دوري وصل لجابر اخذ ولا انطر هديه تكفون شورو علي

[ليث متواضع]

نصيحتي لك اخذ بغرب هديه وبيعه 300 الف 150 الف بجيبك و150 الف اشتر قسيمه بجابر الاحمد لماذا الحسد يا أخوان وانتم تدعون ربكم

 

[L.yan]

نصيحتي لك اخذ بغرب هديه وبيعه 300 الف 150 الف بجيبك و150 الف اشتر قسيمه بجابر الاحمد لماذا الحسد يا أخوان وانتم تدعون ربكم

إذا تضمن إن غرب هدية بيوزعونها أكد لصاحب الموضوع يا أخ ليث أو قوله إنك فقط تتوقع علشان الرجال يقدر ياخذ قرار لأنه حط هذا الموضوع علشان يشاوركم بسبب حيرته وخوفه من ضياع جابر الأحمد وعدم أقرار هدية وتقبل مروري .

 

[zidantheking]

نصيحتي لك اخذ بغرب هديه وبيعه 300 الف 150 الف بجيبك و150 الف اشتر قسيمه بجابر الاحمد لماذا الحسد يا أخوان وانتم تدعون ربكم

من صجك 300 ؟؟؟؟!!!!

اذا 400 متر و موقع و ثلالث ادوار و سرداب و تشطيب سوبر ديلوكس

ما تجيب فوق ال 250 هذا اذا ذبحت عمرك

و لا نتسى القانون راح يتطبق شهر 3

 

[ابو حمد الغالي]

مافي كلام اكيد عن غرب هديه واخاف اطوفها واتندم جابر حلوه وشرحه بس مشكلتها البعد وباجي منها 700 قسيمه بس علي اخر دفعتين

 

[مواطن بدون سكن]

و لا نتسى القانون راح يتطبق شهر 3

شالسالفة أخوي أي قانون، لا تقولي بيلغون قانون الإسكان وماكو سكن !!​

 

[zidantheking]

شالسالفة أخوي أي قانون، لا تقولي بيلغون قانون الإسكان وماكو سكن !!​

قانون 8_9-2008

 

[مواطن بدون سكن]

قانون 8_9-2008

تقصد قانون تقييم العقار ، والله انا أشوف انه فيه جانب من الظلم . وعندي شك في وضع أناس لهم كفاءة في تقييم العقار وضبط الأمور، ثانيا هالضريبة بأي حق تنتزع من شخص عن غير طيب نفس لأنه ما يجوز شرعا أنه يؤخذ من مال شخص إلا عن طيب نفس .
وبعدين ربعنا بالقوانين ماكو مثلهم ، يطبقون قانون وبعد فترة يلغونه وتعال ارجعي يا حكومة وعمل تعديل وبعدين تعويض للي تم تطبيق القانون عليهم ، قوانين الإسكان هي من أكثر القوانين بالبلد يدخل عليها تعديل ، ادخل شوف القوانين الإسكانية بموقع الرعاية السكنية كلها تعديلات .​

 

[ADEL ALAZMI]

لو كنت مكانك لن افرط جابر الاحمد

امسك

 

[ALSERHAN]

شييل لا تفكّر..

والله يوفقك والله يباركلك فيه مقدما..

 

[faisel 2]

احتمال دخول او حصولك على بطاقه دخول القرعه 40%لانك المتبقي من جابر الاحمد 700قسيمه فقط وانت طلب شهر5من سنه96.وآخر توزيعه وقف الدور شهر 8من سنه95....يمكن ما تحوشك جابر الاحمد ولا يقرون غرب هديه وتفلس من الثنتين وتاليتها صباح الاحمد صح كلامي ولا غلط ...

 

[CENTRALBANK]

عن نفسي حسمتها طلبي 8/95 لاني خفت لا افلس من المنطقتين... المهم حصلت شي استند عليه لاني ناوي ابدل.

 

[ابو حمد الغالي]

رحت الاسكان وقالولي دورك وصل قبل كان لي 30-4 والحين وصل لاخر 5 ممدو شهر زياده



حدي محتار ولاني ضامن هديه ولابوحليفه

 

[al3muan]

نصيحتي لك اخذ بغرب هديه وبيعه 300 الف 150 الف بجيبك و150 الف اشتر قسيمه بجابر الاحمد لماذا الحسد يا أخوان وانتم تدعون ربكم

خف ربك اى حسد

>>> للعلم ماعقب من قبل

ولاكن شقاعد يقول هالاخ؟

شلون تنصحه يطوف جابر الاحمد وينطر سراب غرب هديه؟؟؟

عصفور بالايد ولا عشره بالشجره

ولا بعد اعطيته السعر 300 الف؟ والمنطقه مجرد كلام وآخر الاخبار تقول ان مافى غرب هديه ....

الله يعطيك على قد نيتك بس هذا الى بقوله

خل تطوفك اخوى جابر الاحمد
وبعدها انطر غرب هديه وللعلم مصرح انها ماراح تتوزع يعنى مالك على الاسكان اى حق ولا شرهه لو ماتوزعت وفاتتك جابر

جابر الاحمد لعلمك آخر مشاريع العاصمه
منطقه موقعها الاستراتيجى ممتاز
وانا اقولك هالكلام واهى متواجده وتتوزع مانى مثل الاخ الى يوقلك اخذ بغرب هديه لاحض قال اخذ يعنى واثق

الله يسامحه بس
كلمة اخذ تنقال للشى المتوفر مثل جابر وغيرها

يالغالى لاتفوتها وخل عقلك براسك

فمان الله

 

[al3muan]

الدور كان واصل لي 30\4\1996




اليوم بالجرايد تستدعي السكنية المخصص لهم حتي 30\5\1996



فانصدمت دوري شهر 5 وكنت غاسل ايدي تطلعلي شسوي اخذ ولا انطر هديه علما ان هديه اتمناها كسكن عكس جابر



ناطر

لو تكون مفكر ان الى يحوشه التخصيص يعنى ياخذ فيها بكل ثقه تكون غلطان

مو شرط لان الباقى 700 وآخر ماوصلت 1995 شهر8

والى مخصصين من شهر اربعه 1996 واجد وينتضرون على نار

ولاكن اتمنالك التوفيق وانها انشاء الله تحوشك

ولاكن املك مو كبير
واملنا بالله اكبر

وشد حيلك وروح احتياط
وانشالله ماراح تندم لــــو حاشتك

 

[bu sale7]

يا بو حمد لا يتشتت تفكيرك جابر الاحمد خوش منطقه لا تطوفها

بعدين انت تتكلم عن غرب هديه شفت موقعها شفت المنشآت اللي حولها خزانات نفط وخطوط

الضغط العالي غير صفاة الغنم والمسلخ يعني باجر راح تطلع مشكلة تلوث هذا اذا المنطقه مظمونه

اخوي وصل دوره في الدفعه الاخيره من قطاع n1 كان مثلك محتار يبي غرب هديه لكن الحمدلله

اقتنع بكلامي ودش القرعه وتوفق بموقع طيب الحين مرتاح البال عنده قسيمه

توكل على الله

ان شاء الله ما تحسف

الله يوفقك

 

[ابو حمد الغالي]

ادري الدور كان واصل لي 30-4-1996




وقبل ايام نزل بالجرايد لي 30-5 1996 وانصدمت بهالشي ورحت الاسكان وسالت وقالولي بلي اجيب عشان ادش معاهم وتشتت تفكيري وهذا الي مخليني متردد توني عرفت ان دوري وصل انا شهر 5



وناطر ردودكم توقعون هديه ارخص من جابر بالبدل بالمستقبل

 

[Q8ti]

يا شباب لا نعيش على أوهام

وحدث العاقل بما يعقل

وعصفور باليد ولا عشرة على الشجرة

غرب هدية يبيلها قرار سياسي
والشخ أحمد الفهد قول وفعل والشيخ مو مقصر وقاعد يشتغل ليل ونهار وأعتقد الكل شايف شنو صاير بالديرة هل الأيام وشلون توزيعات الأسكان شغالة على التوزيع على المخططات.

بس لو نسترجع التاريخ شوي موضوع غرب هدية يوم كان الشيخ أحمد الفهد وزير النفط لم توافق شركة النفط على التنازل عن منطقة غرب هدية، فما بالك ألحين والشيخ أحمد الفهد بعيد عن وزارة النفط.

والتصريح المذكور للشيخ/ أحمد الفهد عن غرب هدية قديم ومن مدة ومافي أي تأكيد أو نفي عن غرب هدية بل أنه مجرد محاولة.

ولو فرضنا إن النفط تنازلت عن غرب هدية في فبراير/2011
المنطقة يبيلها شغل وايد على ما تتوزع مو أقل من 5 سنوات.

وآنا بصراحة حسب توقعاتي الشخصية أقول إن مشروع غرب هدية لن يرى النور.

فالواحد اللي يبي ينتظر مشروع غرب هدية الله وياه
واللي يبي يخصص في المشاريع الحالية هم نقوله الله وياك

بس في كلا الحالتين لحد يتحسف بعدين ويقول با ريت سويت جذي أو يا ريت نطرت. إنت بس توكل على الله وعزم على اللي تبيه والله يبارك لك إن شاء الله.

مجرد كلام وتفكير وإستنتاج...

 

[ابو حمد الغالي]

اف شكلي باخذ وتوكل علي الله

 

[ابو عبدالله htc]

ابوحمد نصيحه اخويه لاتطوف جابر روح وخصص لافات الفوت ماينفع الصوت ماتسوى باجر تندم الحين الفرصه قدامك اتمنالك التوفيق

 

[اللمبى]

ابو حمد تراك اذيتنا اخذ ولا مااخذ ناس تدور سقف يسترها وانت من 6 شهور محتار وجابر تبعد 35 كيلو عنك انت رايح مشى ولا تبى قسيمه جنب بيتك

جابر الكل يتمناها وانت متردد وبعدين من قال انها راح تحوشك

بو حمد تبى رايي اخذ وفكنا من حنتك_______

اتغشمر وياك توكل على الله اذا حاشك جابر بدل ماتفلس من الاثنين

​