الأقمشه الشتويه..موضوع للنقاش

[Winchester SX3]

هذي النقطة اللي تضيق الخلق ومعقدتني من الخام الشتوي حاليا!!
بس نقع الخام الصوف بالماء مايخربة؟؟
واللي يبي يشتري خام سادة وجيد بسعر من 5 الى 7دنانير
شنو النوع اللي ترشحه مع ذكر المورد لو تكرمت؟

كل الشكر لمشاركتك القيمة مشرفنا

بو عبدالله تبي خبرة بدو؟

إنت خابر صارت الحلين التجارة بالدواوين
يجيك راعي الخام والخياط لي الديوانيه تختار الخام وياخذ قياسك ويجيبلك الدشداشه لي ديوانك وباليوم اللي إنت تحدده
والله بطرنا يالكويتيين بكل شي نتفنتك

عموما لا لمست الخام وحسيت إن البولستر زايد والبياع تفلسف عليك
خذ ولاعه وولع بالخيوط الزايدة من الطاقه وشم ريحتها راح يتبين لك مع الخبره إذا البولستر زايد عن اللزوم ولا لأ

واذا تبي خياط سنع درجة أولى
شرق - شارع أحمد الجابر ( أبراج العوضي )
خياط المقص الأصلي
ثاني او ثالث محل من صوب البنك الوطني
عجم على كيف كيفك بالخياطه

 

[jazah14247]

الخام الانجليزي سعره فيه بما اني مو شباب eek اقصد قريب من 50 سنة بعدد قليل جدا من السنوات ويبقى وانا اشتري دايما انجليزي 160 فهو مناسب سعر شوية غالي بس يبقى اذا كنت محافظ على الوزن لعدة سنوات
انا اشتري من محل فاروق زماني خامات طيبة وسعر معقول ان شاء الله مافي غش
وخياطي من زمان في البلوكات خياط صائب محترف جدا

 

[jazah14247]

كخبره بسيطه بتجارة الخامات
الافضل عالميا
الخام الصوف 160 الايرلندى ( الانجليزى ) لاكنه قاسى بالملبس , يضاف عليه حاليا بعض خيوط البوليستر حتى يصبح طريا , مكان البيع اجواخ ابو الحسن البلوكات , لكن السعر مبالغ فيه حيل

حاليا بعض المحلات تستورد من تجار دبى ( خامات صنعت بالصين ) ويكتب عليها صنعت بانجلترا
وهذى خاماتنا اللى بعد الكوى الحار يصير فيها لمعه ( اللمعه بسبب احتراق خيوط البولستر ( النايلون ) الصوف لا يحترق

توجد مشكله كبيره نعانى منها نحن الشعب الكويتى ( الغش التجارى )
تشترى خام سعر المتر 60 دينار والتكلفه الفعليه 2 دينار لليارد 90 سم

كيف تعرف الخام الصوف
اشرط خام صوف بالفاتورة 160 , 140 , 120 -- وهذه الارقام نسبة الصوف بالخام واخفها 120
لاتشترى الخام على ملامست المسطره
بل على ملامسة الطاقه 25 يارد او 50 يارد

جميع المصانع تضع مادة النشأ على الخام قبل البيع

بعد الشراء نقع الخام فى ماء فاتر 3 مرات لمدة 3 ايام

وبعده اشرط على الخياط حياكة الخام بخيط المانى او ايطالى او انجليزى
لا يخط بالخيط الصينى او الهندى التعبان

موفقين ان شاء الله

بارك الله فيك
ترا انا بسميك
النوخذة

 

[meshal bader]

يشباب منو شاف الشتاء

احد مر عليه

 

[ياسر الروقي]

اجواخ ابو الحسن
والسميح للخامات
وكلن يشتري حسب دخله يا اخوان
والشتوي 3 اشهر ملبسه
خذلك قطعتين دلوكس لرسميه وقطعتين وسط
وترى الصوف الاصلي ما ينلبس حار على الجسم خاصه وقت الظهر
وفي خامات تجي من تايلند وجاكرتا لماركات ديور وجفنشي وكوجي
حلووه واصليه لكنها صنع الصين

 

[(طموح وقنوع)]

بو عبدالله تبي خبرة بدو؟

إنت خابر صارت الحلين التجارة بالدواوين
يجيك راعي الخام والخياط لي الديوانيه تختار الخام وياخذ قياسك ويجيبلك الدشداشه لي ديوانك وباليوم اللي إنت تحدده
والله بطرنا يالكويتيين بكل شي نتفنتك

عموما لا لمست الخام وحسيت إن البولستر زايد والبياع تفلسف عليك
خذ ولاعه وولع بالخيوط الزايدة من الطاقه وشم ريحتها راح يتبين لك مع الخبره إذا البولستر زايد عن اللزوم ولا لأ

واذا تبي خياط سنع درجة أولى
شرق - شارع أحمد الجابر ( أبراج العوضي )
خياط المقص الأصلي
ثاني او ثالث محل من صوب البنك الوطني
عجم على كيف كيفك بالخياطه

هلا بوغازي زارتنا البركة

لا تذكرني مرة باعوني بالديوانية خام صيفي
وتاليتها طلع حتى حق مكسر ماينفع

نصايحك طيبة وبنحطها بعين الاعتبار

الخام الانجليزي سعره فيه بما اني مو شباب eek اقصد قريب من 50 سنة بعدد قليل جدا من السنوات ويبقى وانا اشتري دايما انجليزي 160 فهو مناسب سعر شوية غالي بس يبقى اذا كنت محافظ على الوزن لعدة سنوات
انا اشتري من محل فاروق زماني خامات طيبة وسعر معقول ان شاء الله مافي غش
وخياطي من زمان في البلوكات خياط صائب محترف جدا

لك طولة العمر على الطاعه طال عمرك

الانجليزي مايحتاج سعره فيه

يشباب منو شاف الشتاء

احد مر عليه

ههههههه
طول بالك علينا ياخوي مشعل
تصدق
نحب الشتاء ونحب لبسة ولو مدته شهر ننطره على نار
خصوصا ان العام ماشفنا برد يسوى

اجواخ ابو الحسن
والسميح للخامات وكلن يشتري حسب دخله يا اخوان
والشتوي 3 اشهر ملبسه
خذلك قطعتين دلوكس لرسميه وقطعتين وسط
وترى الصوف الاصلي ما ينلبس حار على الجسم خاصه وقت الظهر
وفي خامات تجي من تايلند وجاكرتا لماركات ديور وجفنشي وكوجي
حلووه واصليه لكنها صنع الصين

درر ياخوي ياسر
فعلا السميح وابو الحسن ممتازين ومتعددين الاسعار








نقطة مهمة للجميع بخصوص الشتوي
اللون الفاتح نهاري
واللون الغامق لليل
لان بالنهار الشمس حنانية ولو كان الجو بارد

 

[ميكانيكي]

لاتكوي الدشداشه بالاوتي العادي !!

اكويها بالبخار ينباع بسعر 80 دينار عند المتحده افتكر اسمه (( صوب نيكست الي بالسالمية القديمه ))

والغسيل دايما بالمصبغه افضل

 

[(طموح وقنوع)]

هلا ابوفجر
الظاهر ماقريت الموضوع من أوله
عموما مشكور على الفايده
وانا اللي على بالي ان تخصصك بس بالبلسوتات

 

[موظف]

شارع الخياطين بالحساوي عند دوار أبليس

 

[(طموح وقنوع)]

للرفع
معرض المعتمد بالبلوكات
عنده اقمشة كوريه ولا اروع
المتر ٤ و ٥دنانير
احسن من الصيني

ملبوس العافيه
،،،