خبر هام عن غرب هديه

[abu_fahad]

مشكور يا أبو حسن بردت قلبى لأنى أنطر هالمشروع أو أى خبر عنه ، والله يجزاك خير ويوفقك ويرزقك يارب وأنا أثق بكلامك وأن شاء الله تصير

 

[abo riann]

ونعم

ونعم في ابو فهد
هذا الرجل اثق بكلامه
انا شخصيا سألته في شهر 6 الي طاف وقالي انه شهر 9 راح يمددون التخصيص في جابر الاحمد لسنة 96 وقالي بعد احتمال سعدالعبدالله تحوش طلبات اول 97

 

[كويتي0]

ماقلنا بابو فهد شيء بس يايب خبر كبار المسئولين مايدرون عنه ... تبينا نصدق لا ويقول من واحد من الربع الحين الشعب اغلبهم متوهقين بسالفة العقار والغلاء الفاحش والاخ يبينا نصدق سوالف الدواوين !! نبي منطقية شوي !!

كل منا يقدر يآلف له حجوتين ونحطهمكمشاركة لكن اللي يمنعنا نراقب الله فيما نكتب

 

[ال ثنيان]

غرب هديه تبي قرار سياسي والشيخ احمد الفهد قد القرار
واذا ماطلعت بعهده عمرها مراح تطلع وتفائلوا خير بابن الشهيد

 

[القصاص 2]

السلام عليكم ورحمة الله وبركاتة
سمعت مثل هذا الكلام والشخص اللى سمعت من اكد هذا الكلام والله اعلم وشكرا
وشكرا لصاحب الموضوع

 

[Q8ti]

يا شباب لا نعيش على أوهام

وحدث العاقل بما يعقل

وعصفور باليد ولا عشرة على الشجرة

مثل ما قال الأخ آل ثنيان غرب هدية يبيلها قرار سياسي
والشخ أحمد الفهد قول وفعل والشيخ مو مقصر وقاعد يشتغل ليل ونهار وأعتقد الكل شايف شنو صاير بالديرة هل الأيام وشلون توزيعات الأسكان شغالة.

بس لو نسترجع التاريخ شوي موضوع غرب هدية يوم كان الشيخ أحمد الفهد وزير النفط لم توافق شركة النفط على التنازل عن منطقة غرب هدية، فما بالك ألحين والشيخ أحمد الفهد بعيد عن وزارة النفط.

ولو فرضنا إن النفط تنازلت عن غرب هدية في فبراير/2011
المنطقة يبيلها شغل وايد على ما تتوزع مو أقل من 5 سنوات

فالواحد اللي يبي ينتظر مشروع غرب هدية الله وياه
واللي يبي يخصص في المشاريع الحالية هم نقوله الله وياك

بس في كلا الحالتين لحد يتحسف بعدين ويقول با ريت سويت جذي أو يا ريت نطرت. إنت بس توكل على الله وعزم على اللي تبيه والله يبارك لك إن شاء الله.

مجرد كلام وتفكير وإستنتاج...

 

[و111حد]

المكاتب عندهم مصادر قوووووويه فى الاسكان
وغرب هديه بأذن الله راح تتوزع واصبرو والحى منا بيشوف
ومحد له غير نصيبه وبنشوفها عامره اذا الله اراد
بس بيخلصون من المتوفر وبعدها بيطلع الجديد

 

[faisel 2]

ودي ان تروح لغرب هديه لترى وين راح تبنى المنطقه..؟!!لنفط والكهرباء زادوا منشآتهم في المنطقه لا يوجد مكان لبناء منطقه...

 

[nasser 123]

خاف ربك يامصري ولاتروج اشاعات ..

 

[مركز التبادل1]

خاف ربك يامصري ولاتروج اشاعات ..

لاتعليق

 

[ليث متواضع]

المكاتب عندهم مصادر قوووووويه فى الاسكان
وغرب هديه بأذن الله راح تتوزع واصبرو والحى منا بيشوف
ومحد له غير نصيبه وبنشوفها عامره اذا الله اراد
بس بيخلصون من المتوفر وبعدها بيطلع الجديد

جزاك الله خير

 

[بومحمـد]

كم تتوقعون عدد الوحدات السكنية في غرب هدية ؟
اذا فيه اي اخبار عنها

 

[مركز التبادل1]

مشروع غرب هدية سيحتوي على حوالي 3000 إلى 4000 وحده سكنيه

موقع المشروع .

 

[بومحمد63]

2822 قسيمة اعلنها الحميدي سنة 2006 قبل الغاء المشروع

يعني اما نفس هذا العدد او اقل

 

[عبدالله الطيب]

اتوقع ان شاءالله
والعلم عندالله ان المشروووع قادم بمشيئة الله
مجرد توقع
عساالله يكتب اللي فيه الخير للجميع
​

 

[al7mly]

اديييييييييييييييييييييييييييييينا صابرين

ولما نشوف

 

[العتيبي72]

يا شباب لا نعيش على أوهام

وحدث العاقل بما يعقل

وعصفور باليد ولا عشرة على الشجرة

مثل ما قال الأخ آل ثنيان غرب هدية يبيلها قرار سياسي
والشخ أحمد الفهد قول وفعل والشيخ مو مقصر وقاعد يشتغل ليل ونهار وأعتقد الكل شايف شنو صاير بالديرة هل الأيام وشلون توزيعات الأسكان شغالة.

بس لو نسترجع التاريخ شوي موضوع غرب هدية يوم كان الشيخ أحمد الفهد وزير النفط لم توافق شركة النفط على التنازل عن منطقة غرب هدية، فما بالك ألحين والشيخ أحمد الفهد بعيد عن وزارة النفط.

ولو فرضنا إن النفط تنازلت عن غرب هدية في فبراير/2011
المنطقة يبيلها شغل وايد على ما تتوزع مو أقل من 5 سنوات

فالواحد اللي يبي ينتظر مشروع غرب هدية الله وياه
واللي يبي يخصص في المشاريع الحالية هم نقوله الله وياك

بس في كلا الحالتين لحد يتحسف بعدين ويقول با ريت سويت جذي أو يا ريت نطرت. إنت بس توكل على الله وعزم على اللي تبيه والله يبارك لك إن شاء الله.

مجرد كلام وتفكير وإستنتاج...

احسنت مدير بنفط قالي انسا غرب هديه

 

[كويت 2020]

الله كريم

 

[عبدالله الطيب]

ان شاءالله خير
التفاءل مطلوووووووووب​

 

[بومحمـد]

تعتقدون مشروع غرب هدية ما يسوى النطره 5 سنوات
؟؟؟

في ناس مستعدين ينطرون هالمشروع 15 سنه بس يضمن دوره فيه