3lgm
عضو مميز
- التسجيل
- 29 سبتمبر 2008
- المشاركات
- 6,409
سؤال بخصوص الاسهم الرخيصة - الصفوة - ميادين - اهلية.. الخ!
اذا استمر الحال على ما هو عليه اي ازمة عالمية بسبب اليابان وهبوط حاد بالبورصه هل تفلس هذه الشركات ؟؟
علما بان الشركة عليها دائما ان توفر الكميات (عرض وطلب) يعني ممكن توصل انه الشركة ما تقدر توفر هالكميات وتفلس ؟
سؤال آخر ممكن ان ينزل السهم الى 12 و 11 فلس ؟؟؟ وهل فيه سابقه من هالنوع ؟
أولا يا الغالي الأسهم المذكورة مالها علاقة باليابان , والعجيب إنه الأسواق الآسوية اليوم مرتدة وأسواق الخليج تواصل هبوطها بسبب الأحداث بالبحرين الله يفرجها عليهم , مع الأخبار الإيجابية بخصوص صفقة زين السعودية .
الشركة مالها علاقة بتوفير أسهم للزوم العرض والطلب في السوق , وإنما توظف صانع سوق علشان يدعم السهم عند أرقام معينة ويجمع لهم الأسهم في حال شراء أسهم الخزينة ولتصريفها في حال البيع , وبالعكس إن صار نقص بالمغروض راح يصعد السهم بسبب تفوق الطلب على العرض , وما يصير أي مشكلة , وهذا الشي دايما يصير بالأسهم الممسوكة بأنها تصعد بسرعة وما تنزل بسهولة بسبب إن العرض قليل .
ما صار من قبل إن شركة أفلست رسمي بالسوق , وحتى اللي صاير بشركة الدار ما وصل حد الإفلاس فما بالك بالشركات الأخرى مثل ميادين والأهلية والمستثمرون .
عطني إذا تحب الشركات اللي خاطرك فيها علشان أشرحلك ميزانيتها وأقولك عن مكامن الخطر , وكذلك نقاط الدعم والمقاومة .