سافرت ناوي أترك الجرح../ بسْكـات
لقيـت غيـره بالسفـر يحترينـي..!
مدري النهايـة / عـوّدت للبدايـات !
مـدري البدايـة / ماتبـي تنْتِهينـي !
للدرب ذكرى / ودمعتيـن / وحِكايـات
والليل يرسـم مامضـى مـن سنينـي
حاولت أهرب عن حنينـي / مسافـات
بس وييين أهرب؟ والمسافة / حنيني !
جاب الزمن.. فوج الجروح القديمات..
ثم حطّها مثل القِـدر فـي جبينـي..!!
هذا ثمان سنين / هـذا عمـر فـات..
هذا الذي.. من خيـر الأيّـام فينـي..!
هذا حزن أمسي / وهـذا حـزن آت..
والمقْبلـه أحسّهـا../ جَرّهدينـي..!!
أسْري على فال الدهـر والمتاهـات..
مقْفي.. ولادري وش ورى خطّوِتيني..!
مـرّات تسألنـي عيـون المحطّـات..
مرّات أسْألها.. أنـا صـرت وينـي..؟
طالت مشاويري على كَفْ الآهـات..؛
والضيق والحسْرة غدتْ وِجْهَتينـي..!
أخايل أوْهام الأمـل وَ الأمـل../ مـات
أدري ، ولكن وش طلع في يدينـي..؟
مدّيـت حلمـي للـمـدا والمـمـرات
ماقلت يادروب الأسـى../ رجِّعينـي !
شيّلت من حمل الزمن كـوم ضِيقـات
ماثقّلـت بحْمولـهـا../ دمْعتيـنـي !
صابر على حكم القـدر.. يـا نِهايـات
باقي على روح الأمـل.. يـا سنينـي
رحّال أبقى.. فـي عيـون المحطّـات
مفقود أدري.. فـي مسافـةْ حنينـي !
ببقى على عناد الدهـر وَ المتاهـات..
شامخ.. ولا هز المدا رمش عينـي..!
الشاعر / سعيد السعيدي
خوش قصيده .. يعطيج العافيه على النقل
