البطوله الأسيويه لكرة القدم .. الدوحه 2011 (مناقشات وتحليلات وصور ) من المسابقه

[الذيبة]

ودي اطمن الجميع ان كأس اسيآ ..
ولا دوله من دول الخليج راح تأخذه ..
بس قولوا ان شاء الله ..
علشان الكل يرتاح ​

الله يكفينا شرك يالذيبه مو خوش تطمينه لكن إن شاء الله الكاس خليجي او على الاقل عربي وتسلمين يالذيبه

للــتــذكـــيــــرررر والــــوعــــــد جــــــــدااام ....! ​

 

[acton]

اشلون تبونا نفوز وما عندنا مهاجم يدل القول ​

اليوم اول مره اشوف منتخبنا على النت بصراحه يبيلنا هداف يخلص الهجمه
يبيلنا وسط عنده خبره في توزيع الكرات البينيه
واضح من المنتخب الاوزبكستاني فريق عادي ولو كان اقوى من هاالفريق لدخل علينا اهداف غير متوقعه
منتخبنا يعول على فهد العنزي والمطوع ووليد علي لكن للاسف لعبهم بكأس الخليج غير
الشيخ طلال قال للجماهير تبون الكاس وهو يبتسم وكأن منتخبنا منتخب البرازيل
اتمنى من الشيخ طلال ترتيب اوراقه وتغير الجهاز الفني بالكامل لاتقولون المدرب زين بس يبيلنا مدرب عالمي واحتراف كامل للاعبين وخصخصه للانديه غير هالحجي ماكو بطولات ​

 

[zizo 40]

هاردلك يا جماعه وإن شاء الله نتعلم من الخساره
أنا بصراحه مع الأخ Acton لازم خصخصه وإحتراف كامل
ليش ما نجيب لاعبين عالميين مثل الإمارات وقطر

على طارى قطر, حاليا متفوقين 2-0 فى نهاية المباراه على الصين
ما شاءالله عليهم عينى عليهم بارده

وإنشاءالله الكأس عربى

 

[Navigator]

مع الاسف منتخبنا يودع البطولة


مالنا نصيب ​

غير صحيح

المنتخب ما زال له امل في ثلاث حالات


1- الفوز على قطر 2 - 0

2- خسارة الصين من الاوزبك

3- عدم مشاركة يعقوب الطاهر

 

[B-A-1983-A-B]

غير صحيح

المنتخب ما زال له امل في ثلاث حالات


1- الفوز على قطر 2 - 0

2- خسارة الصين من الاوزبك

3- عدم مشاركة يعقوب الطاهر

وانت من صجك تبي نفوز على قطر 2/0 وعلى ارضة وبين جماهيرة واحنا ماعندنا مهاجم يخلص ولا دفاع مثل الاوادم !!!
وبعدين عبالك الاوزبك بيلعبون مثل الاوادم جدام الصين اراهنك بيسلمون الصين الخيط والمخيط واذا ذبحو نفسهم بيتعادلون وبجذي بيصير عند الصين 4 نقط يعني فوزنا مايفيدنا ربعنا ضيعو المبارة من ايدهم ولا بذمتك اقوال الاربعة الي دشو علينا اليوم والمباراة الي طافات هذي اقوال بذمتك !!!​

 

[al3mlaaq]

للاسف الخسارة اليوم يتحملها الطاقم الاداري والتدريبي بسبب تمسكهم بالمهاجم الفاشل ناصر يوسف حرام يقعد خلف وعجب وحمد احتياط وياخذ مكانهم ناصر يوسف
وثانيا ان الفريق اعلا من مستوى المدرب ومساعدة الي بالحقيقة اهو العقل المدبر واغلبنا ندري انة غوران مجرد مدرب لياغة وحمادة هو الكل بالكل

 

[ليث متواضع]

للــتــذكـــيــــرررر والــــوعــــــد جــــــــدااام ....! ​

طلعتي رياضيه يالذيبه وتوقعاتك في محلها أنا مو غسلت إيدي من الفوز إلا غسلت وجهي بعد لكن الحمدلله فرحونا الاعبين بفوز كأس الخليج وسوينا خوش مسيره على شارع الخليج والجايات أكثر وخيرها بغيرها يالأزرق وإن شاء الله المسيره الكبيره عند وصول الأزرق والتأهل إلى نهائيات كأس العالم القادم في البرازيل

 

[الصريح والصحيح]

للاسف لا نحكم با الواقع ونشغل العاطفه في كل شي ولا نعرف حتى نتكلم ؟

المنتخب ممتاز ومن فرق النخبه ولكن؟

يعقوب الطاهر ومساعد ندا والخالدي وحمد العنزي ؟ مكانهم الاحتياط

والرشيدي حارس
والمعتوق با ك يمين وفاضل قلب دفاع وفهد عوض باك شمال
جراح وطلال والانصاري محاور با الوسط قدامهم علي اليمين فهد العنزي واليسار وليد علي
والهجوم عجب وناصر يوسف
ويلعب بضغط علي الفريق الخصم
ويبدل فهد العنزي با المطوع با الشوط الثاني ويبدل خلف او المشعان بدل وليد علي با الثاني
با الطريقه هاذي يكون أن خسر المنتخب خسارته مستحقه ولكن أن لعب بروح قتاليه لن يستطيع أي فريق أسيوي أيقافه
ولكن المنتخب حاليا لونه أصفر كما هو لونه أزرق مع أن العلم الكويتي لا يوجد فيه اللونين المذكورين

 

[B-A-1983-A-B]

^^^^^^^^^^^^^^^^
اخوي العزيز لانكابر على نفسنا ترى هذا مستوى لعيبتنا ليش ننفخ فيهم ونأمل نفسنا اكثر من اللازم ؟
عن نفسي اقول كثر الله خيرهم مع الصين كنا نستاهل التعادل على اقل تقدير وهذا شي ممتاز حق فريق هواه لاتنسنى ربعنا هواه مو محترفين ،،، وخسارة من اوزبكستان كان بالامكان تلافيها بسبب اخطاء الحارس ولكن قدر الله وماشاء فعل انا برايي المنتخب ماطلع بصورة شينة بالعكس شكلة كان مقبول حتى وان ودع البطولة عكس المنتخب السعودي المنتخب المحترف وصيف البطولة السابقة هذا الي تقدر تنتقد لاعبينة و مدربة لانهم محترفين انقط عليهم وانصرف وايد بس لاعبينا هواه يزاه الله خير من يقدم هالمستوى وبكل صراحة .................

 

[قلم حر]

اللهم اجعله خير

حلمت حلم وفسرته ....

مبروك اليوم راح نصعد ​

 

[قلم حر]

اللهم اجعله خير

حلمت حلم وفسرته ....

مبروك اليوم راح نصعد ​

نسيت ما قلت لكم اليوم نصعد الطياره ​

 

[نجوم777]

بغينا هدفين وجبناهم ليه زعلانين.....

 

[بوالعيس بيك]

أنا متفائل

ولكن احساسي يقول ان الازرق بيكون أزيرق هالبطوله

لأن المهمه بتكون صعبه عليه مقابل الفرق الآسيويه​

قال بوالعيس وبوالعيس صادق

لكن بعرررف أحمد عجب ليش حاطينه تمثال ​

 

[B-A-1983-A-B]

الخالدي يزاه الله خير خل يعتزل وكثر الله خيرة تحملناه وايد صراحة لحد اهني وكافي،،، سبب رئيسي من اسباب توديع الازرق البطولة الخالدي

 

[zizo 40]

يا جماعه, دوام الحال من المحال, قبل شهر جابولنا كاس الخليج وفرحونا

مبروك لقطر وإن شاء الله الكأس عربى

 

[هيفا]

يا جماعه, دوام الحال من المحال, قبل شهر جابولنا كاس الخليج وفرحونا

مبروك لقطر وإن شاء الله الكأس عربى

ما قصروا صراحه

هذي الامكانيات اللي متوفره لهم

في فرق عندها كل الامكانيات وطلعت من البطوله

كثر الله خيرهم شبابنا فرحونا بكاس الخليج​

 

[سرور]

خيرها بغيرها .. ولكن المحاسبة للمقصرين ضرورية

 

[Navigator]

اسباب الاخفاق

1- يعقوب الطاهر

2- نواف الخالدي

3- حمد العنزي

4- احمد عجب

5- مساعد ندى

6- يوسف ناصر

فرق مجموعتنا افضل منا مستوى

فريقنا شاب وجدامه مستقبل طيب ان شاء الله ونتمنى الاهتمام بالفريق واعداده للبطولات القادمه

اهمها تصفيات كاس العالم

معدل الاعمار تقريبا 23 سنه

وليد علي بيعتزل ( ما بغى ) واتمنى الطاهر يعتزل دوليا

بصراحه ما قصروا

والصدمه تشكيلة اليوم لحد يقولي اصابات لكن صالح الشيخ شكو يلعب !!!!

الله يوفقهم