نظرا لخيبه توزيعات بيتك

[aljoker]

سلام عليكم شباب ممكن احد يعطينا توزيعات البنوك الاسلاميه

البنك الاهلي المتحد
بنك بوبييان
بنك الدولي

علما بان توزيعات بيت التمويه جاءت مخيبه للامال كل ذلك من اجل دعم شركاته الفاشله اولهم عارف للاستثمار وبيت الاستثمار الخليجي ثم بعد ذلك اعادة جدولة قروض الشركات منهم شركة ابيار وشركة الاولى للاستثمار

علما بان توزيعاته هالسنه جاءت كالتالي

2.378 % للودائع الاستثمارية المستمرة، و
1.850 % وديعة السدرة،
و1.585 % لحسابات التوفير الاستثمارية

 

[fahad98]

بالنسبة للاهلي المتحد وزع هالسنة للودائع الاستثمارية السنوية 4.1%

 

[خبر ممتاز]

حاليا البنك الاهلي المتحد افضل بنك في الودائع بالسوق يعني نسحب فلوسنا من بيتك احسن

 

[الشجرة]

نتائج مخيبة
عندي سؤال ... غير ودايع البنوك، شنو في شي مضمون ؟
يعني قصدي راس المال ما يصير له شي ... يعني حتى لو خسروا .. أقدر أسحب فلوسي بأي وقت ...

فشنو غير الودايع ؟؟ لان الاسهم مو في بالي لأن مخاطرة وعبالة ..

هل الصناديق الاستثمارية اللي نسمع عنها من بعض الشركات مثل الودايع من حيث انه لو ما ربحوا ما أخسر راس مالي ؟

 

[عبدالعزيز34]

كم وزع بيتك على الودائع السنويه ممكن ياخوان ؟ اللى حاط اربعمية الف جم يجيه

 

[aljoker]

كم وزع بيتك على الودائع السنويه ممكن ياخوان ؟ اللى حاط اربعمية الف جم يجيه

تقريبا 8700 دينار كويتي
وزكاتك 10 الاف يعني تدفع من جيبك زياده

لو وديعتك بالاهلي المتحد جان ارباحك 16400 دينار اخصم الزكاة 10 الاف الصافي 6400

 

[عبدالعزيز34]

تقريبا 8700 دينار كويتي
وزكاتك 10 الاف يعني تدفع من جيبك زياده

لو وديعتك بالاهلي المتحد جان ارباحك 16400 دينار اخصم الزكاة 10 الاف الصافي 6400

الله يجزاك على سرعت الرد ؟ ولكن سؤالى شلوون ادفع زكاة 10 الااف ؟ وانا ماعطوني الا 8700 ؟ الدين يسر مو عسر فيه شي شنو مدري على هالتوزيعه المخييبه للأمال

 

[عبدالعزيز34]

اذا فلوسي بتروج على الزكاة اجل شالفايده انا محتاجهم ؟ اذا كل سنه بيروح منهم 10 الااف باجر بيروحون كلهم

 

[aljoker]

اذا فلوسي بتروج على الزكاة اجل شالفايده انا محتاجهم ؟ اذا كل سنه بيروح منهم 10 الااف باجر بيروحون كلهم

يا اخوي الزكاة فرض واهي تبارك بالحلال ان شاء الله

اما بخصوص انها تنقص نصيحه اخذلك عقار راح يكون مدخوله اكثر من مدخول الوديعه

 

[عبدالعزيز34]

يا اخوي الزكاة فرض واهي تبارك بالحلال ان شاء الله

اما بخصوص انها تنقص نصيحه اخذلك عقار راح يكون مدخوله اكثر من مدخول الوديعه

انا اعرف انها فرض ولكن السؤال اذا خسران هل ازكي او لا اهنيه السؤال لان افلوسي ماجابت افلوس الزكاة اقصد افلوس الربح ؟ ولكن انت ماقصررت وشاكرلك

 

[SOl]

لأي استفسار عن ودائع الأهلي المتحد بجميع أنواعها الرجاء التواصل على الخاص.

 

[العتيبي72]

ياعيب يابيتك ياعيب شنو هذا يفشل ياعيب

 

[mfa2202200]

بصراحة اشكثر الناس إلي تفتي بالدين بالكويت أكثر من الناس الي تصلي بالمساجد

 

[أبوخليفه]

الأهلى المتحد للأمانه معامله وتوزيعات طيبه والله ماهي دعاية بس الحق يقال

 

[المريح]

بعد التوكل على الله .. بشيل حساباتي من بيت النصابين و بحطها بالأهلي المتحد .. و بخلي الخردة ببيت النصابين بس شلون الطريقة ؟ شيك مصدق بإسم الأهلي المتحد ؟ ولا تحويل و لا شلون ؟

 

[متدرب_جديد]

نسبة كانت متوقعه في ضوء الأوضاع الاقتصادية الداخلية وشح قنوات التمويل وايضا الوضع الاقتصادي العالمي الصعب وارتفاع المخاطر اصبحت الودائع عبأ علي بيت التمويل هذا ليس دفاع لكن وجهت نظر

 

[النجدي2007]

اكسر وديعتك بيت التمويل واخذلك شقة تمليك في السالمية ولاحولي والفروانية تدخل عليك بالشهر مواقل من 250 دينار , احسن لك من الوديعة

 

[سهم الأسهم]

بعد التوكل على الله .. بشيل حساباتي من بيت النصابين و بحطها بالأهلي المتحد .. و بخلي الخردة ببيت النصابين بس شلون الطريقة ؟ شيك مصدق بإسم الأهلي المتحد ؟ ولا تحويل و لا شلون ؟

عن طريق التحويل التلكس وبدون عمولة اذا عن طريق النت

 

[مضارب شجاع]

يقولون ان رأس المال جبان
يجب على المستثمرين ان يعطون لبيت تمويل الكويتى درسا قاسيا ! وهو انتقال الودائع الى بنك المتحد وتكون هجرة جماعيا ومنظمة وبوقت واحد الكل يذهب ويطلب كسر وديعته وحتى يهتز مركز بيت تمويل الكويتى ويرجع صغيرا كما كان فى الماضي .

 

[ibrahimi]

الحمدلله شلت راتبي منهم ورحت بنك بوبيان واخذت تورق وأرباحهم وايد اقل