((@ استشارات واستفسارات فنيّة @)) ...... 2

[3lgm]

مساء الورد المعطر ابومبارك باسالك عن الكويتيه للاستثمار بس لقيت التحليل حاطه بصفحة الكويتيه قلت اسلم عليك واخبرك دشينا على الكويتيه بال102 قلنا فرصه لكن كوعت والله يستر

يا مساء الجوري والياسمين , هذا سهمي المفضل , ومن باجر معاكم بإذن الله , السهم خفيف ومرغوب لا تحاتيه كلش إلا إن كسر الـ92 لا سمح الله , استبعد هلشي حيل ليش طلع خارج قناة البولنجر ومؤشراته تشبعت بالبيع ولازم يرتد , أول مقاومة 114 , 120 الثانية .

 

[امرك عجيب]

كبير يبومبارك دامه سهمك المفضل راح افوضك بالبيع عسى الله يحفظك

 

[على نياتكم ترزق]

سلامات بو مبارك وخبرنى عن منشات هل ممكن ينزل اكثر من هذا تالنزول

 

[ابواسامة]

ما تشوف شر يابومبارك ، وسألت عن التنظيف بس ما لقيت الإجابة ... الظاهر ماشفت السؤال من زحمة الأسئلة ماشاالله ... وشكراً

 

[بوسالم]

علقم المدلقم عسى ما شر انت طيب شسالفة الشباب يتحمدون لك بالسلامة

 

[3lgm]

سلامات بو مبارك وخبرنى عن منشات هل ممكن ينزل اكثر من هذا تالنزول

الله يسلمك ويحفظك من كل شر يا الغالي , يخوك السهم بدون قاع ومحد يقدر يجاوب على سؤالك , ومؤشراته لو أحطها لك بتتعقد , شي صاعد وشي نازل , والسهم ما عليه طلب كلش وقت نزول السوق ولو يصير طلب بينزل , وكم رة يصير عرض بالأدنى وبعدين يشوف راعي الوحدة محد شرا وحدته فيشيلها والسهم يسلم من النزول بالأدنى , والشركة عليها التزامات وما عندها كاش , وصكوك وضعها وايد أفضل من منشآت وشوف جم سهمها , لكن قيمة السهم الدفترية عالية ومشاريعة ضخمة بمكة المكرمة وبالكويت , ويسوا الاستثمار , وأنا ناطر علشان أشوف السهم شناوي عليه ولازم أشتري فيه حق العيال .

 

[3lgm]

ما تشوف شر يابومبارك ، وسألت عن التنظيف بس ما لقيت الإجابة ... الظاهر ماشفت السؤال من زحمة الأسئلة ماشاالله ... وشكراً

الشر ما ييك يا بوأسامة والسموحة يا خوي وحقك علي , أنا ذاك اليوم كنت مقنقن وما أرمّق , فالسموحة يا الغالي مرة ثانية ز

 

[3lgm]

علقم المدلقم عسى ما شر انت طيب شسالفة الشباب يتحمدون لك بالسلامة

الله يسلمك ويحفظك من كل شر يا بوسالم , لا والله يا خوي ماني بصويحي واليوم أذوني هم ما أسمع فيها , كملت صرت شايب رسمي .

 

[3lgm]

وعن إذنكم وتصبحون على خير .

 

[debtor]

الله يحفظك ويسلمك يا الغالي

ويعطيك الصحة والعافية

 

[ابواسامة]

مسموح يابومبارك ، وماتشوف شر انشاالله ، وشكراً جزيلاً على مساعدتك الدائمة لإخوانك المتداولين

 

[ريكاندو]

مشكور بومبارك وماقصرت يا اخوي

 

[فرقد]

ماتشوف شر ابومبارك اجر وعافيه
يالغالى شرايك فى الصينيه

 

[(المتمكن)]

ما ترا بأس يابو مبارك ويعطيك الله الصحه والعافيه
لاهنت بغيت اشوف انابيب وين رايح اليوم تدبست فيه على 170
ابيع ولا اخليه عندي
والساحل
ومشكور مقدما

 

[بوسالم]

لا باس عليك ما تشوف شر ,,, خلاص شكلك راح تدش ويانا نادي الشياب

 

[3lgm]

الله يحفظك ويسلمك يا الغالي

ويعطيك الصحة والعافية

الله يرحم والديك يا الغالي

مسموح يابومبارك ، وماتشوف شر انشاالله ، وشكراً جزيلاً على مساعدتك الدائمة لإخوانك المتداولين

ما تقصر يا بوأسامة والله يجزاك كل خير

مشكور بومبارك وماقصرت يا اخوي

تامرني أمر يا الغالي

ماتشوف شر ابومبارك اجر وعافيه
يالغالى شرايك فى الصينيه

الشر ما ييك ما تقصر

 

[3lgm]

لا باس عليك ما تشوف شر ,,, خلاص شكلك راح تدش ويانا نادي الشياب

لا وين انا من المؤسسين يا بوسالم , والشر ما ييك خيي ورحم الله والديك

ما ترا بأس يابو مبارك ويعطيك الله الصحه والعافيه
لاهنت بغيت اشوف انابيب وين رايح اليوم تدبست فيه على 170
ابيع ولا اخليه عندي
والساحل
ومشكور مقدما

الله يسلمك ويحفظك من كل شر يا الغالي , لا تخاف من أنابيب حيل , السهم ما ارتد من فترة ولازم يرتد باقرب وقت , لكن أفضل دخول من الـ164 - 144 .

 

[3lgm]

المكتوب على شارت أنابيب غلط الدعم 140 , الدعم الصحيح 164 , لكن اليوم الدوخة زايدة فالسموحة يا جماعة الخير , وتصبحون على خير .

 

[فلسنى]

تمدين أ لوسمحت

 

[q8 soul]

ماتشوف شر اخونا العزيز بومبارك
يشهد علي الله سجلت بس عشان اقولك سلامات وماتشوف شر
تقديرا لجهودك في خدمة اخوانك وخواتك المتداولين