دوري وصل لجابر اخذ ولا انطر هديه تكفون شورو علي

[ابو حمد الغالي]

الدور كان واصل لي 30\4\1996




اليوم بالجرايد تستدعي السكنية المخصص لهم حتي 30\5\1996



فانصدمت دوري شهر 5 وكنت غاسل ايدي تطلعلي شسوي اخذ ولا انطر هديه علما ان هديه اتمناها كسكن عكس جابر



ناطر

 

[L.yan]

غرب هدية طلع عنها خبر يؤكد الموافقة عليها في جريدة الراي قبل حوالي 5 ايام وحاولت ادور الخبر وما قدرت القاه وياليت احد يفيدنا عن الخبر او ينقله لنا.

 

[بومحمـد]

بالتوفيق
مدينة جابر روعه
و 100% تابعه لمحافظة العاصمه

انا أقول أستخير فما خاب من أستخار

 

[q8_king1]

انصحك ياخوي انك تقدم علي جابر وتاخذ فيها والعلم عند الله يمكن يطلعلك موقع شيخ تبني البيت وتبيعة وتشتري احلي بيت بالمنطقة العاشرة ولاتنسي انة مدينة جابر منطقة مرغوبة واسعارها حلوة وقريبة علي العاصمة والكل يتمناها وبعد مدينة جابر ومدينة صباح ترة مافي مشاريع قادمة غير الخيران الي ليلحين مافي خبر عليها ويبيلها لايقل عن 5 سنوات حتي تخلص فنصحية اخذ وتوكل علي الله وغرب هدية يمكن ماتطلع ولاتعلق نفسك بشي ماهو اكيد وهذة بيت ومستقبل لك ولعيالك

 

[life-enginer]

طير بيدك ولا عشره على الشجره

اذا ما عندك كاش تشتري لا تنطر وهم

وخصوصآ ان اسعار هالمناطق اغلى من المنطقه العالشره


تقدر بعدين تبيع او تبدل وتحط الزود بجيبك


او تاجرها هناك وانت تاجر بالمنطقه اللي تبي

 

[شاهين الشاهين]

توكل على الله
جابر الأحمد سيتم توزيعها
غرب هدية للحين كلام
تبي أرض ولا كلام وتصريحات ...... اختار

 

[أعرابي]

فعلا جابر أصبحت بالنسبة لك واقع لكن غرب هدية مازالت أحلام و تصريحات و إلى أن تصبح على أرض الواقع كم يبيلها سنة ليمن ينعملها بنية تحتية و كم ليمن تتوزع و تبني فيها .

 

[الحريه وطن]

في ظل الازمه اللي تعيشها الكويت من عام 1978

اقول لك لاتطوف البيت المبروك وهج

 

[شاهين الشاهين]

ابو حمد الغالي
أنا من الصبح أدور مشاركاتك
كنت تتمنى أن يصل الدور لشهر 5 - 1996
لما شف الخبر حبيت أبلغك لأنك ستدعولي
والحيين ما تبي ........... روووووووووووووووووح خصص ولاتتردد

 

[ابو حمد الغالي]

والله كنت رايح سالئل قالولي ماتوصل شهر 5 وانصدمت لما عرفت وصلي الدور وماودي اخذ بس القرار صعب

 

[مواطن بدون سكن]

والله كنت رايح سالئل قالولي ماتوصل شهر 5 وانصدمت لما عرفت وصلي الدور وماودي اخذ بس القرار صعب

أذكرك بتصريح نائب مدير الرعاية السكنية صبحي الملا :

" غرب هدية لاتزال أرضاً مهمة للاسكان من وجهة نظرنا .. "
أبشر بالخير الفال لك ​

 

[طارق55]

توكل علي الله وأخذ فيها .. لانه هناك احتمالين :

1- ماتطلع منطقه هديه وبهذا تكسب انت منزل لك وللاهلك وعيالك

2- تطلع هديه .. فتقوم انت وتبادل فيها في بيتك مع احد من سكانها .. لانه لابد ان يكون فيها من يبي القرب من اهله في صليبيخات او ماجاورها .. فمن وسط الاف من الناس هناك الكثير من يرغب في جابر الاحمد ..
وفي كلا الحالتين انت الربحان

 

[الرجباني]

اذا مالك نيه انا اعرض لك طلبي 2001 وفوقهم 10 الف
واذا ماصارت لك هديه عندكم ياهل المنطقه العاشره صباح الاحمد ومساحتها 600 متر

 

[haddaq8]

أخذ يالغالي و توكل على الله ، منطقة جابر موقعها ممتاز و ما راح تحصل أحسن منها ، و غرب هدية ما زالت أمنية و غير واقعية ، و خلك واقعي و لا تعيش بالأحلام بعد كل هالنطرة ، ارحم نفسك و عيالك و أخذ الأرض ، و مبروك إن شاء الله

 

[ابو حمد الغالي]

والله محتار بشوف ردووودكم وبستخير



وللعلم تبعد عن بيتي 35 كيلو




بعيده حيل

 

[ابوفيصل_]

طيب ومنو قالك انك راح تدخل قسايم هدية لو نزلوها

اعتقد الكثير من الطلبات المتراكمة من سنة 92 ناطرين هدية

انتبهـ والله يوفقك .. مستقبل مدينة جابر عامر وافضل من هدية

 

[faisel 2]

والله محتار بشوف ردووودكم وبستخير



وللعلم تبعد عن بيتي 35 كيلو




بعيده حيل

ابو حمد الغالي اركب سيارتك وأشوف أرض غرب هديه على أرض الواقع..

 

[zidantheking]

35 كيلو بس ؟؟؟؟؟

حرام عليك كلها نص ساعة


عيل شتقول حق الي بيته بام الهيمان و بيت ابوه بديرة ؟؟؟؟؟؟؟؟؟

 

[ليث متواضع]

حرام حرام حرام تاخذ بجابر الاحمد وتخلي غرب هديه احتمال كبير شهر 4 القادم يوزعون غرب هديه من صبر قدر وان شاء الله الكل يحقق حلمه

 

[ياسر الروقي]

والله محتار بشوف ردووودكم وبستخير



وللعلم تبعد عن بيتي 35 كيلو




بعيده حيل

ترى اخوك يعيش نفس حالتك ورحت اليوم وخصصة بجابر الاحمد
مع بيني وبين غرب هديه جسر الا ان جابر مستقبلآ افضل منها
والنيه اني اسكن واستقر