عندي مبلغ 10000 د.ك وابي اتداول

[adel8877]

شروط الاستثمار بسوق المال :

1. حضور دورة للتحليل الفني + تحليل مالي لتكون على درايه بما يدور حولك .

2. قراءة الكتب المختصة باسواق المال .

3. عدم الاستماع الى كل مايكتب بالمنتديات .

4. الالتزام بوقف الخسارة للمحافظة على راس المال .


اذا طبقت الشروط اعلاه ادخل السوق هذا اللي اقدر انصجك فيه والله يوفقك​

5 والتوكل على الله

 

[MOHANNAD_SA]

السلام عليكم

أخوي فيه مثل سمعته في مصر المحروسة .. يقول ..

ما يمدح السوق إلا اللي ربح فيه .. واللي خسر يقول إخييه ...

شرايك ؟

طبيعي ما بتوصل لنتيجة مريحة .. 1000 يقولون دش ومثلهم بالتمام يقولون انحش .. وين تروح ؟

حاول تدرس الموضوع عدل وتتعلم مبادئ الاستثمار وبعدها استخير رب العالمين .. ودش على بركة الله ولكن بعد دراسة طويلة للسهم من كل الجوانب ..

لا تستعيل وتقول بالحق .. فرصة .. إياك إياك إياك من الاستعجال ...

ترى أخوي الفرص كل يوم بالكوم .. لا تستعجل أبدا ...

ادرس وحلل واستشير أناس ثقة .. وقبل كل شيء استخير .. وتوكل على الرزاق ..

أتمنى لك والجميع التوفيق والربح وأنا معهم
تحياتي

 

[بو فلاح]

هناك اكثر من سهم
ابيار
مجموعة الصفاة
المال

 

[سرور]

بيتك او البنك الدولي

 

[المعتمدعلى الله]

باختصار..
# السوق فيه خير
# استخير واستشير
# لاتستعجل فالفرصه موجوده كل يوم
# حط رجلك وانت واثق,اعرف إجابة(ليش بشتري وبجم أشتري وبجم أبيع)
# اقنع ولايطول أملك عندالصعود أو عندالنزول
# تخير الربح الحلال(فلوس الشبهة مافيها بركة)

 

[المهذب جداً]

لا يمكن بأي حال من الأحوال أن تشتري سهماً و أنت لاتعرف أرباحه و أداؤه التشغيلي و بعد ذلك سلوك السهم و سلوك صاتع السوق على السهم و الإنتباه للمؤشرات الإقتصادية بشكل عام و العوامل الخارجية ؛ ترى الموضوع مو لعبة !

 

[Suntan]

لا يمكن بأي حال من الأحوال أن تشتري سهماً و أنت لاتعرف أرباحه و أداؤه التشغيلي و بعد ذلك سلوك السهم و سلوك صاتع السوق على السهم و الإنتباه للمؤشرات الإقتصادية بشكل عام و العوامل الخارجية ؛ ترى الموضوع مو لعبة !

صح السانك وبارك الله فيك
النصيحة ببلاش
حط فلوسك بجيبك واستانس فيهم
واترك عوار القلب والهم
خير طريقة للاستثمار الصناديق التي تدار من قبل
جهات مشهود لها بالاداء الجيد

 

[al7bebe]

تبي نصحية وربح يومي لايقل عن 1000دك يومي ادخل السوق العالمي السوق الامريكي واختار الاسهم القيادية ذات التداول العالي بشرط مهم جداً وهو :
(دخول دوره تدريبيه شاملة عن السوق الامريكي )

 

[khalidalazmi]

تكفي انحش من سوق الحراميه وخلك في التجاره الزينه لو بقاله ابركلك والله راحت فلوسنا يربحونا 200 وياخذون 1000 منا

والله كلامك عدل

دخلت البورصة بمبلغ 800 وربحت 600 دينار

ودخلت بمبلغ 14000 الف دينار وخسران الحين 2400 دينار