عندي 8000 د.ك بأي سهم استثمرهم بعد العيد

[knm]

ابني لك مسجد في كينيا

وفي كل آذان ستشعر بلذة

تساوي الدنيا ومافيها

 

[q8_king1]

اذا حاب تستثمر نصيحتي شوفلك شركة تشغيلية تحقق ارباح ولها اسم بالسوق وراقب حركة السهم حد الادني للنزول والحد الادني الارتفاع وشتر بالنازل ونطر لحد مايرتفع وبيع .....ولاتستعجل اذا مارتفع الانة يحتاج وقت واذا تحب المخاطرة دش علي شركات ورقية مضاربية ولاكن بوقت نزولها وبيع بسرعة عند الارتفاع وانصحك بشركة الصفوة بس المخاطرة عالية

 

[fahhad76]

افضل دخول للسوق اذا شفت ازمه نزول قويه ,, دش وانسى السوق شوى واخذ الدبل.

هذا سوقنا الكل يعرفه.

 

[HEATER]

انا قبلك دشيت السوق ب 150 الف وبقيت استثمرهم وتبخر 75 % من المبلغ وطلعت من السوق الكويتي التعيس ودشيت السوق الامريكي بالمبلغ المتبق وطار كل المبلغ ومرت جم سنه ودشيت مرة ثانية للسوق الكويتي لكي اعوض خسارتي اللي قبل مسوي نفسي خبير بعد الخساره الاولى وعندي خبره بالسوق ودشيت بمبلغ 100 الف قبل كم شهر وايضا تبخر المبلغ الي 23 الف لغاية يومنا هذا بصراحه الاسهم ما لها امان وكل اللي اعرفهم بالسوق خسرانيين الا ما رحم ربي يبا حط افليساتك تحت الكاشيه وخلهم للحاجه مبلغ صغير بالنسبه للحيتنان اللي بالسوق اشراح ايسويلك هذا المبلغ بس راح ايبلك الهم والغم​

 

[naserr]

ادخل على اسهم الخرافي عليهم اكشن هالايام

 

[مستجد911]

القرار الاول والخير لك

انا لو مكانك

نص المبلغ اشترى الا نماء العقارية


ونص الباقى صناعات متحدة

وانسا حتى قناة الكويت الصبح ماشغلها

والجرايد اشيل منها صفحات الاقتصاد قبل لا افتحها

ليما نفس الشهر هذا بالسنة الجاية

 

[تمويل بطيخ]

ها بشر اخوي جم صارت الـ8000 دينار؟
انا واحد دازلي مسج يقولي دش المؤشر نت
فيه واحد دش بـ8000 الاف وخلال عطله السوق سواهم 8 ملالالايين
تكفا جم صاروا فلوسك بالعطله بعد خصم الاضحيه وملابس العيد
:d:d:d

 

[ADEL ALAZMI]

ههههههههههههههههههههههههههه تمويل خليج مالك حل

عيدك مبارك

 

[مختار الزبير]

السلام عليكم اخوى العزيز ...
نصيحتى لك ابعد عن سوق الكويت لانة سوق مقاصيص وسوق ورقى بحت اذا استثنينا مو اكثر من كم سهم اما الباقى اسهم ورقية تجيب المرض نصيحتى الثانية اقولها لك وبكل فخر استثمر فلوسك بالسوق القطرى او السعودى والاسباب كثيرة جدا منها
1- شركات متينة تعطى ارباح من قبل ازمة 2008 وما بعد ولم تتاثر ارباحها بتتا انما تاثرت اسعار الاسهم فقط
2- شركات حقيقية متخصصة باعمالها فقط مثلا البتروكيماويات والاسمنت والاتصالات والنقل البحرى كل شركة ارباحها نتيجة شقلها الحقيقى فقط عكس الموجود بالكويت مجموعة فلان ومجموعة فلان والمجموعتين اغلبهم اسهم ورقية وبدون توزيعات للارباح
3- الشفافية وحماية المستثمر البسيط لايوجد سهم بالاسواق اليى ذكرتها انهار الي مالة نهاية فى اسواء الاحوال خسارة نص المبلغ اما بالسوق الكويتى الخسارة تتجاوز 90 بالمية من المبلغ المستثمر بالسوق + عدم توزيع اي ارباح تذكر من قبل 2008 الى اليوم
هناك يمكن تلاقى نزول بالسهم بس فى ارباح توزع بانتظام سنوية تعوض بعض الخسارة

 

[صانع البورصة]

ههههههههههههههههههههههههههه تمويل خليج مالك حل

عيدك مبارك

ضحكتني لا تعلم احد عاد

 

[Account manager]

بسم الله الرحمن الرحيم
السلام عليكم و رحمة الله و بركاته

من قواعد الإستثمار أن ما تدخل بكل المبلغ الموجود عندك

 

[صايد الفرص]

نصيحه لاتدخل عش الدبابير . وحطهم وديعه في البنك افضل لك .

ولاتفكر بالدخول الا بعد حل مشاكل البورصه وانجلاء الامور العايمه . وحل

مشاكل ضحايا شركات العفن الموقوفه والغير موقوفه .

 

[قناص اسهم]

ياريت من الأخوة المشرفين إغلاق هذه الصفحة لأنها صارت وايد مملة
صراحة موضوع صار حدا مليق