتشعب وبسبب عدم وجود لا حسيب ولا رقيب سوف اقوم بسحب جميع اموالي وحسابات ابنائي التي لا يملك البنك التصرف بها واترك له فقط قسط القرض فقط كنوع من عدم الرضا على هذه التصرفات وتضامنا مع اخواني ملاحظه ما يهمهم انك تلغي الخدمه ويمكن اهم يبونك تلغيها بس يهمهم الحساب وعدد الحسابان خصوصا ان شاء الله العيال راح يكبرون وراح تكون معاشاتهم في هذه الحسابات يعد عمرا طويل شنو رايكم شباب ابفكرتي ولا افتح صفحه خاصه في الموضوع

 

[الغرقان]

انا عميل فى بنك الكويت الدولى والخدمه مجانيه
وانا سمعت انه للى عنده حساب مو مستخدمه فى الوطني مر عليه اكثر من سنه راح تكون عليه رسوم دينارين على كل شهر الله يعز البنوك الاسلاميه

 

[Business Girl]

عملاء الذهبي الخدمة مجانيه

الشي اللي يقهر انهم ماقالو عن الرسوم 10 دنانير بالسنه كلش وهذا غير رسوم الفيزا والماستر

رواتب وبونسات الموظفين كله على حساب الناس

 

[nawaf52]

عملاء الذهبي الخدمة مجانيه

الشي اللي يقهر انهم ماقالو عن الرسوم 10 دنانير بالسنه كلش وهذا غير رسوم الفيزا والماستر

رواتب وبونسات الموظفين كله على حساب الناس

كلامي موبس لك انتي بروحك ولغيرك بعد من الكويتيين لو كنتوا كل ورقه توقعون عليها تقرونها ما كان هذا حالكم وبعطيك مثال بدوامك لما تطلب شهادة راتب مكتوب فيها اخر سطر دون أدنى مسؤوليه تجاه الجهه يعني اهم عطوك الشهاده بدون مسؤوليه عليهم عيل منو اللي يعطيك معاشك ولما توقع عقد اتفاق مع البنك او شركة اتصالات يقولك بالعقد فيه بند تغيير الشروط بدون الرجوع لك وهذي تعتبر مخالفه صريحه بالقانون بس عاد منو اللي يتكلم اذا الحكومه راضيه والعالم تقولك الحكومه ابخص بس روح قول حق الشركه بقطع تلفوني ولا البنك بسكر حسابي لأن من طرفك يوقعونك على ورقه وحده بس مجادل لأنهم بيخسرون عميل بس وقت التوقيع 10 اوراق اذا مو أكثر