ساعدوني عن جد

[زهره]

صعبه وانت بعمر ناضج انك ما تعرف اذا كان قرارك صائب, انا عادة ما اتردد بقراراتي بس اذا صار قرار مصيري بالنسبالي , ساعدوني شلون اعرف انه صح؟

 

[العاشق]

صعبه وانت بعمر ناضج انك ما تعرف اذا كان قرارك صائب, انا عادة ما اتردد بقراراتي بس اذا صار قرار مصيري بالنسبالي , ساعدوني شلون اعرف انه صح؟

زهره خرعتيناااااا شفيج عسى ماشر

وشني السالفه اللي محيرتج

وبالعاده اذااا تردد الواحد يستخير وعسى ربي يلهمج للقرار الصائب​

 

[baba عمو]

جربتي صلاة الاستخاره ?


الحمد لله وحده . فإن العبد في هذه الدنيا تمر به محن وإحن ، ويحتاج إذا وقف على مفترق الطرق أن يلجأ إلى ربه ويفوض إليه أمره ، ويسأله الدلالة على الخير . ومن أعظم العبادات حال تشتت الذهن ونزول الحيرة بالإنسان صلاة الاستخارة التي دل عليها النبي صلى الله عليه وسلم إذا قال : (( إذا هم أحدكم بأمر فليصلِّ ركعتين ثم ليقل : " اللهم إني أستخيرك بعلمك ، واستقدرك بقدرتك ، وأسألك من فضلك العظيم ، فإنك تقدر ولا أقدر ، وتعلم ولا أعلم ، وأنت علام الغيوب . اللهم إن كنت تعلم أن هذا الأمر - ويسمي حاجته - خير لي في ديني ومعاشي وعاقبة أمري فاقدره لي ، ويسره لي ، ثم بارك لي فيه . وإن كنت تعلم أن هذا الأمر شر لي في ديني ومعاشي وعاقبة أمري عاجله وآجله فاصرفه عني واصرفني عنه ، واقدر لي الخير حيث كان ثم أرضني به " )) . [ البخاري ]

 

[زهره]

صليت استخاره وما ادري

 

[بو شيشه]

خير عسا ما شر
استشيري اقرب الناس لج واللي واثقة فيهم
ناقشيهم
و وخري عنج هالعادة اللي ما تتراجعين عن قرارج لانه ممكن يكون على خطأ و وقتها تكون مو زينه هالعادة

 

[بو شيشه]

استشيري اقرب الناس لج واللي واثقة فيهم
ناقشيهم

انا موجود بو ساعة وبعدها بمشي ترا

 

[زهره]

كل واحد اناقشه من القراب يعطيني راي وهذا اللي شتتني , يعني انتوا عن نفسكم شلون تحس انك صح؟

 

[فضل]

صعبه وانت بعمر ناضج انك ما تعرف اذا كان قرارك صائب, انا عادة ما اتردد بقراراتي بس اذا صار قرار مصيري بالنسبالي , ساعدوني شلون اعرف انه صح؟

فيه حديث للرسول صلى الله وعليه وسلم انه قال :


< ما خاب من استخار وما ندم من استشار >


مادرى عن صحته ، لكن معناه صحيح على كل حال ..


1 - استشيرى من الاقارب او الاصدقاء من تثقين برأيه ورجاحة عقله

2 - صلى صلاة الاستخاره بحضور القلب .. ثم بعد الصلاه ما سيكون

تأكدى ان الله اختاره .. سواء شعرتى براحه بعد الصلاه او لم تشعرى ..


اسأل الله ان يشرح صدرك وييسر امرك ويفرج همك


​

 

[BO JASSIM 1983]

استخيري

وامشي عاللي مقتنعه فيه

واذا سمعتي الناس راح تضيعين الناس لايعجبها العجب ولا صيام شهر رجب

اهم شي القناعه الشخصيه لان حتن لو طلع غلط بعدين ماراح تندمين غير اذا مشيتي على شور احد وطلع غلط وقتها بتحقدين على هالشخص

الله يوفقك

 

[زهره]

انا اقولكم, بعد مشاكل مالها حصر سنه ونص قررت انه اروح باجر اروح اطلب بيع بيتي , اكتب هالكلام واحس دقات قلبي راح تقظ صدري من قوتها, علي كثر ما حبيت هالبيت علي كثر ما كرهني بالعيشه فيه طليقي , ما توقعت بحياتي انه ممكن يطري علي بالي انه افكر انه ابيعه لانه احس انه الخلاص الوحيد من المشاكل ولكن بنفس الوقت احس انني قاعده احط نفسي بالمجهول. ما ادري ما ادري

 

[النجدي2007]

اذا بعتي البيت في سكن بديل ولا لا ؟؟
انتبهي البيت ماينباع ومايما ناس باعوا بيوتهم وتحسفو

 

[زهره]

اذا بعتي البيت في سكن بديل ولا لا ؟؟
انتبهي البيت ماينباع ومايما ناس باعوا بيوتهم وتحسفو

في سكن زوجي اللي بخلص وما قصر خلاني ابنيه واحط فيه اللي ابيه بس بيته مو دايملي عياله من طليقاته ساكنين فيه . والفلوس قلت احطهم وديعه ما تنجاس للزمن , ما ادري شلون بطلع من هالبيت احبه بس قمت اختنق واحسه مو لي

 

[khalid592]

انتبهي مثل هالقرارات يبيلها تفكير عميق .. ولازم تحطين الايجابيات والسلبيات من بيع البيت وتدرسينها عدل .. استشيري ناس ثقات سبق وانهم مروا بتجربتج .. واسأل الله لج التوفيق ..

 

[زهره]

تقريبا الكل قاعد اقولي افتكي من المشاكل وروحة المحاكم كل يوم بسبب الدعاوي اللي رافعها بسبة البيت وكله خسرانه دعاويه ولكن الهدف فقط انه اتعب واتبهدل. بصكر هالباب باب المحاكم والطلايب بس للاسف راح لازم اضحي بالبيت . قولولي فيها شي انه لو انه الدنيا ما مشت واموري تصعبت هل صعبه انه اعيش في شقه حلوه بس ملكي؟ انا قاعده اقنع نفسي انه راح اكون فيها سعيده ومرتاحه اكثر من هالبيت

 

[ياسر الروقي]

سبحان الله اغلب المشاكل اللي مرت علي ان اغلب بيع البيوت فيها مشاكل
وكثير منها تكون بسبب صاحب البيت البائع وفي رفضه بعد توثيع العقد الخروج من منزله
قصة انك تعيش في منزل يحمل اجمل مراحل عمرك وذكرياتها شي ماهو سهل اى قلب اللي راح يبيعه
قرار ماهو سهل

 

[زهره]

اقولون فراق الشي اللي تعودت عليه اصعب من فراق الشي اللي تحبه, انا حتي دوامي تعبانه منه ومحصله الافضل بس ماني قادره اطلع لانه تعودت عليه. ادعولي الله يلهمني القوه والصبر علي تحمل هالخطوه لانها تعتبر بالنسبالي راح تكون بدايه جديده واصعب من زواج او طلاق

 

[إبن الوليد]

لاوالله ان طلعتي من البيت ، ورحتي شقة ، تبي يجيج ضيقة مو طبيعية

يمكن تنتحرين بعد ، خليج في البيت مع اعدائج ، تستانسين معاهم بالهوشات والنجرة .... احسن شي

اما الشقة .....هاي كلها جنون ، وعفاريت ... حتى جيرانج ... تفيدة وشكرية .... ومتحت ... ونبوي ....

**********

عاد انتي ترى موموضحة الصورة لنا بالضبط وبالتفصيل الممل ...​

 

[الذيبة]

يسعد صباحج اخت زهره صدقيني اخت زهرة مشكلتج محد يقدر يحلها

الا انتي ولا قصوور بالاخوان اللي ردووا انتي تعرفين السلبيات والا يجابيات

اللي راح تكوون بحياتج وشالوضع اللي راح يترتب على اتخاذج لهذا القرار

انا بوجهه نظري توكلي على الله وغيري كل شي بحياتج بالاول بتكون

صعبه عليج مكان جديد وظيفه جديدة اختلاط بناس وتكوين قاعده وعلاقات

واكتشاف شخصيات جدد هم يبيله وقت هذا مقدرور عليه من صوب الدوام

لكن البيت اقوولج توكلي على الله وغيري واشتري راحه بالج انتي متخوفه

لانها تجربه جديده وصدقيني اذا سكنتي بمكان جديد يمكن تكون

ناصيته خيير علييج وعلى عيالج , وانا اتصفح بالمنتديات قريت مشكلتج

وحسيت هالصورة حييل تناسبج

وعسى ربي يكتب ويقدم لج الي فييه الخيييررر


خلج متفائله وربي حسبج وخلي ثقتج كبييرة بربي مووووفقه خيييرررررر​

 

[هيفا]

زهره ادري انج صبرتي وايد والله يعينج

بس اذا باقي فيج صبر صبري علشان ما تندمين

حطي حق نفسج فتره محدده

مثلا عقب 6 شهور او سنه وعقبها قرري

ما تدرين يمكن تتغير الاوضاع

اما اذا صبرج نفذ توكلي على الله

بما انج استشرتي واستخرتي

وبكل الاحوال توكلي على الله سبحانه

واللي الله كاتبه اكيد اهو الخير ​

 

[ورد و هيل]

حبيبتي زهرة


مالج الا الدعاء و الصبر


و خلي القرش الابيض للايام الاكثر سوادااا



تصدقين فترة الامتحانات اهيا اللي مخليه الواحد يفقد اعصابه


اناااا اقووووول

خليج ببيتج احسن بس حاولي تغيرين جووو


اخذي اجازة من كل شي


وسافري لمكان تحبينه اسبوع


وتصدقين ب تردين نفسيتج احسن


والله خير مستعان



-​