₪∫ ∫ ∫ ∫ ∫.»عطني قصيدك!! وهاك خذ مني قصيدي..!«.∫ ∫ ∫ ∫ ₪

[إبن الوليد]

(امـرضـتـنــي )


ياوليفي دمعكم في غيابي ردّ لي
وأدري انّ دمعتك خوفٍ عليّ ومن غلاي

أنت ممرضني وأشوف المرض فيكم وفيّ
الهبوب البارده منّك هبّت في حشاي

والله انّ كبدي عليكم عراويها أضميّ
والمشارب غير هرجتك ماتقطع ضماي

كيف تستغرب بطاي ومجييّ يوم أجيّ
منك اجيك أبدون رأيٍ وأروح ابدون رأي

بعد ما شتتوّ الفكر وأخليتو يديّ
كثرت أعلوم الشماميت وأفرحتو عداي

مابعد جاني من يوم التقو بي والديّ
ولابعد مرّ المحبين منّ حوّاء وجاي

لوّ خبر به حيّ يبكي على فقدان حيّ
كان يمدي من عرفني يشاركني عزاي

جعل يسقى يوم كان الهوى ماغير غيّ
فأول الرحله مثل مبتداك ومبتداي​

 

[إبن الوليد]

(( لاتـنـتـقدونـــي ))


ياعين حرٍ على العسرات مشرافه
عيطٍ لحاليحها تصعب على الراقي

والعنق عنق أدميّ عاود لميلافه
متذيّرٍ عقب ما أروّح ريح تفّاقي

مالك من الجسم غير المتن وأردافه
زاويه خصرٍ عليه الشبر متلاقي

لفيتني لفّ سيرٍ فوق حذاّفه
وصرفتني من هوى تلعات الأعناقي

فأدخل على امّك وأبوك من التزلافه
تبتنّي بالعذاب وتقطع أرزاقي

البرق لجا المشعّف زوّد أشعافه
وأنا مشعّف غرامك وأنت برّاقي​

 

[إبن الوليد]

(( انا عند ظنك لاتخاف ))


خذت القلم من بين روس الاصابيع
وحبيت اميز سيرتي وانطباعي

عزلت من صدقان عطلةالاسابيع
وعزلت من ضحك الوجيه الصناعي

وعزلت من بنين بامالي مشاريع
جميد برد ولانس الشمس ماعي

وعزلت من زرع الخلي البلاقيع
وعزلت من رفع الثنيه رباعي

من نفعة اللي ماطلبني منافيع
جميلة(ن)في غير اهلها ضياعي

في اسواقها ماعاد لشري ولابيع
لخطيت من رفقة طويل الذراعي

اللي على الرفقه يسوقه دوافيع
هذاك تشرى رفقته ماتباعي

امايشجعني على الطيب تشجيع
والايعلمني حميد المساعي

والا ليامنه رمعني رواميع
وضاقت على كل الفجوج الوساعي

جيته ويسرلي عسير المواضيع
وخلاخفايا خاطري له وساعي

معرفته ماهي معرفة طماميع
ماتنتج الاالغطرسه والضياعي​

 

[دنياء غريبه]

النفس لاطآبت من شي طآبت

لو كان سكر صار بلسانها مرّ

والرّوح لو كبرتْ ومرضتْ وشابتْ

مثل الرياح احساسها دآيم حرْ

 

[إبن الوليد]

(( تزعل علي الكويتيه ))


هجي ترى خاطري ملموس....يابكـرتـي يالحويطـيـه

تنحري كاسـب النامـوس....معطي البواريـد خرجيـه

انا خوي لحبـس حبـوس.......مانـي خـويٍ لكـرديـه

أنـا لادك بـي هاجـوس......ماني ولـد عـن وعطيـه

ماطمن الراس حدر الروس....تزعـل علـي الكويتيه​

 

[شموس]

رجع يسأل عن أخباري بعد غيبة سنه وشهرين
..رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين
. وإهو مـا يدري الدمعة لو تراخت تسليني..

دمع.هالوجه..كنه جمع في غيبته جرحين
.. وأنا عيني بدت تدمع على حزنه وتبكيني..

يقول الدنيا خانتني وبعدك يا صقر سكين
ولا أحدن يا صقر غيرك يقدرني ويراعيني..

حبيبي ضقت بغيابك حبيبي حيل أنا مسكين
.. وأنا جيتك بهاليله وتكفـــــــــى لا تخليني..

و أنا.. لامن نطق (تكفى) عطيته لوطلب (هالعين)
..وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين
.. تراني فدوه عيونك (لو إنك جيت تشقيني)..

حبيبي لو تبي القمره عطيتك فوقها ثنتين
.. بعد لو تطلب النجمة أبنطق جيتك اضويني..

بعد هذا ضحك و..بعثرت همومه سلهم الرمشين
.. وقـــــال الله يا الطيب وأنا ظــــنيت ناســــيني..

صراحة.. حيل تحرجني يا طيب يا أطيب الغاليين
.. ولا ادري كيف بوفيلك حـــبيبي وأنت تعطيني..

بعد هذا تسامرنا وتواعدنا بعد يومين
. . ووصيته على قلبي وهو مثلي يوصيني..

تواعدنا على الجمعة ((ولا جاني ))إلى الاثنين
. ومر أسبوع والثاني وشوقي يشتعل فيني..

تصدق عاد يا السامع !!ولا جاني الين الحين
. وقبل تسأل عن أسبابه بجاوب ((وإنت واسيني))..

لأنه مــ ــ ــ ـات في حادث وأنا مت بغيابه لين
[[عرفت إني كذا ببــقى ولا أحــد يقوى يحــييني]]..​

 

[إبن الوليد]

النفس لاطآبت من شي طآبت

لانها رأت مايزعجها

لو كان سكر صار بلسانها مرّ

سبحان الله

والرّوح لو كبرتْ ومرضتْ وشابتْ

تشيب وتزداد خوفاً

مثل الرياح احساسها دآيم حرْ

فعلاً لانستطيع ان نوقف الرياح

هكذا هي دنياء / عقل رجل رشيد في جسد فتاه رقيقه ​

**********

طب خذي هذه القصيده ​

ليلاي يا حلم الفؤاد الحلو يا دنياء الفتون

يا ربة الشرف الرفيع البكر والخلق الرصين

يا جمرة القلب الشجي وحجة العقل الرزين

صنت الهوى ولم أحد عنها فيا ليلاي صوني

عودي إليه واسمعي نجواه في ظل السكون

ليلى تعالي واسمعي وحي الضمير وحدثيني

ودعي العتاب إذا التقينا أو ففي رفق ولين

لم لا وعمر فتاك أطول منه عمر الياسمين

ليلى إذا حل الرحيل وغص قلبك بالأنين

ورأيت أحلام الصبا والحب صرعى في جفوني

وإذا مشوا بجنازتي ببنات فكري شيعيني

وإذا دفنت فبللي بالدمع قبري واذكريني​

 

[النايفه]

آه .. يا شين إنكسارات النخيل ..
وآه .. يامقسى الكبير إليا .. صغر



​

 

[نجوم777]

من تجربة حبك وصلت لقناعه
إذا بغيت إنسان يغليك .. خونه
يشتاق لك أربع وعشرين ساعه
دامك تخونه شرط تاخذ عيونه

 

[جواهر]

دآئِماً كونوا سُعدآء !
ليس لأن الدُنيآ مليئَه بـِ الأمور آلتيْ تُسعدكُم !
بل لأن [ إبتِسآمتكُم ] قد تكون سبباً
لـِـــ سعآدة الأخرين​

 

[إبن الوليد]

(( تـــوبه عن قصيد الغزل ))


انا لاعرض لي غافل القلب مدلاه ..... وجهت له وانا عميق صوابي

ودتني الرده تدابير الإله ............وشاروا علي مدورين الحصابي

قالوا لي الرده لشرواك ملهاه....... درب البطاله به خمال وعيابي

عجل علينا يوم محملك درناه ...........مع صلاة الأوله لا تغابي

واذن وحط سهيل على يمناه ........يبون دار المكرهه والعذابي

يوم التفت وقالوا الرأس طفناه ...... عضيت في روس الاباهيم نابي

ماضدني واركى ضميري على اقصاه...... واكلف عيوني في شديد العذابي

واليا قضبته تبت عن كل مشقاه ...... وطويت عن كل العذارى كتابي


انا آسف ​

كل القصائد من ارشيفي

 

[إبن الوليد]

((تتوب ولا بعد )) خلاص والله اتوب


الله من قلب بحل بانقسامه...... من ماتصور له غدا الراى مقسوم

تدعيني الجهيل يم الغشامه...... يبوني معهم بدرب الجهل دوم

وانا خلصت ولا بقى لي لوامه....... اخذت حقي في سنيني وبشوم

مابي شكاويهم ولا هي لزامه ..... اليوم انا لدعايه الحب مظلوم

واللي بنفسه للمحبه عزامه .... اعطيه مني دفتر الحب تسلوم

ولاني على المجبور راعي شتامه .... بس انصحه بالعذل والسد مكتوم

راعي المحبه مايلحق ملامه ..... انا عقب وقت مضى ماالحقه لوم

راعي الهوى لو راس ماله حزامه...... كنه من افكاره ملك خزنة الروم



​

 

[إبن الوليد]

(( وداعاً ياشعر الغزل ))


قال من هو في تماثيله لعب ..... كون المعنى وجابه باحتساب

يوم اقول الجبل ماقصدي طرب..... اتغزل في مليحات العذاب

الهوى والغي عن بالي ذهب...... بالتنازل عنه وقعت الكتاب

مايصير الغي للعاقل شنب.... لو جهل بالصغر يرجع يوم شاب

يوم انا مجهول والجاهل صعب..... خذت لي غرقات في سن الشباب

هام قلبي في غرامه واكتسب..... مادريت كسبته رجا وإلا عذاب

ومن نصحني قلت مالك طلب..... كان تطلب شي قدم لي كتاب

متعب نفسي وغيري من تعب...... الولع راعيه حالاته تعب

من حياض الحب قبلي من شرب.....مثل غيري خذت لي بضعه شراب

يانديمي لو مااخاف من الغضب ...... مافتحت لغيرها بالشرب باب

بس قلبي عقب ماشاف ارتهب....... خاطري من مارد الجهيل طاب


طاب طاب طاب...... .... فكر شوي


انتبهت ان الجهل تركه وجب..... واجتناب الجهل هو عين الصواب

الفخر للي عن الجهل اجتنب.... الجهل للدين والمذهب خراب

كل خلقك مايفكون الحسب..... يلتجون برحمتك يوم العذاب

يا آله ما يمن اليا وهب .... من طلب عفوك ولطفك مايخاب​

 

[قلم حر]

((تتوب ولا بعد )) خلاص والله اتوب


الله من قلب بحل بانقسامه...... من ماتصور له غدا الراى مقسوم

تدعيني الجهيل يم الغشامه...... يبوني معهم بدرب الجهل دوم

وانا خلصت ولا بقى لي لوامه....... اخذت حقي في سنيني وبشوم

مابي شكاويهم ولا هي لزامه ..... اليوم انا لدعايه الحب مظلوم

واللي بنفسه للمحبه عزامه .... اعطيه مني دفتر الحب تسلوم

ولاني على المجبور راعي شتامه .... بس انصحه بالعذل والسد مكتوم

راعي المحبه مايلحق ملامه ..... انا عقب وقت مضى ماالحقه لوم

راعي الهوى لو راس ماله حزامه...... كنه من افكاره ملك خزنة الروم



​

انت يا حشر ما راح تتوب


ياحمود كانك حرت من صورة الزين .... وشلون انا الي قد لعبت بشعرها

ضميتها ياحمود بين الذراعين ,,,, وداعبت عقدن هايمن في نحرها

الغرسة الي نادره بالبساتين ..... قطفت انا ماطابلي من ثمرها

وان كان تنشد ياصاحبي عن الزين ,,, الزين في جده وشاطي بحرها

وان كان تنشدني حصلتها وين .... بالقاهره يوم التقا بي قدرها

حصلتها ياصاحبي يوم الاثنين .... وسط الهرم بالزين كلن ذكرها

احبها عد البشر والملايين .... واحبها عد الورق في شجرها

وعداد حروفن سجلت بالدواوين ... وعداد رمل القاع ويا حجرها





​

 

[إبن الوليد]

قلم حر

والله تايب من زمان بس عندكم في المنتدى كانت لي رساله تخاطب كل العقول ، واظن اني خاطبتها كلها .

واسأل العاشق يوم سألني على الخاص وقلت له انا اخاطب كل العقول حتى ........... اكمل الفراغ ​

 

[جواهر]

كِنتْ غـافِلْ في حياتي وكِنتْ أجْهَلْهَا الأمور
لِينْ ربِّي له هدَاني .. وصِرتْ أدَوِّر لِي أجر
لا تقول: أعيش يُومي دامي في عمر الزهور
منت ضامِنْ عُمركْ الباقي .. وقَطَّافْ الزهَر
قبل لا تبدي الخطِيئه وتبْنِي لِذنوبك جسور
خافْ مِنْ ربِّكْ وفكِّـر في وعَد يُوم الحشر

 

[النايفه]

بعض الكلام أحيان خنجر .. وسكين
إن ما طعن .! شق الصدر حيل وأدماهـ

وإللي سأل عن إبرة البنج .. مسكين
للبنج وقت .. لي إنتهى صاح : ويلآهـ .​

 

[جواهر]

افطن لوقتك لو بدالك بصافيه
الوقت مايرحم ولاهوب ياوي
راعي الردي ياصاح بالك تخاويه
من رفقته لابد تشوف البلاوي
دور ع اللي يرفع الراس طاريه
ون ماحصل ماهو ضروري تخاوي​

 

[النايفه]

‏​‏​ياقبر ماني طيب عقب راعيڪ

اللي رعاني صار عندّڪ نزيلي

اغليڪ انا ياقبر مــَــن حب غاليڪ

مرحوِم ياراعي الوِفا وِالجميلي

ياللي سڪنت القبر صوِتي ينادّيڪ

موِتڪ جرح قلبي وِهدّيت حيلي

​

 

[يوسف_007]

كآتم ... وعمري للمخآليق مـآ بحّـت.
............................. حتى ولو طآلت آلأيآم...مآني بـ/ قآيل

أبيهم يقولـون بكـرّه ليـآ طحـت
............................... بلآه وآلله... كثر مـآ كـآن شآيـل ​