عندي 8000 د.ك بأي سهم استثمرهم بعد العيد

[ابوعزوز88]

السلام عليكم ،،

بما انني بعيد عن السوق صارلي فترة بأي سهم تنصحوني اعوض
جزء من خسارتي ... أما ان السوق مقبل على قاع جديد وفي موجة
نزول ؟؟؟

النصيحة ياشباب ولاتهون اختي ام ضاري بما لها من تحليل منطقي
ونظره عميقه ويعجبني اسلوبها بالتحليل ...
وهذا ليس من رهبه او رغبه ولكن كلمة حق ...

اخوكم / ابوعزوز

 

[طبعنا]

اي سهم بقروب الخرافي
والله اعلم

 

[العتيبي5525]

شوف ياحبي حط فلوسك بنك من البنوك الجيده وطلع

 

[Virulent]

نصيحة ادفعهم دفعة أول حق أودي a8 موديل 2011 و الباجي قسطهم على 5 سنين.

الحين راح تضحك على نصيحتي بس باجر راح تصف مع متضرري تمويل خليجي و ابراج و الشبكة و مجموعة الدولية و الصفاة و صافتك و صفاة عالمي و الدار و استراتيجي و الدولية للاجارة و غلف انفست و انت اللي ماشي

انت أولى بفلوسك بس المهم اشترها رمادي غامج و من داخل عنابي

 

[الهاشمى 1]

الرابطة 166 فلس

 

[الكالشو]

انا بصراحه وامانه اذا انت داخل داخل ما في اذنك ماء اخذ الاهلية على 22 فلس واربط الحزام والله يرزقك بس اذا ربحت لاتنطر بيع على 28

 

[السهم الأمريكي]

نصيحة أخ ملدوغ من جحره خمسين مرة

ركز عالمخدة اللي تنام عليها وريح بالك

 

[ابو يوسف25]

نصيحة أخ ملدوغ من جحره خمسين مرة

ركز عالمخدة اللي تنام عليها وريح بالك

كفو والله عليك هذي النصيحة الطيبه..........

ظاهره الايام انا عندي عشر الاف والثاني خمس الاف والثالث ثمانية الاف والرابع عشرين الاف

ماتبي افلوسك ايدك تحكك اخذها مني انت خسران خسران لو تربح
المال عديل الروح شي ماتعرفه ابعد عنه او تعلمه
وبعدين ثمانية الاف شتسويلك بالاسهم انا اقتراحي تاخذ دورات وتعلم نفسك وتستثمر بنفسك
اتمنى اني فدتك

 

[broaker]

المستثمرون... شراء 21.5
هذا والله أعلم...

 

[بو هباش الكويتي]

نصيحه نصيحه نصيحه ابعد عن السوق واستانس بفلوسك لا باجر تعض اصابع الندم __ اقسم بالله لو يرد راس مالي ماعتب السوق لو يقولون السهم رايح عشرين دينار

 

[مرتضى منصور]

بوعزوز نصيحة لا تدش السوق وانت غشيم والله اتمنى لك الخير علشان ماتشوف بيزاتك تتبخر جدام عينك والتحسر شوف لك مشروع صغير طق طق فيه ابرك لك إذا دشيت السوق راح تحس بجميع الاحاسيس السلبية والايجابية مرة ودك تبجي ومرة تظحك ومرة ودك تطق راسك بالطوفة

 

[بحريني صغنون]

الاثمار حاليا يحقق ارباح وارباحه في تصاعد

 

[عاشق الجنة]

استخير والله يوفقك

 

[fayoona74]

خش فلوسك ابركلك ولا تغلط غلطتي ماطعت وضعت

 

[شقا البورصه]

دش على عارف يوم الاحد وادعيلي
واذا خايف راقبه لانه ( معلق ) والله مااملك فيه

 

[الوسواسي]

كفيك الي 45 فلس الهدف الاول انشالله وميزانيته طيبه

 

[حد الدوسه]

اخوي توني امدخل فلوس جديده خمس اضعاف مبلغك عشان اعوض وابرد على اسهمي ,,خسرت ربعهم ,,,,خلال اسبوعين فقط ,,,,,,سنة 2006 دخلت ب 380 الف دينار ,,,,,,,ما املك مقابلهم الحين الا ورق وقراطيس ,,,,,السوق اتديره محافظ لديها سيوله ذكيه من مال حرام ,,,وأي فلوس نظيفه تدخل تشفطها ,,,,حتى لو الف دينار !!!!!! وانت عقلك براسك واتعرف خلاصك .....

 

[سرور]

ايكاروس

 

[بورصة نت]

اخي الكريم نصيحه

انشالله بيت التمويل الكويتي ( بيتك) حسب الاخبار والمصدر اللي عندي انشالله السهم فيه 20/. صعود حتي اعلان الارباح

 

[امرك عجيب]

نصيحتى ياخييى خش افلوسك الحين وانتظر لمدة سنتين او ثلاثه وشوف الشركات اللى تفلس وللى توفى اديونها واللى اتحل مشاكلها يعنى لما تصفى الامور وبعدين دش على سوق ان شاء الله يكون نظيف هذا والله اعلم