((@ استشارات واستفسارات فنيّة @)) ...... 2

[3lgm]

اخوي علقم يا خوي كل ما اخذت سهم نزل يا خوك طالبك في سهم استفيد منه .تكف ابي سهم شوي صاحي استفيد منه طالبك طالبك طالبك يا خويك .

تكفه لا تقول تكفه تامرني أمر وأنا خوك :

بنك الخليج الدعم 500 والمقاومة 520 .
بيتك 1040 والمقاومة 1100 .
الدولي 300 والمقاومة 330 .
المركز 126 والمقاومة 134 .
الانماء 102 والبيع 108 .
عقارات الكويت 51 والبيع 56 .
مزايا 102 والبيع 110 .
القرين بترو 178 والبيع 186 .
صناعات 260 والبيع 300 .
ألافكو 340 والبيع 370 .
عارف طاقة 120 - 116 والبيع 134
هتس 50 والبيع 58 .
الجزيرة 116 - 120 والبيع 130 .
مشاعر 108 والبيع 124 .
مشرف 122 والبيع 130 .
مبرد 86 والبيع 90 .
أسواق 110 ولا تبيع مؤقتا لأنه ان طاف الـ120 يروح للـ138 - 136 .

وما اوصيك ان شفت السوق بينزل والأسهم بتكسر دعومها سو نفسي وانحش على طول وقول الوعد باجر .

 

[3lgm]

مساك الله بالخير ابومبارك الغالى
عندى مراكز 158 وحاب ابدله بعارف طاقه او عربى قابضه شرايك ايهما افضل

اثنيناتهم ممتازين لكن للأسف عربي قابضة نطاق حركتها ضيق .

عارف طاقة دعمه 120 لكن لو تصيده بالـ116 يكون فله , والـ134 مقاومة .
عربي 126 العم و130 مقاومة .

 

[3lgm]

مشكوووووورر يا بومبارك على التواصل وكثر الله خيرك
الدور على هيتس... هللللللل تعتقد بيروح 90 فلس سننة وحدة مثل المرة اللي فاتت

هذا اللي قاعد أحاتيه اليوم وانا أتابع السهم , لكن يخوك هالمجموعة وايد تطورقت منها وما فيني حيل طراق يديد .

 

[zizo 40]

بومبارك سؤال المليون نبيك ترد عليه

وين تشوف إرتداد لمنى؟ ناس تقول 40 و38 و35 وناس مش مهضومين بتئول 20 فلس

يا ليت نسمع رأيك بدون تحمل أى مسئوليه ويا ليت جوابك فى صفحة منا تطمن الناس المساكين وأنا منهم

 

[أكويتي وأفتخر]

السلام عليكم
شلونك بومبارك اسعد الله مساك ومساء الاخوان
صافتك لو ماعليك امر وشنو موضوع مجموعه الصفاه اليوم

 

[3lgm]

بومبارك سؤال المليون نبيك ترد عليه

وين تشوف إرتداد لمنى؟ ناس تقول 40 و38 و35 وناس مش مهضومين بتئول 20 فلس

يا ليت نسمع رأيك بدون تحمل أى مسئوليه ويا ليت جوابك فى صفحة منا تطمن الناس المساكين وأنا منهم

يخوك في ناس قاعدة تتخارج من السهم وهذا من واقع الكميات المعروضه الهائلة ولا تنسى كم قيمة هذه الكميات بالأساس , لكن بالجانب الآخر أكو ناس قاعدة تشيل المعروض وبعدين ترد تعرضه بالأدنى علشان تخرع الناس الثانية , أنا متابعه يومي , والبيع حقيقي والسيولة ما زالت قاعدة تطلع بدون توقف .

 

[3lgm]

السلام عليكم
شلونك بومبارك اسعد الله مساك ومساء الاخوان
صافتك لو ماعليك امر وشنو موضوع مجموعه الصفاه اليوم

يا هلا وغلا , ويمسيك ربي بالنور والسرور , وأنا بخير الله يحفظك ويبارك فيك .

صافتك يا الغالي دعمه 27,5 ومقاومته 29,5 من يطوفها يتوجه للـ31,5 بحول الله .

بخصوص المجموعة أكثر ظني السوق وراه صعود 200 نقطة وراح تكون جولة تصريفية طيبة وفيها خير من الله .

راجع رد الفطحل بومحمد يصفحته النار على علم :

http://www.indexsignal.com/forum/showpost.php?p=3406129&postcount=609

 

[بوسالم]

اولا : السلام عليكم
ثانيا : الشباب ماشاء الله عليهم ماخلو سهم ما اسألوك عنه والحمد لله انت بجداره ترد عليهم وهذا يخلينا ما نتشرف بسؤلك , الاجوبة موجودة. الله يعطيك العافية.
بومبارك شرايك تستلم محفظتي وتفكني , تطوفني الدعومات والسبه الدوام ,,,,,,,,

 

[gulf]

بومبارك شلونك
ياريت توضحلنا هل صفقة زين السعوديه قائمه للآن أم نايمه لبعد إنعقاد الجمعيه العموميه حتى لا تكون بند مناقشه وتأزيم للأعضاء . تداول يوم الأثنين فيه حركه على السهم عكس الأسبوع الماضي خصوصا أنه ما نزل على ال 1320 .

 

[MAB]

مساك الله بالخير والكرامة , الصفاة عند مقاومة متوسط 50 يوم عند الـ62 , إن اخترقها ثم اخترق الـ63 بيتوجه للـ74 هدف الدبل بوتوم , دعمه 56 دعم متوسط 20 يوم , 51 دعمه العتيد .

كذلك ألافكو 370 مقاومة متوسط 50 يوم , والـ340 دعم متوسط 20 يوم دامه فوقه فالسهم بخير (أنظر الشارت).

ماقصرت يا بومبارك الصفاة نفس ماقلت اليوم 66 و شكلها متجهة 74 الهدف الأولي بأذن الله بس شرايك بالدانة حجي

 

[منور]

بومبارك شرايك بمزايا وتنظيف؟

 

[اهوي]

مرحبا بومبارك لوتسمح نبي تحليلك تكفة علي السورية

 

[3lgm]

اولا : السلام عليكم
ثانيا : الشباب ماشاء الله عليهم ماخلو سهم ما اسألوك عنه والحمد لله انت بجداره ترد عليهم وهذا يخلينا ما نتشرف بسؤلك , الاجوبة موجودة. الله يعطيك العافية.
بومبارك شرايك تستلم محفظتي وتفكني , تطوفني الدعومات والسبه الدوام ,,,,,,,,

بوسالم الله يطولي عمرك تبي توهقني انت بس منت عارف شلون

بومبارك شلونك
ياريت توضحلنا هل صفقة زين السعوديه قائمه للآن أم نايمه لبعد إنعقاد الجمعيه العموميه حتى لا تكون بند مناقشه وتأزيم للأعضاء . تداول يوم الأثنين فيه حركه على السهم عكس الأسبوع الماضي خصوصا أنه ما نزل على ال 1320 .

يخوك ما ادري عن خبايا الصفقة , لكن السهم قاعد يتزهب حق جولة صعود جديدة بإذن الله .

 

[3lgm]

ماقصرت يا بومبارك الصفاة نفس ماقلت اليوم 66 و شكلها متجهة 74 الهدف الأولي بأذن الله بس شرايك بالدانة حجي

الدانة دعمه 82 ومقاومته الأولى 87 من يطوفها يتوجه للـ96 بحول الله , لكن يخوك السهم مؤشراته مو شي , والسيولة قاعدة تطلع من السهم .

 

[منور]

بومبارك وهقني تنظيف عقب خبر زياده راس المال؟؟تتوقع بينزل بعد؟

 

[3lgm]

بومبارك شرايك بمزايا وتنظيف؟

تنظيف ما لازم يكسر الـ168 وإلا بيروح للـ164 , اختراق الـ182 يروح للـ214 بإذن الله .
مزايا بإذن الله يستهدف الـ110 , دعمه 102 .

 

[3lgm]

بومبارك وهقني تنظيف عقب خبر زياده راس المال؟؟تتوقع بينزل بعد؟

كله على الله ثم باجر , إن شاء الله يمتص الصدمة ويتماسك .

 

[منور]

يعني اتطمن؟؟تشوفه ايجابي؟؟

 

[3lgm]

مرحبا بومبارك لوتسمح نبي تحليلك تكفة علي السورية

شمعته اليوم ممتازة بإذن الله يستهدف الـ51 , لكنها مقاومة جايدة ومن يخترقها يركض لي الـ61 بحول الله , السهم للأسف ماله دعم قوي لكن خنتابع الـ47,5 مؤقتا .

ويا جماعة الخير السموحة منكم اليوم مداوم ولاهي وراح أتابع معاكم باجر بإذن الله .

 

[3lgm]

يعني اتطمن؟؟تشوفه ايجابي؟؟

لا تخافين منه دامه فوق الـ162 , السهم هذا حركته عنيفه وينزل حد أدنى ويصعد أعلى بنفس الجلسة عشرين مرة ويبيله ناس قلبها صخر جلمود .