عندي مبلغ 10000 د.ك وابي اتداول

[nasseroo]

بسم الله الرحمن الرحيم

بعد التحيه الطيبه

بالبدايه احب اشكر جميع الاعضاء والقائمين على هذا المنتدى الجميل

اخواني الاعزاء انا حاليا املك 10000 دينار وقلت بدال لاتكون بالبنك ثابته ادخلها الاسهم وابيكم تشورون علي بالشركات الزينه

وتقبلوا مني فائق الاحترام والتقدير

 

[بو هباش الكويتي]

استثمار ولا مضاربه اذ استثمار طويل ولا قصير على حسب

 

[ولد البورصه]

بيـــــــــــــــــــــــــــــــتك

 

[nasseroo]

شكرا للاخوان على سرعة الاستجابه

على حسب او بحد اقصى سنه كامله

 

[ودي ومتردد]

الله يعينك فك عمرك وخل البورصه مامنها فايده

مااذكر واحد دخلها وربح

والله يوفقك

 

[بن زيمه]

أن أقول أشتر الصفوه وأنطر عليه جم شهر وإدعيلي لأن كلش مو سعره ..فيها مخاطره شوي بس مثل مايقولون مخاطره كبيره = ربح كبير..

وإذا ما تبي تخاطر عندك ( بيت التمويل / الدولي / بنك بوبيان) والأفضل بوبيان والدولي

 

[بو_راشد]

خل افلوسك في البنك ابرك ترى السوق الي داشه مفقود والطالع منه مولود انحش يفكك الله

 

[ابوسعد£]

تكفي انحش من سوق الحراميه وخلك في التجاره الزينه لو بقاله ابركلك والله راحت فلوسنا يربحونا 200 وياخذون 1000 منا

 

[بوسالم]

استثمار ولا مضاربه اذ استثمار طويل ولا قصير على حسب

___________

كلام اخوي بوهباش صحيح لازم تفكر وتقرر , بعدين خلك على البنوك ، وزين والاتصالات وكابلات والاسهم الثقيلة وارضى بالقليل لا تطمع

 

[salem76]

هج ويرزقك الله

 

[salem76]

تكفي انحش من سوق الحراميه وخلك في التجاره الزينه لو بقاله ابركلك والله راحت فلوسنا يربحونا 200 وياخذون 1000 منا

بصراحة كلامك مليون بمية صحيح

 

[المهذب جداً]

إشتر سهم شركة المعادن والصناعات التحويلية (المعادن) و هو تابع لجروب المخازن العمومية (أجيليتي) بالوقت إللي تقرى فيه مشاركتي و أشوفك بنهاية السنة بشرط ضمان العوامل الخارجية مثل الحروب و الكوارث الطبيعية و المشاكل السياسية و الإقتصادية و الأمنية!

 

[LONG TERM]

اشتر سهم شركة عارف للاستثمار .....


شركة مكفولة ...من بيت التمويل الكويتي .( اختصار التحليل الاساسي )



التحليل الفني ........... يقول شراء


والله اعلم

 

[الشاطر]

انا لو كان عندى مبلغك كان حطيته بجراند

 

[بحريني صغنون]

اذا تبي نصيحتي خل عنك سوق الكويت وروح سوق قطر واشتر بكل بالمبلغ الي عندك في فودافون قطر وشهر 3 ان شاء الله تقدر تبيعهم وبتربح ربح كبير

 

[(طموح وقنوع)]

النصيحة الكبرى بالابتعاد عن السوق وايجاد اي نشاط غيرة!!
الغالبية يعانون من الخسائر وقليل من سلم منها!

بس اذا ملزم ويمكن الله كاتبلك رزق
انصحك بالشركات الحديثة الادراج لانها تجاوزت شروط الادراج باصعب الظروف
منافع
المغاربية
شركات الطيران ( الجزيرة والوطنية )
عمار ( بالسوق الموازي)


والله يوفقك

 

[المهذب جداً]

.

النصيحة الكبرى بالابتعاد عن السوق وايجاد اي نشاط غيرة!!
الغالبية يعانون من الخسائر وقليل من سلم منها!

بس اذا ملزم ويمكن الله كاتبلك رزق
انصحك بالشركات الحديثة الادراج لانها تجاوزت شروط الادراج باصعب الظروف
منافع
المغاربية
شركات الطيران ( الجزيرة والوطنية )
عمار ( بالسوق الموازي)


والله يوفقك

طيران الجزيرة خسران 42% من راس ماله!



​

.

 

[(طموح وقنوع)]

.

طيران الجزيرة خسران 42% من راس ماله!



​

.

جزاك الله خير على التوضيح وبارك الله فيك

 

[adel8877]

اذا تنتظر الثصيحة لاتطلبها من ناس خسرانة بالسوق . حتى إذا سألت صاحب مطعم خسران لاينصحك بفتح مطعم . إذا لك رزقه أنا برأى البورصة أفضل مكان للأستثمار . إنت تدخل السوق بأسعار متدنية أعتبر نفسك مكتتب بأى سهم وانتظر او ضارب او تدلع على السهم تمسكه او تبيعه على هواك .
موفق خير .

 

[q8up]

الله يوفقك

شروط الاستثمار بسوق المال :

1. حضور دورة للتحليل الفني + تحليل مالي لتكون على درايه بما يدور حولك .

2. قراءة الكتب المختصة باسواق المال .

3. عدم الاستماع الى كل مايكتب بالمنتديات .

4. الالتزام بوقف الخسارة للمحافظة على راس المال .


اذا طبقت الشروط اعلاه ادخل السوق هذا اللي اقدر انصجك فيه والله يوفقك​