با خوي zero
انت برأيك الحركة اللي سواها يوم قط 10 الاف على الادنى وبعدين حط عرض مليون بال 275 وشراهم وصرفهم بال 80
تتوقع ما صاد وياه وايد ناس بالحركة
اقسم بالله العظيم اعرف ثلاثة انصادو اليوم بال 275 وال280
وبعدين قام يصرف اخر شي حتى بال 270 يعرض عشرة عشرة ويوهم الناس ان اخر شي بيصعد السهم ويقفل فوق
وتاليها سكرها معروضة بال 270
يبى هالحركات هذي شبعنا منها مع البحر .
اللي يسمع كلامه بالعمومية تخارج بارباح 100 % واستثمارات ب 100 مليون يورو ومصر ومادري اخرتها لوين بيوصل السهم .
الزبدة يا خوي
ان اعرف الشركات النظيفة والتشغيلية وخاصة اللي محققة ارباح اهي اللي توزع نقدي على المساهمين
مو هذيله مسوين العام 42 مليون والربع الاول مسوين 8 فلوس واخر شي يوزع منحة بدل النقدي لا ويكسر بالناس بالجمعية ويقلل المنحة ولا يبي يزيد راس المال يعني مو مكفي ارباح الشركة يبي فلوس الناس ويعطيهم ورق