السلام عليكم
BOAHMAD مساك الله بالخير .. شلونك اخوي ان شاء الله بخير ....
شوف اخوي المحلل الفذ والحقيقي يصيب ويخطآ ،ويبذل جهد كبير في سبيل الاخرين . ويجب ان نعطيه حقه ونمدحه ونثني عليه هذا واجب على الجميع . لا تقولون احنا مو بصدد مكافأة من يصيب الهدف ....
احنا علينا معرفة من هو المحلل الحقيقي ومعرفة من يطبل او يشخبط لاهداف معينة ونتخذ القرار ونتحمله بكل شجاعة .... وقت انتعاش الاسواق تشوف العجب كلنا نتكلم ونتفائل ونطلق كلمات وارقام لا يمكن نصدقها بوقت الكوارث .. ولما تقرآ مداخلاتنا السابقة بايام الانتعاش تشك بنفسك وتقول هل انا كنت مطبل كبير ....
نعم هذا ما يحصل ونتناقض مع انفسنا .. كلنا قلنا اشياء لا يمكن تصديقها الان .....
كتبت موضوعين عن انهيار السوق قبل انهياره باكثر من سنة ( دق ناقوس الخطر -- السقوط الحر ) ،من المفارقات العجيبة كنت اشارك وامدح الاسهم ،،،، وايضا شوف توقيعي تحت كنت احد الاعضاء بموضوع ( المجموعة الدولية وطلعنا السهم من ١٢٠ فلس الى فوق الدينار شوف جم الربح وشوف الناس اللي استفادت ... الحين الشركة وينها وشوف بترو والمستثمرون .... فهل اللي خسر يعتبرونا مطبلين ؟؟؟؟؟؟؟؟ وطبق نفس الشي على المخازن من ٢٤٠ فلس الي ٦ دنانير شنو تبون بعد ؟ هذه هي المشكلة ناس تدش بالنهاية وناس تدش بالبداية ...... وفي الرابح وفي الخاسر.
((((( حتى نصل للموضوع ونفهم شنو القصد من هذه المداخلة ))))) الاستثمار من اسعار القاع افضل وسيلة للربح ولا بعد الربح الفاحش .... احنا الحين فتحنا الموضوع بسهم الاكتتاب والسعر ٨٤ فلس فقط لا غير ...... نا خذ السهم ولا ما ناخذه ؟ السهم سينزل او ما ينزل ؟
اذا قلنا اخذو السهم ونزل نصير مطبلين او مانفهم عدل ولا مو عدل . واذا قلنا السهم سيرتفع ولم يرتفع او نزل نزول قوي نفس الكلام السابق صرنا مطبلين .... شنو الحل بهذه الحالة نسكت او المحللين ما يحللون وكل واحد يتصرف على كيفه او نسكر المنتديات ... الخ .... لذلك اقولك من يسجل بالمنتديات عليه ان يتحمل كل شي دون ان يتكلم بحرف واحد او يخطا بحق احد او يشكك بالنوايا لان بكل المنتديات في الزين والشين وعليك الاختيار . او سكر المنتديات ولا تشارك وتصرف حسب قدراتك .
((( السهم زين واللي ما ياخذه ما عنده سالفة ولا يفهم بالف باء السوق والاستثمار قلت الاستثمار لان السهم يمكن ينزل المضارب مو فاضي ينتظرولا هو فاضيب حق خرابيطي .. السهم زين راح يتدوبل مرة ومرتين من خلال تجاربي مع الشربيني البطل .. بس راح ينشفك .... السهم وين رايح فوق ولا تحت الله العالم . عيل ليش تقول السهم زين ؟؟؟؟ ١- السوق ارتفع والمجموعة ككل لم تتحرك ... ٢- السهم تم تقسيمه ونظيف ... ٣- السهم تم زيادة راسماله على سعر ١٠٠ فلس وبالسوق ٨٤ فلس ولا نعلم سر هذه العملية او الطريقة... والزيادة ليست قليلة تقارب نصف راس المال . ٣- السهم حتى الربع الثالث محقق ارباح ،الربع الرابع يحدد اتجاه السهم ....
اخوي بو محمود يقول بتحليله السهم يدوبل وذكر بالتحديدمرة و مرتين وانا اقول يدوبل ثلاث مرات واربع مرات
بس متى هذا هو السئوال المهم ومتى ناخذه بالضبط ؟
فهل احنا مطبلين الان ؟؟؟؟؟
لان فعلا الاسهم راح تدوبل مرة ومرتين وثلاث واربع وخمس وتشوف اللي ٢٠ فلس بدينار ودينارين وثلاث ..... وعجلة كبيرة تدور وتدور وتطيح ناس وترفع ناس
خلصونا من سالفة قال وقيل ومطبل وتطبيل وصبي محافظ ......
صيرو كبار قد السوق او خلكم برة احسن وافضل لكم ولنا وللجميع
