₪∫ ∫ ∫ ∫ ∫.»عطني قصيدك!! وهاك خذ مني قصيدي..!«.∫ ∫ ∫ ∫ ₪

[naser ahmed]

جف المداد وكلامك كله خداع
الله يعينك يا بو نوره على الليله
بتطرب وبعدها هدومك بتنباع
كيد النساء وأعمالهن الجليله​

 

[النايفه]

‏​يا رفيقي ماعلى الدنيا حسافھ
في ربيع العمر خذ مني نصيحھ
يمكن إني جيت من باب اللقافھ
واللقـافھ للبشر عيب وفضيحھ
لكن الدعوى بسيطھ والمسافھ
أقرب من الدمع للعين الجريحھ
واللـّھَ إن قلبي مقر للنظافھ
ومن تكلم في قفاي ‏​‏​اللـّھَ يبيحھ
الكتاب يبين شرحھ من غلافھ
وما يعيش إلا من أخلاقھ صريحھ
الهوى في ذا الزمن كلھ سخافھ
والنفوس بحبها صارت شحيحھ
والمذلھ فالهوى للعمر آفھ
والجمل لي طاح يامكبر مطيحھ
من يوقف في طريقك لا تخافھ
دوس قلبھ وأبتعد بأرضٍ فسيحھ
واحد شغلھ مثل شغل الصحافھ
لو ينابح لا تفكــــر في نبيحھ
ولا تصدق واحدٍ هرجھ خرافھ
أكثر علوم البشر ما هي صحيحھ.

​

 

[داشه عرض!!]

قلت مايصير ادش وماشارك يمكن يحالفني الحظ واكتشف موهبه يديده

شوفو الشعر ياني الهام بنفس اللحظه

((ياطير انا البارحه مانمت الليل ونيت جنيت حنيت ودخت وحشيت جمبلو جومبو ليله كتوموتو يا حلوه يابطه هيلا يارمانه الحلوه زعلانه ))


شجعو الطاقات الشبابيه بليز === النايفه شرايج انفع

 

[النايفه]

بصراحه



جرحتي ذائقتي الشعريه

حرااام والله حرام ،،، ليش ما تنزلين كاتالوج شعري للمونولوج

 

[داشه عرض!!]

بصراحه



جرحتي ذائقتي الشعريه

حرااام والله حرام ،،، ليش ما تنزلين كاتالوج شعري للمونولوج

من قدي وااااااااااي

[/url]مركز تحميل الصور[/IMG]

 

[اسواق]

يا صآحبيْ لآ مرّك آلشوق و إشتقت
.........إذكر , ترىَ صآحبك ميّت بـ شوقه !

ودّه يسآبق سير الأيآم و آلوقت
..........و يحضن غلآك و يزرعه فيْ عروقه !

 

[النايفه]

‏​​إِنْ كَآنْ رِيَّحَ الهَيَّلْ يِشـتَاقْ لِلِضَيَّفْ..!
دِلالِنآ تَبكِـي عَليكُـم مِنْ إلشُـوق..
يآزِيَّن مَجلِس بِهْ رِفيقٍ عَلى إلكَيَّفْ..!
وَجهِهْ بَشُوْش وضِحكتُه كِلهَآ ذُوَق ┉↠​

 

[النايفه]

من يلوم العين لو هلت دموع
ومن يلوم القلب لو صفق وصاح
لي حبيب راح ماطرى الرجوع
ليتني ودعت زوله يوم راح
اه من قلب كفخ بين الضلوع
مثل كفخ الطير مكسور الجناح
ليتني وسط الخلا وأعطش واجوع
ولاسمعت اللي نعى هاك الصباح
ساهره ياسعود والعالم هجوع
ليت من هو مات قبلك واستراح،،،​

 

[يوسف_007]

افتح ضلوعك وأجمع الخير والحب
,,,,,,,,,,,,,,,,,,, اليــــــوم جمعـــــه والله الله بالأسباب
سامح ترى من سامح وقال : يــارب
,,,,,,,,,,,,,,,,,,, يفتح له الله في سما رحمتــه بـــــاب​

 

[يوسف_007]

الطفل .. يصغي للنصايح على الصغر ..
وأعظم نصيحه .. قولتك ( قوم صلي ) ..

والأعظم .. إنه يكتسي صدرك الطهر ..
والأجمل .. إنك قبل طفلك .. ( تصلي ) .. ​

 

[النايفه]

اضحــك كني رايــق البـــال خالــي ... والنــاس تحســدني وأنا أمـوت بسكــات،،
​

 

[يوسف_007]

يكفيني بس انت لامن قلت وشلونك ؟؟


............... تطيب كل الجروح ويختلف لوني


اذا غبت عني شعرت بلذة طعونك


............... وان شفت زولك شعرت بقيمة عيوني


يمكن اكون { أعز الناس بعيونك }


.............................. بس انت والله { كل الناس بعيوني }
​

 

[شموس]

انا لاقلت لي شلونكـ وانـا ضايـق اقـول بخيـر
مدامك سائـلٍ عنـي اكيـد ان ضيقتـي راحـت


انامن كثر ماحبـكـ اشوفـكـ فـي عيونـي غيـر
تضيق النفس من غيرك ولامـن شفتـكـ ارتاحـت


احبك كثر .. ماتطـري فبالـي وتشغـل التفكيـر
كثـر .. ماشيلـك بعينـي ونـاسٍ منهـا طاحـت


احبك كثر .. ما ادمح خطـاك ان خانـك التعبيـر
كثر .. ماخانت الرفقـه بكتـم اسرارهـاوباحـت


احبك كثـر .. صقـارٍ تولـع فـي محبـة طيـر
كثـر .. مادلـة الطيّـب بريحـة هيلهـا فاحـت

احبك كثر .. ماحس بشعـور انـي عليـك اغيـر
كثر .. مازيح هالغيره عن افكـاري ولا انزاحـت

احبك كثر .. مالك داخلـي حـب وغـلا وتقديـر
كثر .. ماغبت عن عيني ودموع امفارقك ساحـت


تصدق !! من عرفتك صرت احبك .. واكره التغيير
وانا اللي كنت اعشق كـل نجمـهـ بالسمـا لاحـت


تأكد كـل ماتسئـل عـن احوالـي اكـون بخيـر
مدامك سائـلٍ عنـي اكيـد ان ضيقتـي راحـت​

 

[يوسف_007]

هذي : مراجلِنا / وهذي ~ مراجلهم !
............. وكلن : يحمل بـ إيده / " شِبيهَه



​

 

[النايفه]

استأذنك .. بسافـر ايـام .. وآجيـك
وان طالـت ايّـام السفـر .. لاتحاتـي

حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟

تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي

حتى يدي .. ماودّهـا تفـارق يديـك
ساكت .. وانا اشوف البلا في سكاتـي

ماشفتني لارحت منك .. التفـت فيـك
بـلاي والله (( روحتـي والتفـاتـي))

لكن قبـل مـاروح .. ودي اوصيـك
وانت الوحيـد اللـي يقـدّر وصاتـي

لاحدٍ سالك .. وقالك ((وين مغليك؟؟))
قلـه: "لـوازم لاقضـاهـا بيـاتـي"

وان طروا النسيـان .. مانـي بناسيـك
يـاراس مالـي فـي الحيـاه .. وغناتـي

وان طروا السلـوان .. مانـي بساليـك
طيفك معي حتـى وانـا فـي صلاتـي

قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي

لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي

انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي

غلاك .. مثل الحكـم عنـد المماليـك
اكبر طموحـي .. لا .. كـل امنياتـي

شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))

احـاول اذكـر .. اي شـيٍ يطريـك
"واقول هو سوا .. وانـا ذي سواتـي "

كني مـوادع .. كـل شـيٍ حواليـك
وكني حسبت حساب ((حزة وفاتـي))

احب .. لاني مقدر انسـاك .. وآبيـك
ولا اقـدر اخليـك .. ياللـي تحاتـي

معنى احب .. وماقدر انسـى واخليـك
((يعني بدونك ويش تسـوا حياتـي؟))​

 

[جواهر]

ماكتبت الغياب وفي يديني حضور
غصب قلت السحابة في غيابك ظما
متعب وجيت أدور في لياليك نور
ملني الجدب أحاول أنتهي بي سما

 

[دنياء غريبه]

ياللي تسأل عن جديدي و وين ودَّاني الخيال ..
تحسِب إنِّي بالقصايد أكتب إحساسي .. وأبالي ..

ما دريت ..! إنْهَا حرُوفي كلَّهَا ظيييم الليال ..
وكل قصيده في غيابك قلتَهَا , وآنا لـ حالي ..!




.​

 

[النايفه]

[YOUTUBE]Agqx-sr8XWM&feature=youtube_gdata_player[/YOUTUBE]​

 

[دنياء غريبه]

أبًسألكْـ يآللٍيلْ هٌوْ بآقًيْ أحبآبْ ؟!
ولآ " الوٌفـــآ " مآلًهْ بهالوقتْ قٍيمًـهْ ؟!

اللًيّ بقآليْ دمعًــهْ تًحْرٍقْ الأهْدآبْ
وأحلآمْ خلقتْ فٍيْ حًيآتٍيْ يتٍيمـــــًهْ


.​

 

[دنياء غريبه]

نيتنا نرجي ربنا خالق الكون
نكسب رضاه ويشفع اليوم لينا
ربي دعيته عد ناس(ن) يلبون
عساه يقبل دايم(ن) لا دعينا
من دون فضله مالنا بالقدر عون
يالله تفرج عسر وتجيب لينا
.​