بومبارك مساء الورد مبروووك الجزء الثاني وجزاك الله خير على خدمة اخوانك وخواتك شيك الخاص
اسمحلي يا بومحمد انت سألتني على الخاص ورديت عليك على العام , لكن خيي ما ودي تبيعه وفيه نسم صعود , والسوق ما أدري شناوي عليه وباجر خميس وآخر موعد للفحص الفني مال زين , ومؤشر السوق السعري قاعد يصعد والوزني ينزل , فالأمور معفوسة ومتعومسة والواحد والله ما يدري شيسوي , والله عندي أسهم طيبة وملقطها بالموت وتعبان عليها وكلها حذفتها هاليومين والسبة هالصفقة اللي مرمرتنا , فياخوك ما أدري شقولك والجارت جدامك , والمتوسطات صارت حدر السهم وداعمته , والمفروض وبالأحوال العادية إنك تستثمر فيه , لكن الوضع غامض ومتعومس وإنت الحكم وصاحب القرار .
